Weight Loss Tips : વેઇટ લોસ કરવું છે? તો સવારની આટલી આદતો થશે અસરકારક સાબિત

Weight Loss Tips : જો તમે વેઇટ લોસ જર્ની પર છો તો તમને કદાચ ખબરજ હશે વેઇટ લોસ કરવુંએ કહેવા જેટલું સરળ નથી, તે ખરેખરપડકારજનક હોઈ શકે છે. તેના માટે સતત પ્રયાસ કરવા પડે છે, જેમ કે, રેગ્યુલર વર્ક આઉટ અને ડાયટમાં ફેરફાર.

વેઇટ લોસ જર્નીમાં વર્ક આઉટ અને એક્ટિવ રહેવાની સાથે ડાયટ પણ ખુબજ મહત્વનો ભાગ ભજવે છે. અહીં એક્સપર્ટ દ્વારા અમુક ટિપ્સ આપી છે, જેમ કે, સવારે દિવસની શરૂઆત કેવી રીતે કરવી, અને તે કેવી રીતે વેઇટ લોટ જર્નીમાં મદદ કરી શકે છે, જાણો

તમારા મોર્નિંગ રૂટિનમાં આ સરળ છતાં અસરકારક આદતોનો સમાવેશ કરવાથી મેટાબોલિઝ્મ વધશે, ભૂખ કંટ્રોલ થશે કરી અને તમને સ્વસ્થ રાખશે. ડૉ પ્રણવ હોન્નાવરા શ્રીનિવાસન કહે છે કે, “મોર્નિંગ રૂટિન ઘ્રેલિન (જે ભૂખને ઉત્તેજિત કરે છે) જેવા હોર્મોન્સના નિયમન પર નોંધપાત્ર અસર કરી શકે છે. દરરોજ સવારે ખાવાનું શેડ્યૂલ આ હોર્મોન લેવલને સ્થિર કરવામાં મદદ કરી શકે છે, ભૂખને કંટ્રોલ કરી શકે છે અને દિવસના અંતમાં ઓવરઇટિંગ અટકાવી શકે છે.''

આ પણ વાંચો: Breakfast : બ્રેકફાસ્ટમાં બનાવો પીએમ મોદીના ફેવરિટ સરગવાના પરાઠા, જાણો રેસીપી

ડૉ. શ્રીનિવાસનએ મોર્નિંગની કેટલીક હેલ્થી ટેવ વિષે સૂચવ્યું છે જે તમને વેઇટ લોસમાં મદદ કરી શકે છે. આ આદતોને તમારી સવારની દિનચર્યાનો એક ભાગ બનાવવાથી મેટાબોલિઝ્મ, ભૂખ કંટ્રોલમાં અને એકંદર એનર્જી લેવલ પર ઊંડી અસર પડી શકે છે, જે વજન ઘટાડવા અને સુખાકારીમાં મદદ કરી શકે છે.

સવારની આટલી આદતો થશે મદદરૂપ

હાઇડ્રેટ રહો : સવારે જાગ્યા પછી એક કે બે ગ્લાસ પાણી પીવો, તેનાથી દિવસની શરૂઆત કરવાથી હાઇડ્રેશન, મેટાબોલિઝમ અને પૂર્ણતાની લાગણી જાળવવામાં મદદ મળે છે.

હાઈ પ્રોટીન બ્રેકફાસ્ટ કરો : પ્રોટીનયુક્ત નાસ્તો ખાવાથી ભૂખના હોર્મોન્સનું નિયમન કરીને તૃપ્તિમાં મદદ મળી શકે છે, તૃષ્ણાઓ ઘટાડે છે, અને દિવસ પછી અતિશય આહાર અટકાવે છે. વિકલ્પોમાં ઇંડા, ગ્રીક દહીં, કુટીર ચીઝ અથવા પ્રોટીન શેકનો સમાવેશ થાય છે.

સવારે કસરત કરો : સવારે શારીરિક પ્રવૃત્તિમાં તમે વોકિંગ, યોગ અથવા કોઈપણ પ્રકારની એરોબિક કસરત કરી શકો છો જે મેટાબોલિઝ્મ વધારી શકે છે અને એન્ડોર્ફિન રિલીઝ કરી મૂડમાં સુધારો કરી શકે છે, જે તમારો દિવસ સુધારી શકે છે.

આ પણ વાંચો: Bottle Gourd : ઉનાળામાં દૂધી ખાવાથી સ્વાસ્થ્ય પર થતા ફાયદા અને ગેર ફાયદા,જાણો

સૂર્યપ્રકાશ : વહેલી સવારે કુદરતી સૂર્યપ્રકાશ લેવાથી શરીરની સર્કેડિયન લયને કંટ્રોલ કરવામાં મદદ મળી શકે છે, જે ઊંઘની ગુણવત્તામાં સુધારો કરે છે. સારી ઊંઘ મેટાબોલિઝ્મમાં સુધારો અને વેઇટ લોસ સાથે જોડાયેલી છે.

માઇન્ડફુલનેસ : દિવસની શરૂઆત ધ્યાન અથવા ઊંડા શ્વાસ લેવાની કસરતોથી કરો, જે તણાવ ઘટાડી શકે છે, જે ઘણીવાર ઓવરઇટિંગ અને વજનમાં વધારો સાથે સંકળાયેલ છે.

ડાયટ પ્લાન : ડાયટ પ્લાન બનાવવા માટે દરરોજ સવારે થોડી મિનિટો લો. આ આદત ઓવરઇટિંગ અટકાવી શકે છે અને તમને વધુ પૌષ્ટિક વિકલ્પો પસંદ કરવામાં મદદ કરે છે. ડાયટ પ્લાન એ સુનિશ્ચિત કરે છે કે બેલેન્સ્ડ ડાયટ એનર્જી જાળવી રાખે છે અને વેઇટ લોસમાં ફાળો આપી શકે છે.