શું જમ્મુ-કાશ્મીરમાં કલમ 370 પુનઃસ્થાપિત થશે? આજે સુપ્રીમ કોર્ટનો નિર્ણય આવશે

કલમ 370 નાબૂદ કરવાના કેન્દ્ર સરકારના નિર્ણય સામે આજે સુપ્રીમ કોર્ટનો નિર્ણય આવવાનો છે. આજે સુપ્રીમ કોર્ટની બંધારણીય બેંચ કલમ 370 નાબૂદ કરવા વિરુદ્ધ દાખલ કરવામાં આવેલી અરજીઓ પર પોતાનો ચુકાદો આપશે. 2019માં તેની સામે કુલ 18 અરજીઓ દાખલ કરવામાં આવી હતી, જેની સુનાવણી 16 દિવસ સુધી ચાલી હતી. જે બાદ 5 સપ્ટેમ્બરે સુપ્રીમ કોર્ટે પોતાનો નિર્ણય સુરક્ષિત રાખ્યો હતો.

સુપ્રીમ કોર્ટની બંધારણીય બેંચ સોમવારે કલમ 370 નાબૂદ કરવા અને જમ્મુ અને કાશ્મીર રાજ્યના બે કેન્દ્રશાસિત પ્રદેશોમાં વિભાજનને પડકારતી અરજીઓ પર પોતાનો ચુકાદો સંભળાવશે. ભારતના ચીફ જસ્ટિસ ડીવાય ચંદ્રચુડ, જસ્ટિસ સંજય કિશન કૌલ, સંજીવ ખન્ના, બીઆર ગવઈ અને સૂર્યકાંત સહિત પાંચ જજોની બંધારણીય બેંચ આજે ચુકાદો સંભળાવશે.

કેન્દ્રએ કલમ 370 નાબૂદ કરવાના નિર્ણયનો બચાવ કર્યો

કેન્દ્ર સરકારે અનુચ્છેદ 370 નાબૂદ કરવાના તેના નિર્ણયનો બચાવ કરતા કહ્યું હતું કે જમ્મુ અને કાશ્મીરના અગાઉના રાજ્યને વિશેષ દરજ્જો આપતી જોગવાઈને રદ કરવામાં કોઈ બંધારણીય છેતરપિંડી નથી. કેન્દ્ર તરફથી એટર્ની જનરલ આર વેંકટરામણી અને સોલિસિટર જનરલ તુષાર મહેતા હાજર રહ્યા હતા.

આ પણ વાંચોઃ- Gujarat Weather Updates: ગુજરાતમાં ઠંડી પડવાશું શરું, નલિયામાં 9.2 ડિગ્રી તાપમાન, જાણો ક્યાં કેટલી ઠંડી નોંધાઈ?

કેન્દ્રએ બેંચને જણાવ્યું હતું કે જમ્મુ અને કાશ્મીર એકમાત્ર રાજ્ય નથી જેણે દસ્તાવેજો દ્વારા ભારતમાં પ્રવેશ મેળવ્યો હતો, પરંતુ અન્ય ઘણા રજવાડાઓએ પણ 1947 માં સ્વતંત્રતા પછી શરતો સાથે ભારતની સાર્વભૌમત્વમાં પ્રવેશ કર્યો હતો.