ઉનાળામાં ફ્રિજનો ઉપયોગ કર્યા વિના ખોરાકને ખરાબ થતો અટકાવો છે? તો આ રહી કેટલીક ટિપ્સ

Keep Food Fresh In Fridge : ઉનાળાના તાપમાનને કારણે ખોરાક ખૂબ જ ઝડપથી બગડી જાય છે. ખોરાકને સતત ફ્રીઝરમાં રાખી શકાતો નથી. આ દિવસે ઓફિસ જતા સમયે પણ ગરમ તાપમાનના કારણે ટિફિનમાં રહેલી સામગ્રી ખરાબ થઇ જાય છે. ઘણા લોકોના મનમાં પ્રશ્ન એ ઊભો થાય છે કે ઉનાળામાં ખોરાકને બગડવાથી કેવી રીતે બચાવી શકાય. આજે અમે તમારા માટે કેટલીક ટિપ્સ લઇને આવ્યા છીએ.

ખોરાકને ખરાબ થતો અટકાવવા માટે શું કરવું જોઈએ?

વધેલા વાસી ખોરાકને તાજા ખોરાક સાથે મિશ્રિત કરશો નહીં

ખોરાક ઝડપથી ખરાબ ન થાય તે માટે તાજા ખોરાક સાથે વાસી ખોરાકને મિશ્રિત કરવાની ભૂલ ક્યારેય ન કરો. વાસી ખોરાકને હંમેશા તાજા ખોરાકથી અલગ રાખો, આમ કરવાથી તે લાંબા સમય સુધી તાજો રહેશે.

આહારને સારી રીતે ઢાંકો

ભોજન બનાવ્યા પછી ભોજનને સારી રીતે ઢાંકી દો, કારણ કે ઉનાળામાં વાતાવરણમાં ઘણા પ્રકારના બેક્ટેરિયા હોય છે. આવા કિસ્સાઓમાં જો તે ખોરાકમાં જાય છે તો ખોરાક ઝડપથી બગડી શકે છે.

આ પણ વાંચો - ગરમીમાં બરફનું પાણી પીવાથી થઇ શકે છે આ 5 સમસ્યાઓ, જાણો સાઇડ ઇફેક્ટ્સ અને બચાવ

બહાર જતા પહેલા ગરમ ખોરાક પેક ન કરો

કોલેજ અથવા ઓફિસ જતા પહેલા ક્યારેય ગરમ ખોરાક પેક ન કરો. આમ કરવાથી તે ખૂબ ઝડપથી ખરાબ થઈ શકે છે. આવી સ્થિતિમાં પહેલા ખોરાકને ઠંડો થવા દો. જો તમે ઇચ્છો તો, તમે તેને થોડા સમય માટે ફ્રીઝરમાં પણ રાખી શકો છો, જેનાથી તેનું તાપમાન ઓછું થઈ જશે. ત્યારબાદ જ ખાવાનું પેક કરો.