Vitamin D Deficiency : વિટામિન ડી લેવલની નિયમિત તપાસ કરાવવી જરૂરી, વિટામિન ડીની ઉણપ હોય તો આવા હોઈ શકે સંકેતો

અન્ય વિટામિનની જેમ વિટામિન ડી પણ આપણા સ્વાસ્થ્ય માટે મહત્વનું છે, શ્રેષ્ઠ સ્વાસ્થ્ય જાળવવા માટે વિટામિન ડીની ઉણપના ચિહ્નોને ઓળખવું મહત્વપૂર્ણ છે, નિષ્ણાતો વિનંતી કરે છે કારણ કે વધુને વધુ લોકો તેના માટે પરીક્ષણ કરે છે. ભારત ઉષ્ણકટિબંધીય દેશ હોવા છતાં, ઘણા ભારતીયો વિટામિન ડીની ઉણપથી પીડાય છે . ડો અપર્ણા ભાનુશાલી, હેડ ઓફ ગ્રોથ એન્ડ સાયન્ટિફિક સપોર્ટ, હેસ્ટેક એનાલિટિક્સે જણાવ્યું હતું કે, “ભારતીયોમાં વિટામિન ડીની ઉણપ હજુ પણ 68 ટકા જેટલી છે. તે માત્ર શહેરી વિસ્તારોમાં જ નહીં, ગ્રામીણ વિસ્તારોમાં પણ જોવા મળે છે. આના કારણોમાં શહેરીકરણ, લાઈફ સ્ટાઇલ, ચામડીનો કલર અને સૌથી અગત્યનું, આપણી આનુવંશિક વલણનો સમાવેશ થાય છે.''

તેથી, ખામીને ઓળખવી અને તેને દૂર કરવી ખૂબ જ મહત્વપૂર્ણ છે. આ તે છે જ્યાં ઉણપના પ્રથમ થોડા ચિહ્નો વિષે જાણવાની જરૂર છે.

ન્યુટ્રિશનિસ્ટ રુચિતા બત્રાએ થાક અને નબળાઈ, ઉર્જાનો અભાવ અને સામાન્ય નબળાઈનો અનુભવ ઉણપના સામાન્ય સંકેતો તરીકે નોંધ્યું હતું. બત્રાએ ઇન્સ્ટાગ્રામ પર એક પોસ્ટમાં જણાવ્યું હતું કે, "જો પૂરતી ઊંઘ લીધા પછી પણ, તમને વારંવાર થાક લાગે છે તો, વિટામિન ડીના લેવલને ધ્યાનમાં લેવું યોગ્ય છે."

આ પણ વાંચો: Monsoon Fitness: ચોમાસા દરમિયાન વધુ સુસ્તી અનુભવો છો? તો આ ટિપ્સ તમારા ફિટનેસ ગોલ પુરા કરવામાં મદદ કરશે

વારંવાર માંદગી:

વિટામિન ડી તંદુરસ્ત રોગપ્રતિકારક શક્તિને ટેકો આપવા માટે નિર્ણાયક ભૂમિકા ભજવે છે. વિટામિન ડીનું અપૂરતું સ્તર તમારા રોગપ્રતિકારક પ્રતિભાવને નબળું પાડી શકે છે, જે ચેપ, શરદી અને ફ્લૂ માટે વધુ સંવેદનશીલતા તરફ દોરી જાય છે. જો તમે વારંવાર બીમાર પડો છો અથવા બીમારીઓમાંથી સાજા થવામાં મુશ્કેલી અનુભવો છો, તો તે વિટામિન ડીની ઓછી માત્રાની નિશાની હોઈ શકે છે , એમ બત્રાએ જણાવ્યું હતું.

