સાબુદાણા અને મગફળીથી તૈયાર કરો આ આસાન રેસીપી, નવરાત્રીના ઉપવાસમાં મળશે એનર્જી

sabudana khichdi recipe : ચૈત્ર નવરાત્રીનો આજે બીજો દિવસ અને સોમવાર પણ છે. ઘણા લોકો નવરાત્રીના વ્રત દરમિયાન જ ઓફિસ જશે. જો તમે ઓફિસ જઈ રહ્યા છો તો ચોક્કસપણે તમારી સાથે કંઈક ખાવા માટે લઈ જાઓ. જો તમે ઓફિસ જવા માટે કંઈક વસ્તુ બનાવવાનું વિચારી રહ્યા છો તો તમે ઉપવાસમાં ખાઇ શકાય તેવી સાબુદાણાની ખીચડી લઈ જઇ શકો છો. તે ખાવામાં ખૂબ જ સ્વાદિષ્ટ હોય છે અને સરળતાથી બની પણ જાય છે.

સાબુદાણા-મગફળીની ખીચડી બનાવવા માટેની સામગ્રી

• 1 કપ સાબુદાણા
• અડધો કપ મગફળી
• 2 ચમચી ઘી,
• બાફેલા બટાકા
• સેંધાલુણ મીઠું
• અડધી ચમચી કાળા મરી
• લીંબુનો રસ

સાબુદાણા-મગફળીની ખીચડી કેવી રીતે બનાવશો?

સાબુદાણા-મગફળીની ખીચડી બનાવવા માટે સૌ પ્રથમ સવારે ઉઠતાની સાથે જ સાબુદાણાને પાણીમાં પલાળી રાખો. તમે તેને રાત્રે પણ પલાળી શકો છો. તેને બનાવવા માટે તમે એક પેનને ગરમ કરો અને તેમાં ઘી ઉમેરો. ઘી ગરમ થઈ જાય એટલે તેમાં બાફેલા બટાકા ઉમેરીને એકથી બે મિનિટ સુધી શેકી લો.

હવે તેમાં પલાળેલા સાબુદાણા અને શીંગદાણા ઉમેરો. હવે તેમાં સિંધાલુણ મીઠું અને કાળા મરી ઉમેરો અને ધીમા તાપે 507 મિનિટ સુધી રાંધો. સાબુદાણા સંપૂર્ણ સફેદ થઈ જાય એટલે ગેસ બંધ કરી દો. તમે તેને દહીં સાથે ખાઈ શકો છો. તે ખૂબ જ હેલ્ધી હોય છે અને તૈયાર કરવામાં સરળ છે.

આ પણ વાંચો - મખાનાથી બનાવો હેલ્ધી નાસ્તો, અહીં જાણો સૌથી અલગ રેસીપી, આખો દિવસ રહેશો ફ્રેશ

સાબુદાણા અને મગફળી ખાવાના ફાયદા

• સાબુદાણામાં કાર્બોહાઈડ્રેટ ભરપૂર માત્રામાં હોય છે, જે શરીરને ત્વરિત ઉર્જા આપે છે. તે એકદમ હળવી છે, જે પચવામાં પણ એકદમ સરળ છે. તે ઉપવાસ દરમિયાન પેટ માટે ખૂબ ફાયદાકારક છે. ઉનાળાની ઋતુમાં તેને ખાવાથી શરીર ઠંડુ રહે છે.

• મગફળીમાં સારી માત્રામાં પ્રોટીન હોય છે, જે શરીર માટે ખૂબ જ જરૂરી છે. ઉપવાસ દરમિયાન તેને ખાવાથી પેટ લાંબા સમય સુધી ભરેલું રહે છે. તેને ખાવાથી ઉપવાસ દરમિયાન નબળાઈ અને થાક નથી લાગતો.