Monotropic Diet : મોનોટ્રોપિક ડાયટ શું છે તે વજન ઘટાડવામાં મદદ કરશે? જાણો ફાયદા અને આડ અસર

Monotropic Diet : શું રોજેરોજ એક જ ખોરાક ખાવાથી વજનમાં સતત ઘટાડો થઈ શકે છે? દરરોજ એકનો એક ખોરાક ખાવાની રીતને મોનોટ્રોપિક આહાર (Monotropic Diets) અથવા સિંગલ-ફૂડ ડાયટ તરીકે પણ ઓળખવામાં આવે છે, તાજેતરના વર્ષોમાં આ ફૂડ ડાયટએ લોકોમાં ઘણી લોકપ્રિયતા મેળવી છે. કેટલાક લોકો તેમના ભોજન માટે એક પ્રકારના ફળને વળગી રહે છે, જેમ કે કેળા, અથવા અન્ય કોઈ ફૂડ

તર્ક એ છે કે જ્યારે તમે માત્ર એક જ ખોરાક ખાઓ છો પછી ભલે તે ખોરાક ઉચ્ચ-કેલરી વાળો હોય, તમારી કુલ કેલરીની માત્રા કોઈપણ રીતે ઘટશે. ટૂંકા ગાળામાં, શરીર પાણી અને કેટલાક સ્નાયુ માસ પણ ગુમાવે છે. જો કે, આ કામચલાઉ છે અને વજન સરળતાથી પાછું વધી શકે છે. આ ઉપરાંત, એવા કોઈ વૈજ્ઞાનિક પુરાવા નથી કે આ પ્રકારના ડાયટ કામ કરે છે. તેથી, ફાયદા અને ગેરફાયદા સમજવા જરૂરી છે.

આ પણ વાંચો: Side Effects of Banana: કેળા આ લોકો માટે ઝેર સમાન, કેળા ખાવામાં 5 વાત ધ્યાન રાખવી

મોનોટ્રોપિક આહાર (Monotropic Diet) શું છે?

મોનોટ્રોપિક આહારમાં અમુક સમય માટે માત્ર એક જ પ્રકારનો ખોરાક ખાવાનો સમાવેશ થાય છે. આ કેળા કે સફરજન જેવા ફળોથી માંડીને બટાકા અથવા શક્કરિયા જેવા સ્ટાર્ચવાળા શાકભાજી સુધીનો કોઈપણ ખોરાક હોઈ શકે છે. આ ડાયટ પાછળનો વિચાર એ છે કે ખાવાનું સરળ બનાવવું અને સંભવિતપણે કેલરીના સેવનને મર્યાદિત કરીને વજન ઘટાડવાને પ્રોત્સાહન આપવું.

મોનોટ્રોપિક ડાયટના ઉદાહરણો

બટાકાનો આહાર (Potato Diet) : આમાં અમુક સમય માટે માત્ર બટાટા ખાવાનો સમાવેશ થાય છે કારણ કે તે જટિલ કાર્બોહાઇડ્રેટ્સ, ફાઇબર અને કેટલાક આવશ્યક વિટામિન્સ અને ખનિજોનો સારો સ્ત્રોત છે.

કેળાનો આહાર (Banana Diet) : અમુક સમય માટે માત્ર કેળાં ખાઓ કારણ કે તે પોટેશિયમ, વિટામીન C અને B6 અને ફાઈબરનો સારો સ્ત્રોત છે.

ઈંડાનો આહાર (Egg Diet) : અમુક સમય માટે માત્ર ઈંડા ખાઓ, જે પ્રોટીન, વિટામીન ડી અને બી12 અને ઝીંક અને આયર્ન જેવા ખનિજોનો સારો સ્ત્રોત છે.

આ પણ વાંચો: Health Tips : હૃદયને તંદુરસ્ત રાખવું છે? આજે આ પાંચ ચીજો ખાવાનું બંધ કરો

મોનોટ્રોપિક આહારના ફાયદા (Benefits Of A Monotropic Diet)

• કેટલાક લોકો આહારના પ્રતિબંધિત સ્વભાવને કારણે પ્રારંભિક વજન ઘટાડવાનો અનુભવ કરી શકે છે. માત્ર એક જ ખોરાક ખાવાથી, કેલરીની માત્રા ઓછી થવાની સંભાવના છે.
• એક જ ખોરાક ખાવાથી ખોરાકની સંવેદનશીલતા અથવા અસહિષ્ણુતા ઓળખવામાં મદદ મળી શકે છે. જો પેટનું ફૂલવું અથવા પાચનની અગવડતા જેવા લક્ષણો અદૃશ્ય થઈ જાય, તો તે સમજવું તે ખોરાક ખાવાથી સમસ્યા નથી.

મોનોટ્રોપિક આહારની આડ અસરો (Side Effects Of Monotropic Diet)

• માત્ર એક જ પ્રકારનો ખોરાક ખાવાથી પોષક તત્ત્વોની ઉણપ થઈ શકે છે, કારણ કે એક પણ ખોરાક તમામ જરૂરી પોષક તત્વો પ્રદાન કરતું નથી. આ થાક, નબળાઇ અને અન્ય સ્વાસ્થ્ય સમસ્યાઓ તરફ દોરી શકે છે.

• તમે મસલ્સ માસ ગુમાવી શકો છો, જેથી તમારું મેટાબોલિઝ્મ વધુ રિલેક્સ ફીલ કરે છે અને વધુ કેલરી બર્ન કરી શકે છે. જો તે નીચે જાય છે, તો તમારો વજન ઘટાડવાનો ગ્રાફ પણ ઘટશે. એક જ ખોરાક વારંવાર ખાવાથી કંટાળો આવી શકે છે અને ચોક્કસ આહારને વળગી રહેવું મુશ્કેલ બની શકે છે. તેવી જ રીતે, અમુક ખાદ્યને ટાળવાથી ક્રેવિંગ વધી શકે છે અને તે અતિશય આહારનીઆદત તરફ દોરી શકે છે. પ્રતિબંધિત ડાયટ આંતરડાના બેક્ટેરિયાના સંતુલનને વિક્ષેપિત કરી શકે છે, જે પાચન સમસ્યાઓ અને અન્ય સ્વાસ્થ્ય સમસ્યાઓ તરફ દોરી જાય છે.