Heatwave Diet : ઉનાળો (Summer) શરૂ છે. આગ વરસાવતી ગરમી પડી રહી છે. સતત વધતી ગરમીને લીધે લોકો ત્રાહિમામ પોકારી ગયા છે. ગરમીના લીધે પરસેવો વધુ થાય છે અને બોડી ડિહાઈડ્રેટેડ થઇ જાય છે. ડીહાઇડ્રેશનના લીધે શરીરમાં એનર્જી રહેતી નથી. ત્યારે એક્સપર્ટ દ્વારા વારંવાર પાણી પીવાની અને હાઇડ્રેટ રહેવાની સલાહ અપાય છે. એવામાં ઘણા ખોરાક શરીરને ગરમીમાંથી રાહત આપી શરીર ઠંડુ રાખે છે. જે એનર્જી ટકાવી રાખે છે.
આ સુપરફુડથી કેલરી વધવાની પણ ચિંતા રહેતી નથી કારણ કે તેમાં પાણીનું પ્રમાણ વધુ હોય છે. આ ખોરાક લેવાનો તર્ક તમારા ઇલેક્ટ્રોલાઇટ્સને સંતુલિત રાખવાનો છે કારણ કે પુષ્કળ પરસેવો થાય એટલે કે શરીર ઇલેક્ટ્રોલાઇટ્સ સરળતાથી ગુમાવે છે. આ ઉપરાંત, આમાંના મોટાભાગના ખોરાક ફાઇબરથી ભરપૂર હોય છે અને તમને લાંબા સમય સુધી પેટ ભરેલું રાખે છે.
આ પણ વાંચો: Summer Special : મોતિયાનું જોખમ ઘટાડે શેતુર, જાણો અન્ય સ્વાસ્થ્ય ફાયદા
હીટવેવ માટે સુપરફુડ (Superfoods for heatwaves)
નાળિયેરનું પાણી : ઉનાળાની ગરમીમાં નાળિયેર પાણી યોગ્ય છે કારણ કે તેમાં સોડિયમ, મેગ્નેશિયમ, કેલ્શિયમ અને પોટેશિયમ જેવા કુદરતી ઇલેક્ટ્રોલાઇટ્સ હોય છે. આ શરીરમાં આવશ્યક ખનિજોનું સંતુલન જાળવવામાં મદદ કરે છે, કોષોને ડિટોક્સિફાય કરે છે અને સ્નાયુઓ અને ચેતાના કાર્યોમાં મદદ કરે છે. નાળિયેર પાણી બ્લડ પ્રેશરને સ્થિર કરવામાં અને કિડનીને ફ્લશ કરવામાં મદદ કરે છે. તે મેગ્નેશિયમથી સમૃદ્ધ હોવાથી, તે બ્લડ સુગરને કંટ્રોલ કરવામાં મદદ કરી શકે છે.
લીંબુ પાણી: લીંબુ પાણી વિટામિન સીનો સારો સ્ત્રોત છે, લીંબુ શરીરને આલ્કલાઇન રાખે છે, પાચનને સરળ બનાવે છે અને અન્ય પીણાઓ માટે સારો અને સરળ ઓપ્શન બની શકે છે. થોડી લીંબુ સાથે ફુદીનાના પાનમાંથી બનાવેલ લીંબુ પાણી તમને એનર્જી આપશે અને ભૂખ પણ કન્ટ્રોલમાં રાખશે.
કોઠા : વિટામિન્સ અને એન્ટીઑકિસડન્ટોથી ભરપૂર કોઠા તેના બળતરા વિરોધી અને એન્ટિ-બેક્ટેરિયલ ગુણધર્મો સાથે શરીરને ઠંડુ રાખે છે.
સબ્જાના બીજ : સબજા બીજઅથવા તુલસીના બીજ શરીર પર ઠંડકની અસર માટે જાણીતા છે. આ ઉપરાંત તે ભૂખને કંટ્રોલ કરવામાં મદદ કરે છે. તેથી વેઇટ લોસ કરવામાં મદદ કરી શકે છે. તેઓ મૂત્રવર્ધક પદાર્થ છે અને બ્લડ સુગરને નિયંત્રિત કરવામાં મદદ કરી શકે છે.
