Homemade Mungfali Katli Recipe In Gujarati : કાજુ કતરી ઘણા લોકોની મનપસંદ મીઠાઇ છે. દિવાળી, રક્ષાબંધન જેવા તહેવારો પર બજારમાં મોટા પ્રમાણમાં કાજુ કતરી વેચાય છે. જો કે આજકાલ બજારની મીઠાઇમાં ભેળસેળ આવે છે. આવી મીઠાઇ ખાવાથી સ્વાસ્થ્યને નુકસાન થાય છે. જો તમને કાજુ કતરી આવી ગમે છે તો અહીં ઘરે જ કાજુ વગર સ્વાદિષ્ટ કતરી બનાવવાની રેસીપી આપી છે. બજારમાંથી કોઇ વધારાનો સામાન ખરીદવાના પૈસા ખર્ચયા વગર જ ઘરમાં રહેલા સામાન માંથી કાજુ વગર સીંગ માંથી કતરી બનાવી શકાય છે. અહીં સીંગ માંથી કાજુ કતરી જેવી સ્વાદિષ્ટ મીઠાઇ બનાવવાની રીત આપી છે, જે તમારે ઘરે ટ્રાય કરવી જ જોઇએ.
Mungfali Katli Recipe In Gujarati : સીંગ કતરી બનાવવા માટે સામગ્રી
- સીંગદાણાનો પાઉડર – 2 કપ
- પીસ્તા – 2 ચમચી
- ખાંડ – 1/3 કપ
- તાજી મલાઇ – 1 ચમચી
- ઘી – 1 ચમચી
- એલચી પાઉડર – 1 ચમચી
Peanut Katli Recipe In Gujarati : સીંગ કતરી બનાવવાની રીત
કાજુ કતરી જેવી સીંગ કતરી બનાવવા માટે સૌથી પહેલા કાચી સીંગ કઢાઈમાં શેકો. પછી સીંગના ફોંતરા કાઢીને સાફ કરો. હવે મિક્સર જારમાં શેકેલા સીંગદાણા નાંખી બારીક પાઉડર બનાવો. સીંગદાણાના પાઉડરને મોટા કાણા વાળી ચારણી વડે ચાળી લો, આમ કરવાથી સીંગના મોટા દાણા આવશે નહીં.
હવે એક કઢાઈમાં પાણી નાંખી ખાંડની એક તારની ઘટ્ટ ચારણી બનાવો. આ માટે મીડિયમ આંચ પર ચાસણીને સતત હલાવતા રહો.
ચાસણી બની ગયા બાદ તેમા સીંગદાણાનો પાઉડર ઉમેરી સારી રીતે મિક્સ કરો. આ દરમિયાન ગેસ બંધ રાખો. હવે તેમા આ મિશ્રણમાં એલચી પાઉડર, 1 ચમચી ઘી અને 1 ચમચી તાજી મલાઇ ઉમેરી 2 થી 3 મિનિટ સુધી જ શેકો. વધારે શેકવાથી કતરી બરાબર બનશે નહીં.
આ પણ વાંચો | બ્રેડ અને બટાકા માંથી બનાવો ટેસ્ટી વાનગી, જોતાં જ મોંમાં પાણી આવશે
આ મિશ્રણને 2 થી 3 મિનિટ ઠંડુ થવા દો. પછી તેને એક પ્લાસ્ટિક સીટ પર મૂકી સારી રીતે 8 – 10 વખત મશળી લો. પછી વેલણ વડે વણીને અડધા ઇંચ જેટલી જાડી કતરી બનાવો. તેના પર પિસ્તાની કતરણ ઉમેરી ફરી વેલણ વડે વણી લો. છેલ્લે કતરીને કટર વડે કટ કરી લો. આ રીતે બનાવેલી સીંગ કતરી અઠવાડિયા સુધી ફ્રીઝમાં ફ્રેશ રહેશે.
