બાળકોને પાલક-બીટરુટ ખવડાવવાની આસાન રીત, આ રીતે બનાવો Beetroot Spinach થી કલરફુલ પૂરી

Palak and Beetroot Puri Recipe : પાલક-બીટરૂટમાં પોષક તત્વો ભરપૂર માત્રામાં જોવા મળે છે, પરંતુ તેને બાળકોને ખવડાવવું ખૂબ મુશ્કેલ છે. તેમાં વિટામિન, એન્ટીઓકિસડન્ટ અને મિનરલ્સ હોય છે. આ સિવાય તે ઇમ્યૂન સિસ્ટમને પણ બૂસ્ટ કરે છે. પાલક-બીટમાં શરીરને વિવિધ રોગોથી બચાવવાની ક્ષમતા પણ હોય છે. તેઓ શરીરમાં હિમોગ્લોબિનનું સ્તર વધારીને લોહીમાં વધારો કરે છે. બાળકોને પાલક અને બીટરૂટ ખવડાવવા માટે તમે તેમને રંગબેરંગી બીટરૂટ-પાલકની પૂરી બનાવી આપી શકો છો.

તેમને તિરંગા પૂરી પણ કહેવામાં આવે છે. તે બીટરૂટ અને પાલકની પ્યુરીમાંથી બનાવવામાં આવે છે. તેને બનાવવા માટે ત્રણ જુદી જુદી પુરીનો લોટ બનાવવામાં આવે છે. ઘઉંનો લોટ, બીજા લોટમાં પાલકની પ્યુરી અને ત્રીજા લોટમાં બીટરૂટ પ્યુરી ઉમેરવામાં આવે છે. ચાલો જાણીએ બાળકોને પાલક-બીટરૂટ ખવડાવવાની સરળ રીત. આ પૂરીઓને બટાકા, ગટ્ટાનું શાક અથવા પંચમેલ દાળ સાથે પીરસી શકાય છે.

પાલક અને બીટરૂટની પૂરી બનાવવાની સામગ્રી

• 7-8 પાલકના ધોયેલા પાન
• 1/4 કપ બાફેલા અને પ્યૂરી કરેલ બીટરૂટ
• 2 કપ ઘઉંનો લોટ
• 1/2 ચમચી અજમો
• મીઠું
• પાણી

પાલક અને બીટરૂટની કલરફૂલ પૂરી બનાવવાની રીત

સૌ પ્રથમ પાલકના પાનને હળવા ઉકાળો અને પાણી કાઢી લો. તે પછી તેને ગ્રાઇન્ડરમાં મૂકો અને તેને બારીક પીસી લો. હવે તમે એક કપ લોટ લો. તેમાં પાલકની પેસ્ટ મિલાવો. પછી સ્વાદ પ્રમાણે મીઠું અને થોડો અજમો ઉમેરો અને હળવા નરમ લોટ બાંધી લો. હલકા ભીના મલમલના કપડાથી ઢાંકીને બાજુ પર રાખો.

આ પણ વાંચો - શિયાળામાં બનાવો દાલ બાટી, ગરમાગરમ ખાવાની મજા આવશે

તે પછી એક અલગ બાઉલમાં બાકી રહેલું 1 કપ લોટ, 1/4 ચમચી અજમો, મીઠું અને બીટરૂટ પ્યુરી ઉમેરો. આ બધી વસ્તુઓને પાણીની મદદથી સહેજ સખત લોટ બાંધી લો. આ પછી તમે લોટમાંથી નાની-નાની લોઇ બનાવો. તેલના થોડા ટીપાં લો અને તેને રોલ કરો.

એક કડાઇમાં તેલ ગરમ કરો. તેલ ગરમ છે કે નહીં તે જોવા માટે થોડો લોટ લો અને તેલમાં નાખો. જો તે તરત જ ઉપર તરે છે, તો તેલ ગરમ છે અને તમે પુરીને તળવાનું શરૂ કરી શકો છો. પુરી તળીને કરી સાથે ગરમ ગરમ પીરસો.