Peeling Skin : શું તમે આ વરસાદી સીઝનમાં ત્વચાની ઉપરી ચામડી નીકળવાથી પરેશાન છો? આ છે ઉપાય

Peeling Skin On Hand : ઉનાળાની કાળજાળ ગરમીમાંથી રાહત આપનારી વરસાદી મૌસમ કોને પસંદ નથી. જો કે આ સીઝન પોતાની સાથે ઘણી સમસ્યાઓ પણ લઈને આવે છે. જે પૈકી એક છે હાથની ચામડીનું ઉપરી પરત નીકળવું. તમે ઘણી વખથ લોકોને એવું કહેતા સાંભળ્યા હશે કે તેમના હાથની ચામડી ઉતરી રહી છે. કદાચ તમે પણ આ પ્રકારની મુશ્કેલીનો સામનો કર્યો હશે. સામાન્યપણે આ સમસ્યા 3 થી 4 દિવસમાં જાતે જ દૂર થઈ જાય છે. જો કે, ઘણીવાર આ સમસ્યા વધી પણ જાય છે. આવા સંજોગોમાં તમારે શું કરવું જોઇએ તેના ઉપાયો આ અહેવાલમાં વાંચો.

ત્વચાની ઉપરી ચામડી નીકળવાના કારણો

શરીરમાં પાણીની કમી
સનબર્ન
વધુ ઠંડી લાગવી
વારંવાર હાથ ધોવા
હાનિકારક કેમિરકલનો સંપર્ક
વિટામિનની ઉણપ
વધુ પડતી સ્કીન હાઇડ્રેટ થવી
ફંગલ ઇન્ફેક્શનના કારણે સ્કિન પીલિંગ થઇ શકે
કમજોર ઇમ્યૂનિટી
એક્જિમા, એરિથ્રોડર્મા જેવી બીમારીઓથી પીડિત વ્યક્તિઓને સ્કીન પીલિંગની સમસ્યા થઇ શકે છે

આ સમસ્યાનો ઉકેલ

આ સમસ્યા સામાન્ય રીતે 3 થી 4 દિવસમાં ઉકેલાઈ જાય છે. જો કે, તમે તમારા હાથમાં અતિશય બળતરા, ખંજવાળ અથવા લાલાશ સાથે કામ કરી રહ્યાં છો, તો તમે નીચે સૂચિબદ્ધ કેટલાક સરળ ઘરેલું ઉપચાર અજમાવી શકો છો. આ ટિપ્સ આ સમસ્યામાંથી ઝડપથી રાહત અપાવવામાં કારગર સાબિત થઈ શકે છે.

તમારી જાતને હાઇડ્રેટેડ રાખો. આખો દિવસ ત્વચાને હાઇડ્રેટ રાખવા માટે પીવાના પાણી સિવાય તરબૂચ, કાકડી, ટામેટા વગેરેનું સેવન કરી શકો છો.

મધમાં એન્ટીબેક્ટેરિયલ ગુણ હોય છે. આવી સ્થિતિમાં, તે ત્વચાની ચામડી ઉખડવાની સમસ્યાથી છુટકારો મેળવવામાં અસરકારક સાબિત થઈ શકે છે. સારા પરિણામો માટે, તમે મધમાં 1 ચમચી એલોવેરા જેલ મિક્સ કરી શકો છો અને તેને ખંજવાળવાળી ત્વચા પર લગાવી શકો છો. આ ખંજવાળ અને બળતરા દૂર કરવાનું કામ કરશે. આ સાથે ત્વચાની છાલની સમસ્યા પણ જલ્દી ખતમ થઈ જશે.

હૂંફાળું પાણી

સ્કિન પીલિંગની સમસ્યાથી છુટકારો મેળવવા માટે હૂંફાળું પાણી ખૂબ જ અસરકારક સાબિત થઈ શકે છે. આ માટે તમે હૂંફાળા પાણીથી ફોમેન્ટેશન કરી શકો છો, સાથે જ નહાવા માટે હૂંફાળા પાણીનો ઉપયોગ કરી શકો છો. તે તમને શુષ્ક અને ખંજવાળવાળી ત્વચાથી છુટકારો મેળવવામાં મદદ કરશે.

નારિયેળ તેલ

નારિયેળ તેલ કુદરતી મોઇશ્ચરાઇઝર તરીકે કામ કરે છે. આવી સ્થિતિમાં, તે શુષ્ક ત્વચાથી છુટકારો મેળવવા માટે સૌથી અસરકારક માધ્યમ સાબિત થઈ શકે છે. અસરગ્રસ્ત વિસ્તાર પર નારિયેળ તેલ લગાવો અને હળવા હાથથી મસાજ કરો. તેનાથી પણ તમને જલ્દી રાહત મળશે.

મસાલેદાર ખોરાક ખાવાનું ટાળવું

પીલિંગ સમસ્યામાં વધારે પડતું મસાલેદાર ખાવાનું પણ ટાળવું સ્વાસ્થ માટે ફાયદાકારક સાબિત થશે. સાથે જ વધુ ગરમ અને ઠંડુ ખાવાથી પણ બચવું. કારણ કે ખોરાકનું ખોટું તાપમાન શરીર માટે હાનિકારક છે. આ સમસ્યામાં તમે તમારી ડાયટમાં ચિયા સીડ્સ, નટ્સ, દહીં વગેરે સામેલ કરી શકો છો.

આ પણ વાંચો : Obesity And Hyperacidity: હાયપરએસીડીટી શું છે સ્થૂળતા અને હાયપરએસીડીટી વચ્ચે સંબંધ શું છે? નિષ્ણાતોએ જણાવ્યું

જો કે તમારે ઉપર આપેલા ઘરેલું ઉપચારની સાથે તમારે ડોકર્સ સાથે પણ પરામર્શ કરવું જોઇએ. જેથી તમને સાચું અને યોગ્ય માર્ગદર્શન મળશે.