Vegetable Dosa Recipe: ઇન્સ્ટન્ટ વેજિટેબલ ઢોંસા નાસ્તા માટે ટેસ્ટી રેસીપી, જાણો શેફ સંજીવ કપૂર પાસેથી બનાવવાની રીત

Instant Vegetable Dosa Recipe By Sanjeev Kapoor: વીકેન્ડમાં બ્રેકફાસ્ટમાં ખાવામાં કંઈક સારું અને ટેસ્ટી મળે તો રજાની મજા બમણી થઈ જાય છે. હવે જો તમે પણ કંઇક આવું વિચારી રહ્યા છો તો આ આર્ટીકલ તમારા માટે મદદરૂપ થઇ શકે છે. અહીં અમે તમારા માટે લાવ્યા છીએ ખૂબ જ ટેસ્ટી નાસ્તાની રેસીપી. સૌથી આશ્ચર્યજનક વાત એ છે કે તેને બનાવવા માટે તમારે બહુ ઓછી મહેનત અને સમયની જરૂર પડશે.

આજના બ્રેકફાસ્ટમાં તમે ઇન્સ્ટન્ટ વેજિટેબલ ઢોંસા બનાવીને ખાઇ શકો છો. આ માટે શેફ સંજીવ કપૂરે હાલમાં જ પોતાના ઇન્સ્ટાગ્રામ હેન્ડલ પર એક ખૂબ જ સરળ રેસિપી શેર કરી છે. આવો જાણીએ વેજિટેબલ ઢોંસા બનાવવા માટે તમારે કઇ કઇ સામગ્રીની જરૂર પડશે અને સ્ટેપ બાય સ્ટેપ પરફેક્ટ રેસીપી

વેજિટેબલ ઢોંસા બનાવવાની સામગ્રી

• 1 ગાજર ઝીણું સમારેલું
• 1 ડુંગળી ઝીણા સમારેલી
• 1 ટામેટું ઝીણું સમારેલું
• 1 કપ સોજી
• 1 કપ ઓટ્સ
• 3/4 કપ દહીં
• 2 લીલા મરચાં
• જીરું 1/2 નાની ચમચી
• કોથમીર ઝીણું સમારલું
• મીઠું સ્વાદ અનુસાર
• તેલ કે ઘી

Instant Vegetable Dosa Recipe : વેજિટેબલ ઢોંસા બનાવવાની રીત

• ઇન્સ્ટન્ટ વેજિટેબલ ઢોંસા બનાવવા માટે સૌ પ્રથમ મિક્સર જારમાં સોજી, ઓટ્સ, દહીં અને લીલા મરચાં પાણી નાંખી બારીક પેસ્ટ બનાવી લો.
• હવે આ જ પેસ્ટમાં ડુંગળી, ગાજર, ટામેટા, જીરૂ, લીલું કોથમીર નાંખી બારીક પેસ્ટ બનાવી લો.
• આ રીતે તૈયાર થયેલા મિશ્રણને એક બાઉલમાં કાઢી, હવે તેમા બાકી બચેલું કોથમીર અને સ્વાદ અનુસાર મીઠું ઉમેર સારી રીતે મિક્સ કરી બેટર બનાવી તૈયાર કરો.
• ગેસ પર એક નોનસ્ટીક તવો ગરમ કરી તેના પર એક ચમચી ઢોંસાનું ખીરું નાંખી ગોળ પાથરી લો.
• પેન પર થોડું તેલ અથવા ઘી લગાવી વેજિટબલ ઢોંસાને બંને બાજુથી સારી રીતે શેકો.
• તમારા ઇન્સ્ટન્ટ વેજિટેબલ ઢોંસા તૈયાર થઇ જશે.
• આ વેજિટબલ ઢોંસા નાળિયેરની ચટણી સાથે ગરમ-ગરમ ખાવાની મજા પડશે.