વર્લ્ડ કેન્સર ડે 2025: કેન્સરના જોખમને ઘટાડવા માટે આ 5 મહત્વપૂર્ણ જીવનશૈલી પરિવર્તનો

World Cancer Day | વર્લ્ડ કેન્સર ડે દર વર્ષે 4 ફેબ્રુઆરી ના રોજ ઉજવવામાં આવે છે. આ વૈશ્વિક અભિયાનનો મુખ્ય હેતુ કેન્સર વિશે જાગૃતતા ફેલાવવાનો તેમજ કેન્સરની અસરને ઘટાડવાનો અને આરોગ્યક્ષેત્રે નવી પહેલ કરવા માટે પ્રેરિત કરવાનો છે. આ દિવસ વિશ્વભરમાં વ્યક્તિગત અને સામૂહિક સ્તરે કેન્સર સામે લડવાની પ્રતિબદ્ધતાને મજબૂત બનાવે છે. અહીં જાણીએ 5 મહત્વપૂર્ણ જીવનશૈલી આરોગ્ય ફેરફારો વિશે.

વિશ્વ કેન્સર દિવસનો ઇતિહાસ

વિશ્વ કેન્સર દિવસ 2000માં પેરિસમાં UICC દ્વારા શરૂ કરવામાં આવ્યો હતો. આ દિવસની શરૂઆત કેન્સર અંગે ગ્લોબલ જાગૃતિ વધારવા અને તેના નિવારણ માટે પગલાં ભરવા માટે થઈ હતી.

વર્લ્ડ કેન્સર ડે 2025 થીમ: United by Unique

આ થીમ વ્યક્તિગત કેન્સર સારવાર અને અનોખા આરોગ્યની જરૂરિયાતોને પ્રાથમિકતા આપવાનો સંદેશ આપે છે.

કેન્સરથી બચવા માટે 5 મહત્વપૂર્ણ જીવનશૈલી પરિવર્તનો

તમાકુ છોડીએ

તમાકુ અને ધુમ્રપાન કેન્સરના મુખ્ય કારણો પૈકી એક છે. તમાકુ છોડી દેવું કેન્સરનું જોખમ ઘટાડવા માટે શ્રેષ્ઠ પગલું છે.

આરોગ્યપ્રદ આહાર

આહારમાં વધુ ફળ-શાકભાજી, સંપૂર્ણ ધાન્ય અને પ્રોટીનવાળા ખોરાકનો સમાવેશ કરો. પ્રોસેસ્ડ ખોરાક, લાલ માંસ અને મીઠા પીણા ઓછા કરો.

નિયમિત આરોગ્ય ચકાસણી

કેન્સરનું વહેલું નિદાન અને સારવાર જીવન બચાવી શકે છે. નિયમિત ચેક-અપ અને સ્ક્રિનિંગ કરાવવું મહત્વપૂર્ણ છે.

રસીકરણ

HPV રસી સર્વાઈકલ કેન્સર જેવા કેન્સર સામે રક્ષણ આપે છે અને હેપેટાઈટિસ B રસી લીવર કેન્સર સામે રક્ષણ આપે છે.

તંદુરસ્ત વજન અને શારીરિક સક્રિયતા

સ્થૂળતા અનેક પ્રકારના કેન્સર સાથે જોડાયેલી છે. નિયમિત કસરત અને તંદુરસ્ત આહાર કેન્સરનું જોખમ ઘટાડવામાં મદદ કરે છે.

વર્લ્ડ કેન્સર ડે માત્ર જાગૃતતા ફેલાવવા માટેનો દિવસ નથી, તે સ્વસ્થ જીવનશૈલી અપનાવવા અને કેન્સર સામે લડવાની પ્રતિબદ્ધતાને મજબૂત બનાવવાનો અવસર છે. આજે જ સ્વાસ્થ્યપ્રદ પગલાં ભરો અને તમારી આરોગ્ય યાત્રાની શરૂઆત કરો!