Vitamin B12 | વિટામિન દવાઓ ફક્ત ડૉક્ટરના પ્રિસ્ક્રિપ્શન મુજબ જ લેવી જોઈએ. જોકે, કેટલાક લોકો ડૉક્ટરના પ્રિસ્ક્રિપ્શન વિના દવાઓ લે છે. શું દરરોજ વિટામિન B12 સપ્લિમેન્ટ્સ લઇ શકાય? દરરોજ વિટામિન B12 (vitamin B12) લેવું સામાન્ય રીતે સલામત છે, એમ થાણેની જ્યુપિટર હોસ્પિટલના ઇન્ટરનલ મેડિસિનના ડિરેક્ટર ડૉ. અમિત સરાફે જણાવ્યું હતું.
ડૉ. સરાફે કહ્યું કે ‘શરીર તેને જે જોઈએ છે તે શોષી લે છે અને બાકીનું પેશાબ દ્વારા બહાર કાઢે છે. તેથી મોટાભાગના લોકો માટે, ભલામણ કરેલ દૈનિક માત્રા લેવી સામાન્ય રીતે સલામત છે. પરંતુ તેનો અર્થ એ નથી કે દરેકને તેની જરૂર છે.’
વિટામિન B12 ના ફાયદા
B12 ચેતા સ્વાસ્થ્ય જાળવવા, લાલ રક્તકણો ઉત્પન્ન કરવામાં અને મગજના કાર્યને ટેકો આપવામાં મહત્વપૂર્ણ ભૂમિકા ભજવે છે. તે થાક, નબળાઇ, મૂડ સ્વિંગ અને યાદશક્તિ ગુમાવવાથી બચવામાં મદદ કરી શકે છે. તેણે કહ્યું કે આ દવાઓ ખાસ કરીને શાકાહારીઓ અને વિગન લોકો માટે મહત્વપૂર્ણ છે, કારણ કે B12 મોટે ભાગે એનિમલ પ્રોડક્સમાં જોવા મળે છે.
શું દરેક વ્યક્તિએ દવા લેવી જોઈએ?
ડૉ. સરાફે કહ્યું કે તે ફરજિયાત નથી. “ઘણા લોકો તેમના આહારમાંથી પૂરતું મેળવે છે, ખાસ કરીને જો તેઓ ફિશ, મરઘાં, ઈંડા અથવા ડેરી પ્રોડક્ટ્સ ખાય છે. શાકાહારીઓ, વૃદ્ધો, આંતરડાની સમસ્યાઓ ધરાવતા લોકો અથવા મેટફોર્મિન જેવી લાંબા ગાળાની દવાઓ લેતા લોકો માટે પૂરક ખોરાક જરૂરી હોઈ શકે છે. અન્ય લોકો માટે, તેને નિયમિતપણે લેવાથી બહુ ફાયદો ન પણ થાય.’
શું વધુ પડતું B12 લેવાથી નુકસાન થઈ શકે ?
વધુ પડતું લેવાથી ક્યારેક ખીલ, ચક્કર અથવા પેટ ખરાબ થઈ શકે છે. ડૉ. સરાફે કહ્યું કે કિડનીની બીમારી જેવી કેટલીક સ્વાસ્થ્ય સ્થિતિઓ ધરાવતા લોકો માટે ડૉક્ટરની સલાહ લીધા વિના ખાવું સારું નથી.
B12 નું સેવન કરવાની સાચી રીત
જો તમને સતત થાક, સુસ્તી, અથવા સંતુલનની સમસ્યાઓ જેવા લક્ષણો હોય, તો પહેલા તમારા વિટામિનનું સ્તર તપાસો. જો તમને વિટામિનની ઉણપ હોય, તો તમારા ડૉક્ટર ગોળીઓ અથવા ઇન્જેક્શન લખી શકે છે. સ્વસ્થ પુખ્ત વયના લોકો સંતુલિત આહાર દ્વારા પૂરતા પ્રમાણમાં વિટામિન મેળવી શકે છે. પૂરક ખોરાકનો વિકલ્પ ક્યારેય ન હોવો જોઈએ.’
જરૂર પડે ત્યારે દરરોજ દવા લેવી સલામત છે. હંમેશા તમારા ડૉક્ટરના નિર્દેશન મુજબ જ પૂરક લો. વિટામિન B12 જરૂરી છે, પરંતુ દરેક વ્યક્તિએ દવા લેવાની જરૂર નથી.
