ગરદનની કાળાશ આ 2 ઘરેલુ ઉપાયથી દૂર કરો, એકદમ થઇ જશે ક્લિન

Dark Neck Home Remedies: ઉનાળામાં તડકા અને પરસેવાના કારણે ગરદન કાળી થવી એ સામાન્ય સમસ્યા બની જાય છે. ઘણી વખત લોકો તેની અવગણના કરે છે, જેના કારણે ટેનિંગ થાય છે અને ત્વચા નિર્જીવ દેખાવા લાગે છે. આમ જોવા જઈએ તો તમે સરળતાથી ગરદન સાફ કરી શકો છો. જો તમે પણ ગરદનને બરાબર સાફ નથી કરી શકતા તો અમે તમારા માટે કેટલાક ઘરેલુ ઉપાય લાવ્યા છીએ, જેને તમે ફોલો કરી શકો છો.

બેકિંગ સોડા અને ગુલાબજળ

બેકિંગ સોડા અને ગુલાબજળની મદદથી ગરદનની કાળાશને તમે સરળતાથી દૂર કરી શકો છો. બેકિંગ સોડા એક કુદરતી એક્સ્ફોલિએટરની જેમ કામ કરે છે. તેના ઉપયોગથી ત્વચાના મૃત કોષો સરળતાથી દૂર થાય છે. તેમાં અનેક પ્રકારના એન્ટી બેક્ટેરિયલ ગુણ પણ હોય છે.

બેકિંગ સોડા અને ગુલાબજળનો ઉપયોગ કેવી રીતે કરવો

બેકિંગ સોડા અને ગુલાબજળની પેસ્ટ તૈયાર કરવા માટે સૌ પ્રથમ એક નાના બાઉલમાં એક ચમચી બેકિંગ સોડા લઈ તેમાં થોડું ગુલાબજળ મિક્સ કરી પેસ્ટ તૈયાર કરી લો. હવે તેને ગરદન પર લગાવીને હળવા હાથથી 2-3 મિનિટ સુધી મસાજ કરો. હવે તેને લગભગ 10 મિનિટ સુધી આ રીતે જ રહેવા દો. થોડા સમય પછી ચોખ્ખા પાણીથી ધોઈ લો. આ પેસ્ટને તમે અઠવાડિયામાં બેથી ત્રણ વાર લગાવી શકો છો.

આ પણ વાંચો - દૂધી સાથે ભૂલીને પણ ના ખાઓ આ 5 વસ્તુઓ, ફાયદાના બદલે થશે નુકસાન

ચણાનો લોટ, હળદર અને દહીં

ચણાનો લોટ, હળદર અને દહીં ત્વચા માટે ખૂબ ફાયદાકારક છે. બેસન અને દહીં ત્વચાને સાફ કરે છે અને મોઇશ્ચરાઇઝ કરે છે. સાથે જ હળદર ત્વચાને ચમકદાર બનાવે છે. તેને તૈયાર કરવા માટે સૌ પ્રથમ એક બાઉલમાં બે ચમચી ચણાનો લોટ, એક ચપટી હળદર અને એક ચમચી દહીં મિક્સ કરીને પેસ્ટ તૈયાર કરો. હવે તેને ગરદન પર લગાવીને થોડા સમય માટે સુકાવા દો. હવે હળવા હાથે મસાજ કરો. થોડા સમય પછી તેને ચોખ્ખા પાણીથી ધોઈ લો.