કોલેસ્ટ્રોલ ઘટાડવા દરરોજ ટામેટાનો જ્યુસ પીવો કે નહિ? શું ખરેખર છે અસરકારક? જાણો

આજકાલ ખરાબ કોલેસ્ટ્રોલ (bad cholesterol) ની સમસ્યા ઘણી જોવા મળી રહી છે. આપણા શરીરમાં બે પ્રકારના કોલેસ્ટ્રોલ જોવા મળે છે, એક ખરાબ કોલેસ્ટ્રોલ અને એક સારું કોલેસ્ટ્રોલ. કોલેસ્ટ્રોલ એ ચરબી જેવો પદાર્થ છે જે શરીરના કોષોમાં જોવા મળે છે. તે શરીરના ઘણા કાર્યો માટે જરૂરી છે.

ઉચ્ચ કોલેસ્ટ્રોલ હૃદય રોગ અને સ્ટ્રોકનું જોખમ વધારી શકે છે. જો તમે પણ તમારા શરીરમાં વધેલા કોલેસ્ટ્રોલને નિયંત્રિત કરવા માંગતા હો, તો તમે આ ટામેટાનો રસ પી શકો છો.અહીં જાણો ખરાબ કોલેસ્ટ્રોલ કંટ્રોલ કરવા માટે ટામેટાંનો રસ પીવાના ફાયદા

શું ટામેટાંનો રસ કોલેસ્ટ્રોલ ઘટાડી શકે છે?

ટામેટાના રસમાં લાઇકોપીન નામનું સંયોજન સારી માત્રામાં હોય છે, જે શરીરમાં સંચિત ખરાબ કોલેસ્ટ્રોલને ઘટાડી શકે છે. તે શરીરમાં લિપિડનું સ્તર સુધારી શકે છે. જો તમે પણ તમારા શરીરમાં વધેલા કોલેસ્ટ્રોલને ઘટાડવા માંગતા હો, તો તમે આ જ્યુસનું સેવન કરી શકો છો.

આ પણ વાંચો: આ લક્ષણો અવગણો નહિ, વિટામિન ડીની ઉણપ હોઈ શકે, ઉણપ દૂર કરવા આટલું કરો

ટામેટાંનો રસ પીવાના ફાયદા (Benefits of drinking tomato juice)

ટામેટાના રસમાં વિટામિન સી, વિટામિન એ અને વિટામિન કે જેવા જરૂરી વિટામિન્સ જોવા મળે છે, જે શરીરની રોગપ્રતિકારક શક્તિ વધારવામાં મદદ કરે છે. એટલું જ નહીં, તેમાં પોટેશિયમ, ફોલિક એસિડ અને આયર્ન જેવા ખનિજો પણ હોય છે, જે રક્ત પ્રવાહને વધુ સારો રાખવામાં મદદ કરી શકે છે. જો તમે દરરોજ ટામેટાંનો રસ પીઓ છો, તો તે વજન ઘટાડવામાં અને ત્વચાને સ્વસ્થ રાખવામાં મદદ કરી શકે છે. ટામેટાંમાં સારી માત્રામાં ફાઇબર જોવા મળે છે, જે પાચન માટે સારું માનવામાં આવે છે. જો તમને પાચન સંબંધી સમસ્યાઓ હોય તો તમે ટામેટાંનો રસ પી શકો છો.