સરસોં કા સાગ રેસીપી, મકાઈના રોટલા સાથે ખાવાની પડશે મજા!

Sarson Ka Saag Recipe In Gujarati | સરસોં કા સાગ (Sarson ka saag) ઉત્તર ભારતમાં શિયાળાનો મુખ્ય ખોરાક છે. ભરપૂર મસાલા ઉમેરીને લીલા શાકભાજી રાંધવામાં આવે છે અને પછી તેને મકાઈના રોટલા અને માખણ સાથે પીરસવામાં આવે છે. સરસવ પાન પોતે જ થોડા કડવા હોવાથી, આ સાગ સામાન્ય રીતે કડવાશને સંતુલિત કરવા માટે અન્ય લીલા શાકભાજી સાથે રાંધવામાં આવે છે. ટ્રેડિશનલ પંજાબી સરસોં કા સાગમાં પાલક, બથુઆ, મેથી વગેરે જેવા લીલા શાકભાજીનો ઉપયોગ સામાન્ય રીતે મિશ્રણમાં થાય છે!

ગરમ ગરમ સરસો કા સાગ અને મકાઈના રોટલા પર માખણ લગાવીને અને ગોળ સાથે પીરસવામાં આવે છે, અહીં જાણો સરસો કા સાગ રેસીપી

સરસો કા સાગ રેસીપી

સામગ્રી:

• 500 ગ્રામ સરસો,
• 250 ગ્રામ બથુઆ
• 250 ગ્રામ પાલક
• 8 લીલા મરચાં
• 1 આદુનો ટુકડો
• 2 ચમચી મીઠું
• 1 કપ પાણી
• 2 ચમચી મકાઈનો લોટ
• 1 ચમચી ગોળ પાવડર

વઘાર માટે

• 2 ચમચી દેશી ઘી
• 10-12 લસણની કળી
• 2 ડુંગળી
• 2 ટામેટાં
• 1 ચમચી મરચાં પાઉડર

સરસો કા સાગ બનાવાની રીત

સૌ પ્રથમ લીલા શાકભાજીને ધોઈને કાપી લો અને પછી તેને પ્રેશર કૂકરમાં થોડું પાણી, આદુ, લીલા મરચાં અને મીઠું નાખીને 8-10 સીટી સુધી ઉમેરો.
પ્રેશર કૂકર ખોલો, ગોળ પાવડર, મકાઈનો લોટ ઉમેરો અને પછી માધાણી અથવા બ્લેન્ડરનો ઉપયોગ કરીને સાગને પ્યુરી કરો.
દેશી ઘી, લસણ, ડુંગળી, મીઠું નાખીને વઘાર તૈયાર કરો. ગોલ્ડન બ્રાઉન થાય ત્યાં સુધી કુક કરો.
ટામેટાં અને લાલ મરચાં પાવડર ઉમેરો. તેલ છૂટું પડે ત્યાં સુધી કુક કરો. સાગને વઘાર સાથે મિક્સ કરો, ધીમા તાપે સાગને 10 મિનિટ સુધી ઉકળવા દો.
સરસોં કા સાગને મકાઈ રોટલો, સલાડ, અથાણું, ગોળ અને સફેદ માખણ સાથે પીરસો!