Samosa Recipe: મેંદા વગર બનાવો ક્રિપ્સી સમોસા, ટેસ્ટ બજાર કરતા પણ બેસ્ટ

Samosa Recipe For Evening Snacks: તમે સાંજના નાસ્તામાં કંઇક ટેસ્ટી અને હેલ્ધી બનાવવાનું વિચારી રહ્યા છો તો મિની સમોસા ટેસ્ટ કરી શકો છો. ખાસ વાત એ છે કે તેમા મેંદાના લોટનો ઉપયોગ કરવામાં આવતો નથી. ઉપરાંત જો તમારા ઘરે મહેમાનો આવવાના હોય તો ઝડપથી આ સમોસા બની જાય છે. તેને બનાવવા માટે જરૂરી વસ્તુઓ પણ તમને તમારા ઘરમાં જ મળી જશે. તો તમે ઝડપથી નોંધી લો આ સમોસાની રેસીપી.

આટા સમોસા રેસીપીની સામગ્રી (Samosa Recipe Ingredients)

• ઘઉંનો લોટ
• સોજી
• લીલા મરચા
• મીઠું સ્વાદ અનુસાર
• ઘી - લોટમાં મોણ માટે
• અજમો
• ડુંગળી - લસણની પેસ્ટ
• હળદર, મરચું અને ધાણા પાઉડર
• લીલી કોથમીર
• તેલ
• પાણી
• બાફેલા બટાકા

સમોસા બનાવવાની રેસીપી (Samosa Recipe)

• સૌ પ્રથમ સમોસાનો લોટ તૈયાર કરો
• એક વાસણમાં ઘઉંનો લોટ લો અને તેમા સોજી, અજમો, ઘી અને નમક ઉમેરો
• હવે હાથ વડે બધી સામગ્રી બરાબર મિક્સ કરી લો
• ત્યારબાદ ગરમ પાણી વડે લોટ બાંધો અને તેને 10 મિનિટ માટે રહેવા દો.
• આ દરમિયાન ડુંગળી, લીલા મરચા અને કોથમરી ઝીણા સમારી લો
• બટાકા બાફી લો અને છાલ ઉતારીને રાખો
• હવે એક પેનમાં થોડું તેલ નાંખો, હવે તેમા ડુંગળી, લીલા મરચાં, લસણ અને આદુની પેસ્ટ ઉમેરો
• ત્યારબાદ બાફેલા બટાકા મિક્સ કરી તેમાં બધા મસાલા અને મીઠું નાખો.
• હવે દરેક સામગ્રી બરાબર મિક્સ કરી તેના પર થોડીક કોથમીર ભભરાવો.

આ પણ વાંચો | ઘરે માઇક્રોવેવ વગર માત્ર 10 મિનિટમાં બનવો પિત્ઝા, બજાર કરતા વધુ ટેસ્ટી અને હેલ્થ માટે બેસ્ટ

સમોસા બનાવવાની અને ફ્રાય કરવાની રીત

• હવે સમોસાના લોટ માંથી નાના-નાના બોલ બનાવો અને તેને રોટલી જેમ વણી લો
• રોટલીને વચ્ચે થી બે ભાગમાં કાપી લો
• હવે આ રોટલીમાંથી સમોસા જેમ આકાર આપી વચ્ચે બટાકાનો મસાલો ભરો
• આ સમોસાની કિનારી પર તેલ કે પાણી લગાડી તેને બરાબર બંધ કરી લો
• સમોસાને 5 થી 10 મિનિટ રહેવા દો
• હવે એક પેનમાં તેલ ગરમ કરી સમોસા ફ્રાય કરો
• આ સમોસાને તમે ગ્રીન અને રેડ ચટણી સાથે સર્વ કરો
• જો તમે ઇચ્છો તો છોલે સાથે પણ સમોસા ખાઇ શકો છો