વેવ્સ 2025 । શાહરૂખ ખાન દીપિકા પાદુકોણએ તેમની પેરેન્ટીંગ જર્ની પર કરી ચર્ચા, દીપિકાના થયા વખાણ

Waves 2025 । મુંબઈના જિયો વર્લ્ડ સેન્ટર ખાતે વેવ્સ 2025 (Waves 2025) સમિટના ઉદ્ઘાટન દિવસે ફિલ્મ નિર્માતા કરણ જોહરે તેમના નજીકના મિત્ર, સુપરસ્ટાર શાહરૂખ ખાન (Shah Rukh Khan) અને અભિનેત્રી દીપિકા પાદુકોણ (Deepika Padukone) સાથે એક સેશન યોજ્યો હતો.

વેવ્સ 2025 (Waves 2025) માં વાતચીત દરમિયાન બંને કલાકારોને તેમની પેરેન્ટીંગ જર્ની વિશે પૂછવામાં આવ્યું. તાજેતરમાં જ અભિનેતા રણવીર સિંહ સાથે તેની પુત્રી દુઆનું સ્વાગત કરનાર દીપિકાએ શેર કર્યું કે તે હજુ પણ દિવસેને દિવસે શીખી રહી છે. બીજી તરફ શાહરૂખે તેના બાળકો આર્યન, સુહાના અને અબરામ વિશે પ્રેમથી વાત કરી, બાળકોને તેના દિલના ત્રણ ટુકડા" ગણાવ્યા હતા.

દીપિકા પાદુકોણએ પેરેન્ટીંગ વિશે વાત કરી (Deepika Padukone Talks On Parenting)

ચેટ દરમિયાન કરણે શેર કર્યું કે તેના જોડિયા બાળકો યશ અને રૂહીના જીવનમાં આવ્યા પછી જીવન કેવી રીતે બદલાયું. જ્યારે દીપિકાને પૂછવામાં આવ્યું કે શું તેણે આ પરિવર્તન અનુભવ્યું છે, ત્યારે તેણે જવાબ આપ્યો, "મને લાગે છે કે હું હજી પણ આમાં નવું શોધી રહી છું. બાળક થતાંની સાથે જ તમે બીજા માણસ માટે જવાબદાર છો. મેં જે રીતે મારું જીવન જીવ્યું છે, તે ઘર, મારી મહત્વાકાંક્ષા, મારી કારકિર્દી, બધું જ મારા જીવન અને હું મારા માટે શું ઇચ્છતી હતી તે વિશે રહ્યું છે. અને અચાનક આ નાની બાળકીની જવાબદારીએ મારી છે.''

દીપિકા પાદુકોણએ ઉમેર્યું, "હું હંમેશા માતા બનવા માંગતી હતી તેથી હું તેનો દરેક પળ માણી રહી છું. પરંતુ હવે હું માતૃત્વ પછી મારા માટે આ નવા જીવનને શોધી રહી છું. બીજા વ્યક્તિ માટે જવાબદાર બનવું અને તે વ્યક્તિ તમારી સામે હોય છે. મને નથી લાગતું કે મને હજુ સુધી તેના જવાબો મળ્યા છે."

આ પણ વાંચો: બોલીવુડનો બાદશાહ બન્યો દુનિયાનો ચોથો સૌથી ધનિક અભિનેતા, સંપત્તિનો આંકડો જાણી ચોંકી જશો

શાહરૂખ ખાને દીપિકા પાદુકોણના કર્યા વખાણ

શાહરૂખ ખાને કહ્યું કે દીપિકા પાદુકોણ એક અદ્ભુત મમ્મી હશે. "તે જે ભૂમિકા શ્રેષ્ઠ રીતે ભજવશે તે દુઆ સાથેની છે. મને લાગે છે કે તે ખરેખર એક અદ્ભુત માતા બનવાની છે.''

શાહરુખ ખાને તેના બાળકો વિશે શું કહ્યું?

શાહરુખ ખાનને કરણ જોહરે કહ્યુંકે શાહરુખ આટલા સક્રિય અને પ્રેઝન્ટ પિતા હોવાથી તેમને એક જટિલતા આપે છે. શાહરુખ ખાન કહે છે, "આ એક લેખકની એક પંક્તિ છે, મેં તે ક્યાંક વાંચી હતી જ્યારે હું મોટો થયો, કદાચ મેં મારા માતા-પિતા ગુમાવ્યા હતા તેથી તેની કંઈક અસર થઈ હતી. તેમાં લખ્યું હતું, 'બાળક પેદા કરવાનો નિર્ણય એ છે કે તમારા હૃદયના ટુકડાને તમારા શરીરની બહાર લાવવું અને લઈ જવાનો નિર્ણય.' મેરે દિલ કે ટુકડા, મારી પાસે ખરેખર 3 દિલના ટુકડા છે છોટે છોટે ટુકડાઓ મેરે ચારોં તરફ હૈં."

શાહરુખ ખાને કહ્યું, “જો તમે તમારા બાળકોને હસાવી શકો તો તમને ક્યારેય એકલું નહિ લાગે. જેમના બાળકો નથી, જો તમે તમારા માતાપિતાને હસાવી શકો, તો તમને ક્યારેય એકલું નહિ લાગે. હું મારા બાળકો માટે એટલો રમુજી છું કે જો હું તેમને કંઈક કહું, જેમ કે 'તારે રાત્રે 10 વાગ્યા સુધીમાં સૂઈ જવું પડશે, મમ્મીએ આ કહ્યું છે,' તો તેઓ મજાકમાં જવાબ આપે છે, 'હે ભગવાન, શાહરુખ.' હું ઘરમાં મજાક કરું છું. મજાક કરતાં પણ વધુ હું મારા બાળકો અને પત્નીને ખુશ રાખું છું.”

વેવ્સ 2025 (Waves 2025) સમિટ ગુરુવારે સવારે પીએમ નરેન્દ્ર મોદી દ્વારા ઉદ્ઘાટન કરવામાં આવ્યું હતું , અને તેને "મીડિયા અને મનોરંજન ઉદ્યોગમાં ચર્ચાઓ, સહયોગ અને નવીનતાને પ્રોત્સાહન આપવા માટે એક મુખ્ય મંચ" તરીકે ડિઝાઇન કરવામાં આવ્યું છે.