Spinach | પાલક લાંબા સમય સુધી ફ્રેશ રાખવી છે? આ કિચન ટિપ્સ અપનાવો

Spinach | પાલક (Spinach) એક પૌષ્ટિક અને આરોગ્યપ્રદ શાકભાજીમાંથી એક ગણાવામાં આવે છે, હવે શિયાળાની પણ શરૂઆત થઇ રહી છે ત્યારે આ ભાજી વધુ આવે છે પરંતુ પાલકને લાંબા સમય સુધી તાજી રાખવી ઘણી વખત પડકારજનક બની જાય છે. ઘણી વખત એવું બને છે કે માર્કેટમાંથી પાલક લાવ્યા બાદ એક-બે દિવસમાં તે બગડવા લાગે છે, જેના કારણે તેને ફેંકી દેવી પડે છે. જો તમે પણ આ સમસ્યાનો સામનો કરી રહ્યા છો, તો અહીં કેટલીક સરળ ટિપ્સ આપવામાં આવી છે જેનો ઉપયોગ કરીને તમે પાલકને લાંબા સમય સુધી ફ્રેશ રાખી શકો છો.

પાલકને લાંબા સમય સુધી ફ્રેશ રાખવા માટે અહીં કેટલીક સરળ પદ્ધતિઓ અપનાવીને જે તમારી માટે ઉપયોગી સાબિત થઇ શકે છો. આનાથી તમારા સમય અને પૈસાની બચત તો થશે જ, પરંતુ તમે દર વખતે તાજગી સાથે પૌષ્ટિક પાલકનો આનંદ માણી શકશો.

આ પણ વાંચો: યુરિક એસિડ કન્ટ્રોલ કરવામાં આમળા અકસીર, જાણો આમળાનું સેવન કરવાના ફાયદા

પાલકને લાંબા સમય સુધી ફ્રેશ રાખવાની ટિપ્સ

પાલક તરત જ સ્ટોર કરો

માર્કેટમાંથી લાવ્યા બાદ તરત જ પાલકનો સંગ્રહ કરવો ખૂબ જ જરૂરી છે. સૌપ્રથમ પાલકના પાંદડાને યોગ્ય રીતે ક્રમમાં ગોઠવો. બગડેલા અને પીળા પાંદડાઓને અલગ કરો કારણ કે તે ઝડપથી સડી જવાની સંભાવના ધરાવે છે. આ પછી, તાજા પાંદડાને પાણીથી ધોઈ લો અને પછી તેને થોડું સૂકવી દો.

રસોડામાં નેપકીન અથવા મોટા કાગળમાં લપેટી રાખો

એક સારી યુક્તિ એ છે કે કાગળમાં લપેટી પાલક સંગ્રહ કરવી રાખવી. આ માટે પાલકના પાનને સહેજ સૂકવીને પેપર ટોવેલ અથવા કોટનના કપડામાં લપેટી લો. આ પછી તેને હવાચુસ્ત પાત્રમાં રાખો. કાગળનો ટુવાલ ભેજને શોષી લે છે, પાલકને એક અઠવાડિયા સુધી તાજી રાખે છે.

સૂકી અને વેન્ટિલેટેડ પ્લાસ્ટિક બેગનો ઉપયોગ કરો

પાલકને લાંબા સમય સુધી તાજી રાખવા માટે વેન્ટિલેટેડ પ્લાસ્ટિક બેગનો ઉપયોગ કરો. તેને સહેજ ભેજવાળી પ્લાસ્ટિકની થેલીમાં રાખો. બેગની અંદર થોડી જગ્યા રાખો જેથી હવાનો પ્રવાહ જળવાઈ રહે. આ પદ્ધતિ પાલકને સડતા અટકાવે છે અને પાલકના પાંદડામાં તાજગી જાળવી રાખે છે.

આ પણ વાંચો: ડાયાબિટીસના દર્દીઓ માટે આ મસાલા થશે ફાયદાકારક સાબિત, બ્લડ સુગર રહેશે કંટ્રોલમાં

રેફ્રિજરેટરમાં સંગ્રહ કરતી વખતે પાણી ન રહે

પાલકને રેફ્રિજરેટરમાં સ્ટોર કરતી વખતે ધ્યાન રાખો કે કન્ટેનરની અંદર પાણી ન હોય. વધારે પાણીથી પાલક ઝડપથી સડી શકે છે. જો કન્ટેનરમાં પાણી આવે, તો તેને તરત જ બદલો અને ફરીથી સૂકા કાગળ અથવા ટુવાલનો ઉપયોગ કરો

વિનેગરનો ઉપયોગ

જો તમે પાલકને લાંબા સમય સુધી સાચવવા માંગતા હોવ તો તમે વિનેગરનો ઉપયોગ કરી શકો છો. પાલકને હળવા વિનેગર પાણીમાં થોડીવાર પલાળી રાખો અને પછી તેને સારી રીતે ધોઈને સૂકવી લો. વિનેગર બેક્ટેરિયાને મારી નાખે છે અને પાંદડાને લાંબા સમય સુધી ફ્રેશ રાખવામાં મદદ કરી શકે છે.