પ્રિયંકા ચોપરા ડી પફિંગ ટેકનિક, ફેસ પર સોજા ઘટાડી શકે? આઈસ ફેશિયલ કેટલું અસરકારક?

જીવનશૈલી | Beauty Tips | સુંદરતાની સંભાળની વાત આવે ત્યારે પ્રિયંકા ચોપરા (Priyanka Chopra) વિશ્વભરના લાખો લોકો માટે એક રોલ મોડેલ છે. પ્રિયંકા પોતાની સ્કિનના સ્વાસ્થ્ય અને ચમકને જાળવી રાખવા માટે જે સરળ છતાં અસરકારક તકનીકોનો ઉપયોગ કરે છે તેની ચર્ચા ઘણીવાર થાય છે. તેમાંથી એક 'આઈસ વોટર ફેશિયલ' (ice water facial) પદ્ધતિ છે જે સોશિયલ મીડિયા પર ટ્રેન્ડ કરી રહી છે.

પ્રિયંકા ચોપરાની લેટેસ્ટ ઇન્સ્ટાગ્રામ સ્ટોરી હાલમાં સોશિયલ મીડિયા પર વાયરલ થઈ રહી છે. પણ તે કેટલી અસરકારક છે? કોણ કરી શકે છે? શું તમે વિચાર્યું છે કે તેની આડઅસરો શું છે?

 પ્રિયંકા ચોપરા ડી પફિંગ ટેકનિક

KIMS હોસ્પિટલના કન્સલ્ટન્ટ ત્વચારોગ વિજ્ઞાની ડૉ. શ્વેતા નખાવા સમજાવે છે કે ઠંડીના સંપર્કમાં આવવાથી ચહેરા પર રક્ત વાહિનીઓ કામચલાઉ સંકોચાઈ જાય છે. શ્વેતા કહે છે કે "આ રક્તવાહિની સંકોચન ચહેરાના સોજા ઘટાડવામાં મદદ કરે છે અને ત્વચાને વધુ મજબૂત અને વધુ યુવાન દેખાવ આપે છે. જ્યારે ત્વચા ફરીથી ગરમ થાય છે, ત્યારે રક્ત પ્રવાહ પાછો આવે છે, જે ચહેરાને કુદરતી ચમક આપી શકે છે.''

તેના તાત્કાલિક ફાયદાઓમાં આંખોની આસપાસ સોજો ઓછો કરવો, છિદ્રોને થોડા સમય માટે કડક કરવા અને ત્વચાને તાજગી આપવી શામેલ છે. ડૉ. નખાવાએ કહ્યું કે તે ચહેરાના નાના સોજા ઘટાડવામાં અને સૂર્યના સંપર્ક પછી ત્વચાને રાહત આપવામાં મદદ કરી શકે છે.

એલોવેરા સાથે આ મસાલો મિક્સ કરી ચહેરા પર લગાવો, ડાઘ-ધબ્બા નહિ રહે, પાર્લર વગર ચહેરો ચમકશે

પરંતુ વધુ પડતો ઉપયોગ સ્કિનના રક્ષણાત્મક અવરોધને અસર કરી શકે છે, તેથી આ પદ્ધતિ દરરોજ કરવાને બદલે ક્યારેક ક્યારેક જ કરવી જોઈએ. ડૉ. નખાવા બળતરા ઘટાડવા અથવા ચમક વધારવા જેવા "ટૂંકા ગાળાના ફાયદા" માટે અઠવાડિયામાં એક કે બે વાર આવું કરવાનું સૂચન કરે છે.

તે બધા પ્રકારની સ્કિન માટે યોગ્ય નથી. સેન્સિટિવ સ્કિન, ખરજવું ધરાવતા લોકો માટે, ડૉ. નખાવાએ કહ્યું, વધુ પડતી ઠંડી લાલાશ અને અગવડતાને વધારી શકે છે.  ડૉક્ટરે ઉમેર્યું કે "જે એક વ્યક્તિ માટે કામ કરે છે તે બીજા માટે કામ ન પણ કરે.''

બરફનો લાંબા સમય સુધી અથવા વારંવાર ઉપયોગ કરવાથી ત્વચામાં બળતરા, શુષ્કતા અથવા સંવેદનશીલ રક્ત વાહિનીઓને નુકસાન થઈ શકે છે. બરફના પાણીમાં લાંબા સમય સુધી ડુબાડવાથી ચહેરા પર નિષ્ક્રિયતા આવી શકે છે અથવા અસ્વસ્થતા થઈ શકે છે. તેથી તેને વધુ પડતું ન ખાવાનું ધ્યાન રાખો.

શું ધ્યાન આપવું જોઈએ?

આઈસ ફેશિયલ સરળ, ટૂંકા ગાળાના અને સ્વચ્છ પાણીથી કરવા જોઈએ. તેનાથી ક્યારેય દુખાવો કે લાલાશ થવી જોઈએ નહીં. ડૉ. શ્વેતા નખવાએ જણાવ્યું કે "સ્કિનની સ્થિતિ ધરાવતા લોકોએ આ ટ્રેન્ડ અજમાવતા પહેલા ડર્મેટોલોજિસ્ટની સલાહ લેવી જોઈએ. સૌથી અગત્યનું, આ ફક્ત એક કામચલાઉ કોસ્મેટિક પ્રક્રિયા છે અને યોગ્ય સ્કિનકેર અથવા તબીબી સારવારનો વિકલ્પ નથી.''