સ્ટ્રોબેરી: લાલ કલરની આ રસદાર બેરીમાં લગભગ 91 ટકા પાણી હોય છે અને તે વિટામિન સી અને ફાઇબર પૂરા પાડવા સાથે બોડી હાઇડ્રેટ રાખે છે. સ્ટ્રોબેરીમાં કોઈપણ પ્રકારનું સોડિયમ, ચરબી કે કોલેસ્ટ્રોલ હોતું નથી.તે ટોચના 20 ઉચ્ચ એન્ટીઑકિસડન્ટ ફળોમાંના એક છે અને મેંગેનીઝ અને પોટેશિયમનો સારો સ્ત્રોત છે. સ્ટ્રોબેરીના એક માત્ર સર્વિંગમાં એટલે કે લગભગ આઠ બેરીમાં નારંગી કરતાં વધુ વિટામિન સી હોય છે. સ્ટ્રોબેરીમાં રહેલા પોલિફીનોલ્સ બિન-ડાયાબિટીક પુખ્ત વયના લોકોમાં ઇન્સ્યુલિનની સેન્સિટિવિટીમાં સુધારો કરે છે.
છાશ: સંચળ, હિંગ અને જીરું પાઉડર સાથે બનાવેલ છાશની ઠંડક અને તાજગી આપે છે.સતત ગરમીમાં બપોરના સમયે, ખાસ કરીને બપોરના ભોજન પછી છાશ પીવીએ ઉત્તમ પાચકનું કામ કરે છે.
તડબૂચ : તડબૂચ હાઇડ્રેશનનો શ્રેષ્ઠ સ્ત્રોત છે કારણ કે તે લગભગ 92 ટકા પાણીથી બનેલો છે. તે વિટામીન A અને C નો પણ સારો સ્ત્રોત છે. જ્યારે તરબૂચમાં ગ્લાયકેમિક ઇન્ડેક્સ (GI) 72 નું ઊંચું હોય છે, ગ્લાયકેમિક ઇન્ડેક્સ એક માપદંડ છે કે જે ખોરાક કેટલી ઝડપથી લોહીમાં શર્કરાનું સ્તર વધારે છે, પરંતુ તેના સર્વિંગમાં કાર્બોહાઇડ્રેટ એટલું ઓછું હોય છે કે તેનું ગ્લાયકેમિક લોડ (ગ્લુકોઝ પર સર્વિંગ) માત્ર 5 છે.
આ પણ વાંચો: Summer Special : ઉનાળામાં સ્વસ્થ રહેવા કરો આમળાનું સેવન
કાકડી : કાકડીમાં ઓછી કેલરી હોય છે. તેમાં લગભગ 96 ટકા પાણી હોય છે અને તે શરીરની ગરમીને ઓછી કરી શકે છે. કાકડી ઉનાળાના સલાડનો મુખ્ય ભાગ છે. જે તમારું પેટ ભરેલું રાખે છે અને કબજિયાતને દૂર કરવામાં મદદ કરે છે, જે ઉનાળાની સામાન્ય બિમારી છે.
ટામેટાં: ટામેટાંમાં આશરે 94 ટકા પાણી હોય છે. ટામેટાં વિટામિન્સ, એન્ટીઑકિસડન્ટો અને ફાઇબરથી સમૃદ્ધ હોવાની સાથે હાઇડ્રેશનનો ઉત્તમ સ્ત્રોત છે. ટામેટા બળતરા વિરોધી અને લાઇકોપીન છે, લાઈકોપીન સંયોજન જે તેમને લાલ રંગ આપે છે, તે લો-ડેન્સિટી લિપોપ્રોટીન (LDL) અથવા “ખરાબ” કોલેસ્ટ્રોલ તેમજ તમારા બ્લડ પ્રેશરને કંટ્રોલ કરવામાં મદદ કરી શકે છે.
