કેરી, લીંબુ નહિ ખજૂરનું અથાણું કરો ટ્રાય, બધા અથાણાનો સ્વાદ લાગશે ફિક્કો! આ રહી રેસીપી

જીવનશૈલી | અથાણું (pickle) શબ્દ સાંભળતા જ સૌથી પહેલા મનમાં મોઢામાં પાણી આવી જાય છે ત્યારે બધાને કેરી કે લીંબુનું અથાણું જ યાદ આવે છે. તમે કદાચ ઘણા પ્રકારના અથાણાંનો સ્વાદ ચાખ્યો હશે, પણ શું તમે ક્યારેય ખજૂરનું અથાણું ટેસ્ટ કર્યું છે? 

નામ સાંભળીને તમને આશ્ચર્ય થશે કે ખજૂરનું અથાણું પણ બનાવી શકાય છે કે નહીં. ખજૂરનું અથાણું અતિ સ્વાદિષ્ટ હોય છે. તમે તેને દાળ, ભાત, રોટલી, પરાઠા અથવા બીજી કોઈ વસ્તુ સાથે માણી શકો છો. અહીં જાણો ખજૂરનું અથાણું બનાવવાની ખૂબ જ સરળ રેસીપી

ખજૂર અથાણું રેસીપી 

સામગ્રી

250 ગ્રામ નાના ટુકડામાં કાપેલી ખજૂર
1 ચમચી લાલ મરચું પાવડર
1 ચમચી ખાંડ
આદુ અને લસણની પેસ્ટ
4 ઝીણા સમારેલા લીલા મરચાં
1/4 ચમચી હળદર પાવડર
1/4 ચમચી હિંગ પાવડર
3 ચમચી વિનેગર
1 ચમચી રાઈ
2 ચમચી તેલ
થોડા મીઠા લીમડાના પાન 
સ્વાદ પ્રમાણે મીઠું

તેલના ટીપા વગર બનશે જોરદાર ! બનાવો ટેસ્ટી ક્રિસ્પી સોયા પોપકોર્ન, આ રહી રેસીપી

ખજૂર અથાણું બનાવાની રીત 

સૌ પ્રથમ ખજૂરનું અથાણું બનાવવા માટે, સૌપ્રથમ એક કડાઈમાં તેલ ગરમ કરો.
પછી તેમાં રાઈના દાણા, મીઠો લીમડો અને હિંગ ઉમેરો. આ પછી, આદુ-લસણની પેસ્ટ અને લીલા મરચાં ઉમેરો અને સારી રીતે શેકો.
હવે તેમાં હળદર પાવડર, લાલ મરચું પાવડર અને ખજૂર ઉમેરો અને તેને નરમ થાય ત્યાં સુધી રાંધવા દો. પછી તેમાં મીઠું અને ખાંડ ઉમેરો અને 1-2 મિનિટ સુધી કુક કરો.
છેલ્લે વિનેગર ઉમેરો, સારી રીતે મિક્સ કરો અને ગેસ બંધ કરો. હવે તમારું ખજૂરનું અથાણું તૈયાર છે. તમે તેને ગરમા ગરમ પરાઠા-રોટલી અથવા દાળ-ભાત સાથે પીરસી શકો છો.