ભોજન સ્વાદ વધારશે આ હેલ્ધી બીટરૂટ ચટણી, જાણો પરફેક્ટ રેસીપી

જીવનશૈલી | તમે સલાડ કે નાસ્તામાં બીટરૂટ (beetroot) નો ઉપયોગ કર્યો હશે. પણ શું તમે જાણો છો કે તમે તેમાંથી ચટણી પણ બનાવી શકો છો?  તમે બીટરૂટ ચટણી કેવી રીતે બનાવવી તે શીખી શકો છો. તમે તેને ઢોસા, ઈડલી અથવા ઉત્તપમ સાથે પીરસી શકો છો. અહીં જાણો બીટ ચટણી રેસીપી

બીટરૂટ ચટણીને તેનો સુંદર કલર આપે છે. તે ખાવામાં પણ સ્વાદિષ્ટ હોય છે. તમે તેને ઝડપથી તૈયાર કરી શકો છો. અને  ચટણી ખાવાનો સ્વાદ બમણો કરશે.

બીટરૂટ ચટણી રેસીપી 

સામગ્રી 

2-3 બીટ 
2-3 ચમચી નારિયેળ (છીણેલું)
2-3 લીલા મરચાં 
1 ઇંચનો ટુકડો આદુ
2-3 કળી લસણ
2 ચમચી તેલ - 2 ચમચી
અડધી ચમચી રાઈ 
1-2 લાલ મરચું 
1 ચમચી અડદ દાળ
1  ચમચી ચણા દાળ
6-7 મીઠા લીમડાના પાન 
મીઠું - સ્વાદ મુજબ
1 નાનો ટુકડો આમલી
પાણી - જરૂર મુજબ

ઘરે નાંરગી પડી હોય તો, આ રીતે માત્ર 4 વસ્તુમાંથી બનાવો ઓરેન્જ મોહિતો, જાણો સરળ રેસીપી

બીટરૂટ ચટણી બનાવાની રીત

સૌ પ્રથમ  બીટરૂટની ચટણી બનાવવા માટે બીટરૂટને સારી રીતે ધોઈ લો અને તેને છીણી લો. એક પેનમાં તેલ ગરમ કરો. તેમાં અડદની દાળ અને ચણાની દાળ ઉમેરો અને તેને તળો. પછી, લીલા મરચાં, લાલ મરચાં, આદુ અને લસણની કળી ઉમેરો. થોડીવાર માટે હલાવો.  આ પછી, છીણેલું બીટ ઉમેરો અને તેને થોડીવાર માટે કુક કરો. તેને ઠંડુ થવા દો અને મિક્સર જારમાં મૂકો. તેમાં છીણેલું નારિયેળ, આમલી અને થોડું પાણી ઉમેરીને બારીક પીસી લો. 
તેને એક બાઉલમાં કાઢી લો અને સ્વાદ મુજબ મીઠું ઉમેરો. હવે ચટણી માટે ટેમ્પરિંગ તૈયાર કરવાનો સમય આવી ગયો છે. આ કરવા માટે, એક નાના પેનમાં એક ચમચી તેલ રેડો. રાઈના દાણા ઉમેરો. જ્યારે રાઈના દાણા તતડવા લાગે, ત્યારે મીઠો લીમડો  ઉમેરો. વઘારને ચટણીમાં મિક્સ કરો. આ રીતે, તમે સરળતાથી બીટરૂટ ચટણી બનાવી શકો છો