Ants Rid Tips : ઘરમાં કીડી મકોડા પરેશાન કરે છે? આ 5 ઘરેલું ઉપાય અપાવશે છુટકારો

How To Rid Ants Form House : કીડી મકોડા માટે ઘરમાં આવવા સામાન્ય બાબત છે. તે રસોડા, બાથરૂમ અને બેડરૂમમાં પણ જોવા મળે છે, જેના કારણે ઘણી મુશ્કેલી ઉભી થાય છે. કેટલીકવાર તેમનાથી છુટકારો મેળવવો પણ ખૂબ મુશ્કેલ હોય છે. જો કે, કેટલાક ઘરેલું ઉપાયોની મદદથી, તમે આ કીડી મકોડાને કોઈપણ કેમિકલ વગર સરળતાથી ઘરની બહાર કાઢી શકો છો.

મીઠું અને બેકિંગ સોડાનો ઉપયોગ કરો

ઘર માંથી કીડી મકોડા બહાર કાઢવા અથવા તે ન થાય તેની માટે તમે મીઠું અને બેકિંગ સોડા બંનેનો ઉપયોગ કરી શકો છો. આ માટે એક કપ પાણીમાં બે ચમચી મીઠું મિક્સ કરીને લિક્વિડ બનાવો. હવે તેને સ્પ્રે બોટલમાં મૂકી જ્યાંથી કીડી જતી હોય જગ્યા પર છંટકાવ કરો. તેનાથી કીડીઓ ભાગી જાય છે.

સરકો અને પાણીનો ઉપયોગ કરો

કીડી મકોડા દૂર કરવા માટે, તમે સરકો અને પાણીના લિક્વિડનો ઉપયોગ કરી શકો છો. આ લિક્વિડ બનાવવા માટે, એક બાઉલમાં સફેદ સરકો અને સમાન માત્રામાં પાણી ઉમેરો અને સારી રીતે મિક્સ કરો. હવે આ મિશ્રણને સ્પ્રે બોટલમાં ભરી લો. આ લિક્વિડ કીડી થતી હોય ત્યાં અને તેના રસ્તા પર છંટકાવ કરો. સરકોની ગંધ સરળતાથી કીડીઓ ભાગી જશે.

લીંબુના રસથી છુટકારો મેળવો

કીડી ભગાડવા માટે લીંબુનો રસ પણ એક ઉત્તમ વિકલ્પ છે. આ માટે એક ગ્લાસ પાણીમાં અડધા લીંબુનો રસ ઉમેરો. હવે કીડીઓ જ્યાં આવે છે ત્યાં તેનો છંટકાવ કરો. તેનાથી કીડીઓ નહીં થાય.

ફુદીના અથવા લવિંગનું તેલ

કીડી મકોડાને ફુદીનાની તીવ્ર સુગંધ ગમતી નથી. કોટન બાઉલ પર ફુદીના અથવા લવિંગના તેલના થોડા ટીપાં રેડો. હવે કીડી મકોડા જ્યાં આવે છે ત્યાં મૂકો. તે કીડી મકોડાને નજીક આવતા અટકાવશે.

તમાલ પત્રનો ઉપયોગ કરો

તમાલ પત્રની તીવ્ર ગંધ પણ કીડી મકોડાને પસંદ નથી. રસોડાના કેબિનેટ, ખાંડના ડબ્બા અથવા અનાજના વાસણોમાં તમાલ પત્ર મૂકો. તેનાથી કીડીઓ દૂર રહેશે, સાથે જ જંતુઓ પણ ભાગી જશે.