હાડકા અને સ્નાયુઓમાં દુખાવો:

વિટામિન ડી કેલ્શિયમના શોષણ અને હાડકાના સ્વાસ્થ્ય માટે જરૂરી છે. વિટામિન ડીનું અપૂરતું સ્તર નબળા હાડકાં તરફ દોરી શકે છે, જે હાડકામાં દુખાવો, સાંધામાં અગવડતા અથવા સ્નાયુઓમાં દુખાવો તરીકે પ્રગટ થઈ શકે છે. જો તમે તમારા હાડકાં, સ્નાયુઓ અથવા સાંધાઓમાં અસ્પષ્ટ અથવા સતત પીડા અનુભવો છો, તો તે સંભવિત કારણ તરીકે વિટામિન ડીની ઉણપને ધ્યાનમાં લેવા યોગ્ય છે.

મૂડ ફેરફારો:

વિટામિન ડી મૂડ મેનેજમેન્ટ સાથે જોડાયેલું છે, અને વિટામિન ડીની ઉણપ અથવા તો નીચું સ્તર મૂડ ડિસઓર્ડર જેમ કે ડિપ્રેશન, ચિંતા અથવા મોસમી લાગણીશીલ ડિસઓર્ડર (SAD) માં ફાળો આપી શકે છે.બત્રાએ ઉમેર્યું કે, "જો તમે તમારા મૂડમાં નોંધપાત્ર ફેરફાર જોશો, ખાસ કરીને ઠંડા મહિનાઓ દરમિયાન અથવા જ્યારે તમારી પાસે મર્યાદિત સૂર્યપ્રકાશ હોય, તો તે વિટામિન ડીની ઉણપ સાથે સંબંધિત હોઈ શકે છે, કે ધીમે ધીમે વજન ઘટાડવું અન્ય સંભવિત સંકેત હોઈ શકે છે.

વિટામિન ડી ઘણા ચયાપચયના માટે પણ મહત્વપૂર્ણ છે, અને તે ડાયાબિટીસ, કાર્ડિયોવેસ્ક્યુલર રોગો અને હાડકાની ઘનતામાં ઘટાડો જેવા રોગો માટે પણ જવાબદાર છે. ડો.ભાનુશાળીએ જણાવ્યું હતું કે, “તેથી, ખામીને ઓળખવી અને તેને દૂર કરવી ખૂબ જ મહત્વપૂર્ણ છે. આ સૌપ્રથમ વિટામિન ડીની ઉણપ માટે કોઈપણ આનુવંશિક વલણને ઓળખીને, વિટામિન ડીના સ્તરનું નિરીક્ષણ કરીને અને પછી વિટામિન ડીને પૂરક બનાવીને કરી શકાય છે. આ વિટામિન ડીના ઉચ્ચ સ્તરો સાથે લોડિંગ ડોઝ દ્વારા કરી શકાય છે, ત્યારબાદ તબીબીની સલાહ મુજબ સપ્લીમેન્ટ દ્વારા કરી શકાય છે.''

આ પણ વાંચો: Monsoon Special : અંશુલા કપૂર કહે છે “મોન્સૂન ક્રેવિંગમાં આ ફુડ્સ છે મારા ફેવરિટ” આ ફૂડ્સ વિષે એક્સપર્ટ શું કહે છે

ડો. મનોજ વિઠ્ઠલાણી, ઇન્ટરનલ મેડિસિન, સિનિયર કન્સલ્ટન્ટ ફિઝિશિયન અને ડાયાબિટોલોજિસ્ટ, એચસીજી હોસ્પિટલ્સ, અમદાવાદના જણાવ્યા અનુસાર, બહાર સમય વિતાવવો અને સૂર્યના સંપર્કમાં વધારો કરવો ફાયદાકારક બની શકે છે. ડૉ. વિઠ્ઠલાનીએ કહ્યું કે, "વિટામીન ડીથી ભરપૂર ખોરાક જેમ કે ફેટી ફિશ, ફોર્ટિફાઇડ ડેરી પ્રોડક્ટ્સ, ઈંડાની જરદી અને વિટામિન ડી સપ્લીમેન્ટ્સ લેવાથી લેવલ ફરી ભરવામાં મદદ મળી શકે છે.''