20 રૂપિયાની સોજીથી બનાવો 50 પાણીપુરી, માસ્ટર શેફ પાસેથી જાણો 10 મિનિટમાં પાણીપુરી બનાવવાની રેસીપી

Pani Puri recipe : પાણીપુરી દરેક લોકોને પસંદ પડે છે. મહિલાઓની મનપસંદ વસ્તુઓની યાદીમાં તે સામેલ છે, પરંતુ પુરુષો પણ મોજથી ખાય છે. ઉનાળામાં ઘણી વખત બજારમાં મળતી પાણીપુરી ખાવાથી લોકોનું પેટ ખરાબ થઈ જાય છે. આવી સ્થિતિમાં તમે ફક્ત 10 મિનિટમાં ઘરે શુદ્ધ વસ્તુઓનો ઉપયોગ કરીને પાણીપુરી તૈયાર કરી શકો છો. માસ્ટર શેફ પંકજ ભદોરિયાએ તેની ટેસ્ટી રેસીપી શેર કરી છે. આ સાથે તમે માત્ર 20 રૂપિયાના સોજી સાથે લગભગ 50 પાણીપુરી તૈયાર કરી શકો છો. ચાલો જાણીએ પાણીપુરી બનાવવાની રેસીપી.

સોજીના પાણીપુરીની રેસીપી - આ વસ્તુઓની જરૂર પડશે

• તેલ
• ગરમ પાણી
• 250 ગ્રામ બારીક સોજી

સોજીની પાણીપુર ઘરે કેવી રીતે બનાવવી

સોજીની પાણીપુરી બનાવવા માટે સૌ પ્રથમ 50 ગ્રામ હળવા ગરમ તેલમાં 250 ગ્રામ સોજી નાખો. ત્યારબાદ બરાબર મિક્સ કરી લો. આ પછી તેમાં ગરમ પાણી ઉમેરીને લોટ બાંધો. તેને એવી રીતે મસળી લો કે તે હાથથી મુઠ્ઠી બની જાય. તેને પ્લેટમાં લગભગ 10-12 વખત પટકો. વિલંબ કર્યા વિના તેમાંથી નાની-નાની લોઇ બનાવો. ગરમ તેલમાં ડીપ ફ્રાય કરો. તેને વારંવાર પલટશો નહીં. આમ કરવાથી તમારા ક્રિસ્પી ગોલગપ્પા તૈયાર થઈ જશે.

આ પણ વાંચો - ગ્રીન ટી પીવાની આદત કેવી રીતે પાડવી? દરરોજ ગ્રીન ટી પીવાથી શરીરને શું ફાયદો થાય છે?

પાણીપુરીનું પાણી બનાવવા આ વસ્તુઓની જરુર પડશે

• કોથમીર
• ફુદીનો
• 1 ચમચી શેકેલું જીરું પાવડર
• 1 ચમચી ચાટ મસાલો
• 1/2 ચમચી બ્લેક નમક
• આદુનો ટુકડો
• 5 લીલા મરચાં
• બુંદી
• 1 ચમચી મીઠું
• લીંબુનો રસ

પાણી કેવી રીતે બનાવવું?

ગોલગપ્પા માટે ખાટું પાણી બનાવવા માટે મિક્સરની જારમાં કોથમીર, ફુદીનાના પાન મેળવી લો. આ સાથે તેમાં શેકેલા જીરાનો પાવડર, ચાટ મસાલો ઉમેરો. સ્વાદ પ્રમાણે મીઠું, કાળું મીઠું ઉમેરો. તેમાં આદુનો ટુકડો અને લીલા મરચાં ઉમેરો. થોડું પાણી ઉમેરીને ચટણી તૈયાર કરો. ગરણીની મદદથી બધું પાણી નિતારી લો. ખટાશ માટે તમે તેમાં લીંબુનો રસ અને બૂંદી ઉમેરો. પાણીપુરીનું પાણી તૈયાર છે.