શું ફળ ખાવાથી બ્લડ સુગર વધે છે? તમારા રસોડામાં જ ઉકેલ છે!

જીવનશૈલી | આપણે બધા જાણીએ છીએ કે ફળો (fruits) આપણા સ્વાસ્થ્ય માટે સારા છે. તેમાં વિટામિન, ખનિજો અને ફાઇબર ભરપૂર માત્રામાં હોય છે. પરંતુ ઘણા ફળોમાં કુદરતી શર્કરાનું પ્રમાણ વધુ હોવાથી, તેને ખાવાથી લોહીમાં ગ્લુકોઝનું સ્તર ઝડપથી વધી શકે છે. ડાયાબિટીસ ધરાવતા લોકો અને ઇન્સ્યુલિન પ્રતિરોધક લોકો માટે આ એક મોટો પડકાર છે.

ડાયાબિટીસમાં બ્લડ સુગર લેવલ વધવાના ડરથી તમારે ફળ ખાવાનું બંધ કરવાની જરૂર નથી. ન્યુટ્રિશનિસ્ટ દીપશિખા જૈન કહે છે કે બ્લડ સુગરને નિયંત્રિત કરવાની એક સરળ રીત છે.

રસોડામાં રહેલ આ વસ્તુનું કરો સેવન 

દીપશિખા સમજાવે છે કે આ સમસ્યાનો ઉકેલ આપણા રસોડામાં નિયમિત રીતે વપરાતા તજ (cinnamon) નો ઉપયોગ કરીને મેળવી શકાય છે. સફરજન અને કેળા જેવા મીઠા ફળો કાપીને તેના પર થોડો તજ પાવડર છાંટવાથી બ્લડ સુગરના સ્તરમાં અચાનક વધારો થતો અટકાવવામાં મદદ મળી શકે છે.

ફ્રૂટ્સ કેવી રીતે બ્લડ સુગર કંટ્રોલ કરે છે?

ફ્રૂટ્સ જયારે એકલા ખાવામાં આવે છે, ત્યારે ફળોમાં રહેલી સુગર ઝડપથી લોહીના પ્રવાહમાં શોષાય છે. પરંતુ જ્યારે તજ ઉમેરવામાં આવે છે, ત્યારે તે કોષોમાં ગ્લુકોઝ શોષણમાં સુધારો કરે છે અને લોહીમાં શર્કરાના સ્તરમાં ઝડપી વધારાને નિયંત્રિત કરે છે.

View this post on Instagram

ભેળપૂરી કે સેવપુરી, સ્વાસ્થ્ય માટે કઇ વધુ સારી? એક્સપર્ટે આપ્યો આ જવાબ

વધુમાં તજમાં રહેલા એન્ટીઑકિસડન્ટો અને પોલીફેનોલ્સ પાચનમાં મદદ કરે છે અને હૃદયના સ્વાસ્થ્યને સુધારે છે. તાજેતરના અભ્યાસોમાં એ પણ જાણવા મળ્યું છે કે તજ કોલેસ્ટ્રોલ ઘટાડવામાં અસરકારક છે.

ડાયટમાં ફેરફારની સાથે આરોગ્ય વ્યાવસાયિકની સલાહ લેવી સલાહભર્યું છે. દવાઓ લેતા લોકોએ ખાસ કરીને તેમના ડૉક્ટરની સૂચનાઓનું પાલન કરવું જોઈએ.