લાંબા સમય સુધી આદુને સ્ટોર કેવી રીતે કરવું? ફ્રેશ રાખવા માટે અપનાવો આ અનોખી ટીપ્સ!

How To Store Ginger For Long Time: ભારતીય રસોડામાં ઘણા લાંબા સમયથી આદુનો ઉપયોગ કરવામાં આવે છે. ચા હોય કે અન્ય કોઈ પણ પ્રકારનું શાક તેના વગર સ્વાદ ફિક્કો પડી જાય છે. ઘણી વખત લોકો મોટા પ્રમાણમાં આદુની ખરીદી કરે છે, જે સમય જતાં બગડવા લાગે છે.

તમે આદુને લાંબા સમય સુધી સરળતાથી ઘરે સ્ટોર કરી શકો છો, જે તેને લાંબા સમય સુધી તાજું રાખશે. અહીં અમે તમને આદુ સ્ટોર કરવાની એક ખૂબ જ સસ્તી રીત જણાવવા જઈ રહ્યા છીએ, જેથી તમે આદુને ફ્રેશ તો રાખી જ શકો, પરંતુ તમારે તેને વારંવાર બજારમાંથી ખરીદવાની પણ જરૂર નહીં પડે.

આદુનો પાવડર બનાવો

તમે આદુને સૂકવીને પાવડર પણ બનાવી શકો છો. જો તમારી પાસે વધારે માત્રામાં આદુ હોય તો સૌ પ્રથમ તેને તડકામાં સૂકવીને તેમાંથી પાવડર બનાવી લો. આ રીતે તમે સૂકા આદુના પાવડરનો ઉપયોગ ઘણા મહિનાઓ સુધી કરી શકો છો.

કાગળમાં લપેટીને ફ્રિજમાં રાખી મુકો

આદુનો સંગ્રહ કરવા માટે તમે કાગળનો ઉપયોગ કરી શકો છો. આ માટે આદુને બરાબર ધોઈને સૂકવી લો. સૂકવ્યા પછી તેને કાગળમાં લપેટી લો. હવે તેને એરટાઇટ પ્લાસ્ટિક બેગમાં મૂકીને ફ્રિજમાં રાખી દો. આ રીતે આદુ લગભગ એક મહિના સુધી તાજા રહેશે.

આ પણ વાંચો - મસાલા પાપડ ખાવા સ્વાસ્થ્ય માટે સારા છે ખરાબ? નિષ્ણાંતો પાસેથી જાણો

નાના-નાના ટુકડાઓમાં કાપીને સ્ટોર કરો

તમે આદુને નાના ટુકડામાં કાપીને પણ સ્ટોર કરી શકો છો. આ માટે સૌથી પહેલા તમે તેને છીણી અથવા નાના ટુકડામાં કાપી લો. હવે તેને એરટાઇટ બોક્સમાં મૂકીને ફ્રીઝરમાં સ્ટોર કરી લો. આ રીતે આ આદુ લાંબા સમય સુધી બગડશે નહીં.

માટીના વાસણોમાં સંગ્રહ કરો

આદુને જૂના સમયમાં માટીના વાસણમાં સંગ્રહિત કરવામાં આવતું હતું, જેથી તે લાંબા સમય સુધી બગડે નહીં. આ રીતે તમે પણ આદુ સ્ટોર કરી શકો છો. આ માટે, તમે બજારમાંથી માટીના વાસણો ખરીદી લો. તમે મટકીનો ઉપયોગ કરી શકો છો. તેમાં આદુને સૂકવી લો. આ રીતે તમે ફ્રિજ વગર પણ આદુને કેટલાય મહિનાઓ સુધી સ્ટોર કરી શકો છો.