Hina Khan Breast Cancer : હિના ખાન સ્તન કેન્સરનો શિકાર, સ્તન કેન્સર વિષે આટલું જાણો

Hina Khan Breast Cancer : લોકપ્રિય ટેલિવિઝન અભિનેત્રી હિના ખાને (Hina Khan) તાજતેરમાં તેના ઇન્સ્ટાગ્રામ પર એક પોસ્ટ શેર કરી હતી જેના લીધે ખરેખર ચાહકોમાં ચિંતા શરૂ થઇ શકે છે, હિના ખાને પોસ્ટમાં ખુલાસો કર્યો કે તે સ્ટેજ થ્રી બ્રેસ્ટ કેન્સર (Breast Cancer) છે. સોશિયલ મીડિયા પોસ્ટમાં, 36 વર્ષીય સ્ટારે ચાહકોને આશ્વાસન પણ આપ્યું હતું કે તેની સારવાર ચાલી રહી છે અને તે પડકારને પાર કરવા પ્રતિબદ્ધ છે.

હિના ખાન ભારતીય ટેલિવિઝનમાં જાણીતું નામ છે. તેણી લાંબા સમયથી ચાલતી સિરીઝ "યે રિશ્તા ક્યા કહેલાતા હૈ" માં અક્ષરાનું પાત્ર ભજવીને અને "બિગ બોસ" અને "ખતરોં કે ખિલાડી" જેવા રિયાલિટી શોમાં ભાગ લઈને પ્રખ્યાત થઈ હતી.

સ્તન કેન્સર

સ્તન કેન્સર એ સ્તન પેશીઓમાં અસામાન્ય કોષોની વૃદ્ધિ છે. તે વૈશ્વિક સ્તરે સ્ત્રીઓને અસર કરતું સૌથી સામાન્ય કેન્સર છે, જોકે તે પુરુષોમાં પણ થઈ શકે છે. હિનાનું નિદાન સ્તન કેન્સરની જાગૃતિ, વહેલું નિદાન અને સારવાર દરમિયાન પોઝિટિવ રહેવાનું મહત્વનું રીમાઇન્ડર છે.

સ્તન કેન્સરનું નિદાન જીવન-પરિવર્તનકારી હોઈ શકે છે, અને કેન્સરનો તબક્કો સારવાર અને વિચારોને નોંધપાત્ર રીતે પ્રભાવિત કરે છે. સ્ટેજ 3 સ્તન કેન્સર એટલે કે કેન્સર વધારે ફેલાયેલું છે પરંતુ હજી સુધી દૂરના અવયવો સુધી પહોંચ્યું નથી. જ્યારે આ નિદાન ભયજનક હોઈ શકે છે, સ્ટેજ 3 સ્તન કેન્સર ધરાવતી ઘણી સ્ત્રીઓ સારવારમાં સફળ રહી શકે છે અને લાંબુ, સ્વસ્થ જીવન જીવી શકે છે.

આ પણ વાંચો: Monsoon Special : સદગુરુએ કફથી છુટકારો મેળવવા 4 હેલ્થ ટિપ્સ શેર કરી, શું તે ખરેખર અસર કરે?

સ્ટેજ 3 નિદાનનો અર્થ શું ?

હેલ્થ એક્સપર્ટ અનુસાર, સ્ટેજ 3 માં સ્તન કેન્સરના નિદાનમાં, ગાંઠ 5 સેમી (લગભગ નાના લીંબુના કદ) કરતા મોટી છે અને 1- 3 લસિકા ગાંઠો ((બગલમાં વટાણાના કદની ગ્રંથીઓ) સુધી ફેલાઈ ગઈ છે.

