Kitchen Cleaning Tips : રસોડામાં તેલ અને મસાલાના હઠીલા ડાઘ? આ 3 ટીપ્સ તમારા કિચનને ચમકાવશે

Kitchen Cleaning Tips In Gujarati : દરેક વ્યક્તિ ઘરને સ્વચ્છ રાખે છે, પરંતુ ઘણી વખત લોકો રસોડા પર વધુ ધ્યાન આપતા નથી. બહુ રસોડાની સાફ સફાઇ પર પુરતું ધ્યાન આપવામાં ન આવે તો તે બહુ ગંદા થઈ જાય છે, જે સાફ કરવા માટે સૌથી મુશ્કેલ હોય છે. હકીકતમાં રસોડામાં તેલ મસાલાના જિદ્દી ડાઘ હોય છે, જે સરળતાથી સાફ થઈ શકતા નથી.

જો તમારું રસોડું પણ તેલ અને મસાલાના ડાઘથી ગંદુ દેખાય છે, તો તમારે ચિંતા કરવાની જરૂર નથી. તમે કેટલાક સરળ ઘરગથ્થુ ઉપચારની મદદથી રસોડામાં તેલ-મસાલાના હઠીલા ડાઘને સરળતાથી દૂર કરી શકો છો.

સરકો અને બેકિંગ સોડા વડે સાફ કરો

રસોડાને સાફ કરવા માટે તમે સરકો અને બેકિંગ સોડાનો ઉપયોગ કરી શકો છો. આ માટે પહેલા એક બાઉલમાં એક કપ વિનેગર અને બે ચમચી બેકિંગ સોડા મિક્સ કરી લો. હવે આ મિશ્રણને સ્પ્રે બોટલમાં ભરો, પછી ડાઘ વાળી જગ્યા પર છંટકાવ કરો. તેને લગભગ 10-12 મિનિટ માટે આ રીતે છોડી દો. આ પછી, બ્રશની મદદથી હળવા હાથથી ઘસો. આ રીતે, રસોડાના સૌથી જિદ્દી ડાઘ પણ સરળતાથી દૂર થઈ જશે.

લીંબુ અને મીઠાનો ઉપયોગ કરો

લીંબુમાં નેચરલ બ્લીચિંગ ગુણધર્મો હોય છે, જે હઠીલા ડાઘને દૂર કરવામાં મદદ કરે છે. આ ડાઘને લીંબુ અને મીઠાથી સાફ કરવા માટે પહેલા એક લીંબુ કાપીને તેના પર મીઠું નાખીને ડાઘ પર ઘસો. તમે જોશો કે ડાઘ થોડી મિનિટોમાં ઓછા થવા લાગશે. હવે નરમ બ્રશની મદદથી સાફ કરો. આ મિશ્રણ વડે ગેસ સ્ટોવને પણ સાફ કરી શકાય છે.

ડિશવોશ લિક્વિડ અને ગરમ પાણીનું મિશ્રણ

કેટલીકવાર રસોડાની ટાઇલ્સ એકદમ ગંદા થઈ જાય છે, જેને સાફ કરવી મુશ્કેલ હોય છે. જો કે, તમે તેને ડિશવોશ લિક્વિડ અને ગરમ પાણીની મદદથી સરળતાથી સાફ કરી શકો છો. આ માટે સૌ પ્રથમ એક બાઉલમાં ગરમ પાણીમાં બે ચમચી ડિશવોશ લિક્વિડ ઉમેરો, પછી તેમાં એક કપડું પલાળી ડાઘવાળી જગ્યા પર ઘસો. તેનાથી જિદ્દી ડાઘ સરળતાથી સાફ થઇ જાય છે.