Skincare Tips : આંખો નીચે ઠંડું દૂધ એપ્લાય કરવાથી ડાર્ક સર્કલ ઓછા થઇ શકે? જાણો ફેક્ટ

સ્કિન કેર માટે આપણે શું નથી કરતા!! ઘણા લોકપ્રિય ઘરેલું ઉપચાર ઉપલબ્ધ છે જે સ્કિનને ગ્લોઈંગ બનાવે, ખીલની સમસ્યાથી મુક્તિ અપાવે, ડાર્ક સર્કલ દૂર કરે છે. આવો જ એક ઉપાય છે આંખોની નીચે ઠંડું દૂધ લગાવવું, જે આંખની કરચલીઓ અને ડાર્ક સર્કલ ઘટાડવામાં મદદરૂપ માનવામાં આવે છે. અહીં જાણો એક્સપર્ટ શું કહે છે,

એક્સપર્ટે જણાવ્યું કે, જ્યારે તેના ફાયદાઓને ટેકો આપતા કેટલાક પુરાવા છે, ત્યારે આ વિશિષ્ટ પદ્ધતિ પર વૈજ્ઞાનિક સંશોધન મર્યાદિત છે. દૂધમાં વિટામિન A અને D, લેક્ટિક એસિડ અને પ્રોટીન સહિત વિવિધ પોષક તત્વો હોય છે, જે સ્કિનકૅરમાં ફાળો આપી શકે છે. ઠંડુ દૂધ ત્વચા પર સારી અસર કરી શકે છે અને સોજો ઘટાડી શકે છે.

ઠંડુ તાપમાન રક્તવાહિનીઓને સંકુચિત કરી શકે છે, ડાર્ક સર્કલના દેખાવને ઘટાડે છે. લેક્ટિક એસિડ મૃત ત્વચાના(ડેડ સ્કિન) કોષોને એક્સ્ફોલિએટ કરી શકે છે અને સ્કિન ગ્લો કરવામાં મદદ કરી શકે છે.

આ પણ વાંચો: Today history આજનો ઇતિહાસ 29 સપ્ટેમ્બર : વિશ્વ હૃદય દિવસ કેમ ઉજવાય, હાર્ટ એટેકના દર્દીઓના સંખ્યામાં ચિંતાજનક વધારો

આનુવંશિકતા, ઊંઘ અને લાઈફ સ્ટાઇલ જેવા પરિબળોને કારણે ડાર્ક સર્કલ ઘણીવાર થાય છે અને વૃદ્ધત્વ અને સૂર્યના સંપર્કમાં આવવાથી કરચલીઓ થઈ શકે છે તે વાત પર ભાર મૂકતા એક્સપર્ટે જણાવ્યું હતું કે ઠંડું દૂધ લગાવવું. આંખોની નીચે અસ્થાયી રૂપે સોજો ઘટાડી શકે છે અને ત્વચાને શાંત કરી શકે છે, પરંતુ તે લાંબા ગાળાનો ઉકેલ નથી.

એક ઘરેલું ઉપચાર નોંધપાત્ર અથવા સ્થાયી પરિણામો પ્રદાન કરી શકશે નહીં. વધુ અસરકારક અને લાંબા ગાળાના લાભો માટે, વ્યક્તિઓએ યોગ્ય સ્કિનકેર રૂટિનની જરૂર હોય છે. જેમાં સનસ્ક્રીન, મોઈશ્ચરાઈઝર અને રેટિનોલ, હાયલ્યુરોનિક એસિડ અને એન્ટીઑકિસડન્ટ્સ જેવા ઘટકો સાથેના ઉત્પાદનોનો સમાવેશ થાય છે.

ડાર્ક સર્કલ નેચરલી ઘટાડવામાં માટે આટલું કરો.

પર્યાપ્ત ઊંઘ લો: થાકને કારણે થતા ડાર્ક સર્કલને ઘટાડવા માટે દરરોજ રાત્રે 7-9 કલાકની ક્વોલિટી ઊંઘ લેવાનું રાખો

હેલ્થી લાઈફ સ્ટાઇલ ફોલૉ કરો: સંતુલિત આહાર, નિયમિત કસરત અને હાઇડ્રેટેડ રહેવાથી સ્કિનની તંદુરસ્તી સુધારવામાં મદદ મળી શકે છે.

આ પણ વાંચો: Heart Attack Prevent: હાર્ટ એટેકથી બચવા ભોજનમાં એક વસ્તુ સામેલ કરો, સદગુરુ પાસેથી જાણો હૃદયને સ્વસ્થ અને તંદુરસ્ત રાખવાની રીત

સ્કિનકેર પ્રોડક્ટ્સનો ઉપયોગ કરો: કરચલીઓ અને ડાર્ક સર્કલને નિશાન બનાવવા માટે રેટિનોલ, હાયલ્યુરોનિક એસિડ અને વિટામિન સી જેવા ઘટકો સાથે આંખની ક્રીમ અથવા સીરમ જુઓ.

સૂર્યના તાપથી બચવું: સનસ્ક્રીનનો ઉપયોગ કરો અને સૂર્યના નુકસાનને રોકવા માટે સનગ્લાસ પહેરો જેનાથી કરચલીઓ પડી શકે છે અને આંખની નીચેનો વિસ્તાર કાળો થઈ શકે છે.