Monsoon Fitness: ચોમાસા દરમિયાન વધુ સુસ્તી અનુભવો છો? તો આ ટિપ્સ તમારા ફિટનેસ ગોલ પુરા કરવામાં મદદ કરશે

ચોમાસાની શરૂઆત થઇ ગઈ છે, વરસાદી માહોલ બરાબર જામ્યો છે, અને તમને લાગે છે કે તમારું વૉક પર જવાનું બંધ થઇ જશે,કારણ કે, અને તમે આળસ અનુભવો છો, ચોમાસા દરમિયાન લોકો શા માટે સુસ્તી અનુભવે છે અને તમે તેની સાથે કેવી રીતે લડી શકો છો અને કેવા સ્ટેપ્સ લઈ શકો છો તે સમજવા માટે અહીં નિષ્ણાતો શું કહે છે તે જાણીએ,

એડવાન્સ પર્સનલ ટ્રેનર, ઉત્સવ અગ્રવાલના જણાવ્યા અનુસાર, ચોમાસામાં તમારી સુસ્તી માટે ઘણા કારણો જવાબદાર હોઈ શકે છે. તેમાંના કેટલાક ઉચ્ચ ભેજનું સ્તર, સૂર્યપ્રકાશનો અભાવ અને વાતાવરણીય દબાણમાં ફેરફાર છે.

તેમણે કહ્યું કે, "વાતાવરણના દબાણમાં ઘટાડો સહિત હવામાનના ફેરફારો, આપણા શરીરની રુધિરાભિસરણ તંત્રને અસર કરી શકે છે અને થાક અને ઓછી ઊર્જાની લાગણી તરફ દોરી શકે છે.''

આ પણ વાંચો: Monsoon Health : ચોમાસા દરમિયાન તમારી રોગપ્રતિકારક શક્તિ વધારતી આ 5 જાદુઈ જડીબુટ્ટીઓ

અગ્રવાલે સમજાવ્યું કે વ્યાયામ માનસિક સ્વાસ્થ્ય પર હકારાત્મક અસર કરે છે, જેમાં તણાવ અને ચિંતા ઘટાડવાનો સમાવેશ થાય છે. ચોમાસા દરમિયાન તમારી ફિટનેસની કાળજી લેવાથી તમારો મૂડ સારો થાય છે અને એકંદર સુખાકારી જાળવવામાં મદદ મળી શકે છે.

અહીં કેટલીક રીતો આપી છે જેનાથી તમે વરસાદના દિવસોમાં પણ તમારા સ્ટેપકાઉન્ટ કરી શકો છો.

ઇન્ડોર વૉકિંગ

સંગીત, પોડકાસ્ટ સાંભળતી વખતે અથવા ટીવી જોતી વખતે ઝડપથી ચાલો અથવા જગ્યાએ જોગ કરો.અગ્રવાલે કહ્યું કે, "ટાઇમર સેટ કરો અને સમગ્ર દિવસ દરમિયાન 10-15 મિનિટના અંતરાલનું લક્ષ્ય રાખો.''

મોલમાં જાઓ

જો તમારા ઘરની આસપાસ કોઈ શોપિંગ મોલમાં હોય, તો અગ્રવાલે આચ્છાદિત જગ્યાનો લાભ લેવા અને વિન્ડો શોપિંગ કરતી વખતે ઝડપથી ચાલવાની ભલામણ કરી છે. ઘણા મૉલ્સમાં વૉકિંગ એરિયા પણ છે જ્યાં તમે વોક કરી શકો છો.

લિફ્ટ નહિ પરંતુ દાદરા(સીડી) નો ઉપયોગ કરો

ઘરે પણ દાદર ઉપર અને નીચે ઘણી વખત ચઢો. તેમણે કહ્યું કે, "આ એક ઉત્તમ કાર્ડિયોવેસ્ક્યુલર વર્કઆઉટ પ્રદાન કરે છે અને તમને તમારા સ્ટેપના લક્ષ્યને પ્રાપ્ત કરવામાં મદદ કરે છે.''

આ પણ વાંચો: Diabetes Tips : તમારું બ્લડ સુગર ઉંમર અનુસાર કેટલું હોવું જોઈએ ? આ રહ્યો ચાર્ટ

ડાન્સ કરો

ઓનલાઈન અથવા ફિટનેસ એપ્સ દ્વારા ઉપલબ્ધ ડાન્સ અથવા એક્સરસાઇઝ વીડિયોની સાથે અનુસરો. અગ્રવાલે જણાવ્યું હતું કે, "આ પ્રવૃત્તિઓ માત્ર મનોરંજક જ નથી, પરંતુ ઘરની અંદર રહીને પણ તમે કરી શકો છો."

તેમણે સમજાવ્યું કે, જો તમારી પાસે ઇન્ડોર સ્વિમિંગ પૂલ અથવા પૂલ સાથેના ફિટનેસ સેન્ટરની ઍક્સેસ હોય, તો સ્વિમિંગ લેપ્સ અથવા એક્વા ઍરોબિક્સ ક્લાસમાં ભાગ લેવાનું વિચારો. આ ઓછી અસરવાળી કસરતો વરસાદથી સુરક્ષિત રહીને ઉત્તમ વર્કઆઉટ પણ પ્રદાન કરી શકે છે.

ચોમાસા દરમિયાન સુસ્તીનો સામનો કરવા માટે, નિયમિત શારીરિક પ્રવૃત્તિમાં જોડાવું, સંતુલિત આહાર જાળવવો, પૂરતી ઊંઘની ખાતરી કરવી અને જ્યારે પણ શક્ય હોય ત્યારે સૂર્યપ્રકાશ લેવો મહત્વપૂર્ણ છે. જો સુસ્તીનો અનુભવ લાંબા સમય સુધી રહે છે અથવા દૈનિક કામગીરી પર નોંધપાત્ર અસર કરે છે, તો વધુ મૂલ્યાંકન અને સમર્થન માટે હેલ્થકેર પ્રોફેશનલની સલાહ લેવી જરૂરી છે.