મિશન મજનૂ એક્ટર રશ્મિકા મંદાના ક્લોઝ-ગ્રિપ પુશ-અપ્સ કરતી જોવા મળી

 Lifestyle Desk :મિશન મજનૂ એક્ટ્રેસ રશ્મિકા મંદાના માત્ર તેના ફિટનેસ ધ્યેયો હાંસલ કરવા માટે પ્રતિબદ્ધ નથી પણ તેના પ્રયત્નો અને પરિણામો પર ખૂબ ગર્વ અનુભવે છે. ટૂંકમાં, તે તેની ફિટનેસ જર્ની સંપૂર્ણ રીતે માણી રહી છે.

રશ્મિકા મંદાના ઈન્સ્ટાગ્રામ પર લખ્યું કે,“હું, એક સમયે, ખડતલ સ્ત્રીઓને જોઈને વિચારતી કે, હું તેના જેવી હોત! અને આજે હું મારા આ વિડિયોને જોઉં છું અને એવું કહું છું કે, ' જો તમે ફક્ત ધ્યાન કેન્દ્રિત કરો અને તેના માટે કામ કરો તો તમે જે કંઈપણ કરવા માંગો છો તે થઇ શકે છે."

વિડિયોમાં, રશ્મિકા બે બોલ પર ક્લોઝ-ગ્રિપ પુશ-અપ્સ કરતી જોઈ શકાય છે.

અપેક્ષા મુજબ, રશ્મિકાની પોસ્ટ ટિપ્પણીઓથી છલકાઇ હતી. એકટ્રેસ ક્રિતી સેનને લખ્યું કે, “લવ ઇટ”.

26 વર્ષની રશ્મિકા છેલ્લા કેટલાક સમયથી તેના ફિટનેસ લેવલ પર ફોક્સ કરી રહી છે.

વધુ ખુલાસો કર્યા વિના, અભિનેત્રીના ટ્રેનર કરણ સાહનીએ પણ તેની ઇન્સ્ટાગ્રામ સ્ટોરીઝ પર વિડિયો પોસ્ટ કર્યો હતો.

આ પણ વાંચો : Bipolar Disorder: બાયપોલર ડિસઓર્ડર કેવા પ્રકારની માનસિક બીમારી છે? આ રોગના કારણો, લક્ષણો અને ઉપાયો વિશે જાણો

જોકે, ફિટપથશાલાના સહ-સ્થાપક રચિત દુઆના જણાવ્યા અનુસાર, ક્લોઝ ગ્રિપ પુશઅપ્સ કરતી વખતે વ્યક્તિએ સ્થિર પ્લેટફોર્મ પસંદ કરવું જોઈએ.દુઆએ indianexpress.comને જણાવ્યું હતું કે, “જો કોઈને ટ્રાઈસેપ્સ અથવા બાઈસેપ્સને તાલીમ આપવા માટે પુશ-અપ્સ કરવાના હોય, તો તેણે તેને સ્થિર પ્લેટફોર્મ પર કરવું જોઈએ અને જોખમનું પરિબળ ઘટાડવું જોઈએ. અસ્થિર સપાટીઓ તે કસરતને અર્થહીન બનાવે છે."

પરંતુ શા માટે વ્યક્તિએ સ્ટ્રેન્થ ટ્રેનિંગ લેવી જોઈએ?

તાકાતની તાલીમ ઘણીવાર વજન ઉપાડવા સાથે સંકળાયેલી હોય છે જે સહનશક્તિ અને શક્તિને સુધારવામાં મદદ કરે છે, પરંતુ તેમાં બોડીવેટ એક્સરસાઇઝ અથવા કેલિસ્થેનિક્સ, આઇસોમેટ્રિક્સ અને પ્લાયમેટ્રિક્સનો પણ સમાવેશ થઈ શકે છે.

બ્રિટિશ જર્નલ ઑફ સ્પોર્ટ્સ મેડિસિનમાં પ્રકાશિત થયેલા એક અભ્યાસ મુજબ, જે લોકોએ 30 થી 60 મિનિટ, શક્તિ અથવા વજનની તાલીમ લીધી હતી તેમનામાં વહેલા મૃત્યુનું જોખમ 10 થી 20 ટકા ઓછું હતું.

અભ્યાસમાં સંશોધકોએ એમ પણ જણાવ્યું હતું કે જે લોકો નિયમિતપણે વેઈટ ટ્રેઈનિંગ કરતા હતા તેઓમાં પણ હૃદય રોગ (46 ટકા) અથવા કેન્સર (28 ટકા) થવાનું જોખમ ઓછું હતું. અભ્યાસમાં એ પણ નોંધવામાં આવ્યું છે કે જે લોકો અઠવાડિયામાં 60 મિનિટ સુધી સ્નાયુઓને મજબૂત કરવાની પ્રવૃત્તિઓ કરે છે તેમને ડાયાબિટીસ થવાનું જોખમ ઓછું હતું.

આ પણ વાંચો : કરીના કપૂર ખાનની ફિટનેસ પ્રત્યેની કમિટમેન્ટ અત્યંત પ્રેરણાદાયક, જાણો અહીં

ડો. આશિષ કોન્ટ્રાક્ટર, ડાયરેક્ટર: રિહેબિલિટેશન એન્ડ સ્પોર્ટ્સ મેડિસિન, સર એચએન રિલાયન્સ ફાઉન્ડેશન હોસ્પિટલ અગાઉ indianexpress.com ને જણાવ્યું હતું કે એક ઉંમરની સાથે, સ્નાયુ સમૂહ સ્ટીફ જાય છે, તેથી સ્ટ્રેન્થ ટ્રેઇનિંગ “રોજ શારીરિક પ્રવૃત્તિઓ હાથ ધરવા માટે ખૂબ જ મહત્વપૂર્ણ બની જાય છે. , અને તેથી દરેકએ કસરત કરવી જોઈએ”.