આ સ્ટેજમાં સામાન્ય રીતે સ્પષ્ટપણે દેખાતા સ્તન અથવા અંડરઆર્મ લમ્પ્સ, ત્વચામાં ફેરફાર, સ્તનમાં દુખાવો અથવા સ્તનમાંથી સ્રાવ જેવા લક્ષણોનો સમાવેશ થાય છે. એ નોંધવું અગત્યનું છે કે સ્ટેજ 3 ને લસિકા ગાંઠોની સંડોવણી અને અન્ય પરિબળોની ચોક્કસ હદના આધારે વધુ સિરીઝ (3A, 3B અને 3C) માં વિભાજિત કરવામાં આવે છે.

સ્ટેજ 3 સ્તન કેન્સરનું નિદાન કેમ ન થઈ શકે? જોખમી પરિબળો શું છે?

પ્રારંભિક તબક્કાની ગાંઠો ખૂબ જ નાની હોય છે અને તે લક્ષણોનું કારણ નથી. નિયમિત ટેસ્ટ અને મેમોગ્રામ તપાસ માટે નિર્ણાયક છે કારણ કે તેઓ ગઠ્ઠો અનુભવે તે પહેલાં ઓળખી શકે છે.

નિદાન પહેલા ગાંઠની સાઈઝ લસિકા ગાંઠો અને સારવાર જેવા પરિબળો પર આધારિત છે. સ્તન કેન્સર ધીમી પ્રગતિ, લક્ષણોનો અભાવ અને અનિયમિત તપાસને કારણે સ્ટેજ 1 કે 2 સુધી નિદાન ન થઈ શકે. સ્તન કેન્સર માટેના જોખમી પરિબળોમાં ઉંમર, કૌટુંબિક ઇતિહાસ, આનુવંશિકતા અને બદલાતી લાઇફસ્ટાઇલનો સમાવેશ થાય છે કેટલીક સ્ત્રીઓ વારસાગત જનીન પરિવર્તન (BRCA1, BRCA2, PALB2 વગેરે)ને કારણે વધુ સંવેદનશીલ હોય છે જે જોખમમાં નોંધપાત્ર વધારો કરે છે.

આ પણ વાંચો: Hina Khan Breast Cancer: હિના ખાન બ્રેસ્ટ કેન્સરના 3 સ્ટેજમાં, જાણો લક્ષણ અને કેટલી ખાતક છે આ બીમારી

સ્ટેજ 3 સ્તન કેન્સર માટે સારવારના વિકલ્પ

• સ્ટેજ 3 સ્તન કેન્સર માટે સારવારના રસ્તા ઘણા હોય છે અને વ્યક્તિના ચોક્કસ કેસને અનુરૂપ હોય છે.
• સ્ટેજ 3 એડવાન્સ સ્તન કેન્સર છે અને તેની સારવાર ખૂબ જ અલગ રીતે કરવામાં આવે છે.
• તેને આક્રમક સારવારની જરૂર છે, જેમાં શસ્ત્રક્રિયા (લસિકા ગાંઠો દૂર કરવા સાથે mastectomy અથવા lumpectomy), બાકી રહેલા કેન્સરના કોષોને નાબૂદ કરવા માટે રેડિયેશન થેરાપી અને સમગ્ર શરીરમાં કેન્સરને લક્ષ્ય બનાવવા માટે કીમોથેરાપી જેવી પ્રણાલીગત સારવારની જરૂર પડે છે.
• ER,PR, Her2neu જેવી ગાંઠની લાક્ષણિકતાઓના આધારે વ્યક્તિગત સારવાર પણ કરવામાં આવે છે. રેડિયેશનની ઘણી વાર જરૂર પડે છે.

મોટા ભાગના કેન્સર સામે લડવામાં પ્રારંભિક તપાસ ચાવીરૂપ છે. નિયમિત ટેસ્ટ અને મેમોગ્રામ 40 વર્ષથી વધુ ઉંમરની સ્ત્રીઓ માટે મહત્વપૂર્ણ છે. જો તમને તમારા સ્તનોમાં કોઈ ફેરફાર જણાય, તો હેલ્થકેર પ્રોફેશનલની સલાહ લેવા માટે અચકાશો નહીં.