scorecardresearch

Assembly Elections 2022: અનુરાગ ઠાકુરનો દાવો, હિમાચલ પ્રદેશમાં વટાવીશું 44નો આંકડો, ગુજરાતમાં તોડીશું 30 વર્ષનો રેકોર્ડ

Assembly Elections 2022 : ધ ઇન્ડિયન એક્સપ્રેસને આપેલા ખાસ ઇન્ટરવ્યૂમાં હિમાચલ પ્રદેશ અને ગુજરાત વિધાનસભા ચૂંટણી વિશે વાત કરી

Assembly Elections 2022: અનુરાગ ઠાકુરનો દાવો, હિમાચલ પ્રદેશમાં વટાવીશું 44નો આંકડો, ગુજરાતમાં તોડીશું 30 વર્ષનો રેકોર્ડ
કેન્દ્રીય સૂચના અને પ્રસારણ મંત્રી અનુરાગ ઠાકુર (Express file photo by Abhinav Saha)

Assembly Elections 2022: કેન્દ્રીય સૂચના અને પ્રસારણ મંત્રી અનુરાગ ઠાકુરનો પોતાના ગૃહ રાજ્ય હિમાચલ પ્રદેશમાં વ્યસ્ત ચૂંટણી કાર્યક્રમ છે. તે એક દિવસમાં નાની-મોટી 15-16 રેલીઓને સંબોધિત કરી રહ્યા છે. સવારે વહેલી શરૂ થઇ જાય છે અને મોડી રાત સુધી ચાલશે. તેમણે ધ ઇન્ડિયન એક્સપ્રેસને જણાવ્યું કે પાર્ટી હિમાચલ પ્રદેશમાં પોતાનો આંકડો વધારશે અને ગુજરાતમાં રેકોર્ડ તોડશે.

સવાલ – શું તમને દિલ્હીનું મોસમ વધારે પસંદ છે કે શિમલાનું મોસમ?
જવાબ – મોસમ દરેક સ્થળે સારું છે, વ્યક્તિ પર નિર્ભર કરે છે.

સવાલ – દિલ્હીના મુખ્યમંત્રી મનિષ સિસોદિયાએ થોડાક મહિના પહેલા તમને હિમાચલ પ્રદેશથી ભાજપાના મુખ્યમંત્રી પદના ઉમેદવારના રુપમાં જાહેર કર્યા હતા?
જવાબ – જયરામ ઠાકુર સરકારે હિમાચલ પ્રદેશમાં અદભૂત કામ કર્યું છે. ભાજપા જયરામજીના નેતૃત્વમાં ચૂંટણી લડી રહી છે અને તેમાં કોઇ અગર-મગર નથી.

સવાલ – હિમાચલમાં આમ આદમી પાર્ટી વિશે તમે શું વિચારો છો?
જવાબ – તેમણે ઘણા સમય પહેલા પોતાની દુકાન બંધ કરી દીધી હતી.

સવાલ – અને કોંગ્રેસ?
જવાબ – ભાજપા અને કોંગ્રેસમાં સીધી લડાઇ છે પણ તે પોતાનું ખાતું પણ ખોલાવી શકશે નહીં.

સવાલ – તમારા સંકલ્પ પત્રમાં મુખ્ય વાત શું છે?
જવાબ – મહિલાઓ માટે અલગ સંકલ્પ પત્ર છે. તેમાં સરકારી નોકરીઓમાં મહિલાઓ માટે 33 ટકા અનામત, ગર્ભવતી મહિલાઓ માટે 25000 રૂપિયા, ધોરણ 6 થી 12 સુધીની યુવતીઓ માટે સાઇકલ અને કોલેજ જનારી યુવતી માટે સ્કૂટીનો વાયદો કર્યો છે. આ સિવાય ગરીબ મહિલાઓ માટે ત્રણ મફત એલપીજી સિલેન્ડર.

સવાલ – શું તમને નથી લાગતું કે સાઇકલ અને સ્કૂટી મફતની શ્રેણીમાં આવે છે?
જવાબ – ના, તે (ઉપકરણ) સશક્તિકરણ છે. અમે બધી યુવતીઓને સ્કૂલ જવા માટે પ્રોત્સાહિત કરવા માંગીએ છીએ. આ તેમની મદદ કરનારું છે, તેમને મજબૂત કરનારું છે.

આ પણ વાંચો – ગુજરાત વિધાનસભા ચૂંટણીઃ આ બેઠકો પરથી મળ્યા ‘ગુજરાતના નાથ’, સૌરાષ્ટ્ર, અમદાવાદનો દબદબો

સવાલ – શું બીજેપી સત્તામાં પાછી આવી રહી છે?
જવાબ -હા, બિલકુલ. તેમાં કોઇ શંકા જ નથી. ડબલ એન્જીનવાળી સરકારે બધા ક્ષેત્રોમાં સારું પ્રદર્શન કર્યું છે. પછી તે સડક હોય, રેલ હોય, સ્વાસ્થ્ય હોય, શિક્ષા હોય કે પાણી હોય. આ સિવાય સમાજ કલ્યાણની યોજનાઓ ઘણી હિટ છે.

સવાલ – હિમાચલમાં તમે કેટવી સીટો જીતવાની આશા રાખો છો?
જવાબ -અમે ગત વખત કરતા વધારે જીતીશું. અમે 44નો આંકડો પાર કરીશું.

સવાલ – ગુજરાત વિશે શું?
જવાબ – ગુજરાતમાં અમે છેલ્લા 30 વર્ષના બધા રેકોર્ડ તોડી દઇશું. આ ભાજપાની ઐતિહાસિક જીત હશે. પીએમ મોદીના વિકાસ કાર્ય અને ડબલ એન્જીન સરકારે ત્યાં જે આપ્યું છે તેની બધાએ પ્રશંસા કરી છે.

સવાલ – તમારા ઘરમાં તમારા પિતાના રુપમાં બે વખતના મુખ્યમંત્રી અને તમારા કાર્યાલયમાં બે વખતના પ્રધાનમંત્રી (નરેન્દ્ર મોદી) છે. કોણ વધારે કડક છે?
જવાબ – બન્નેમાંથી કોઇ કડક નથી પણ સમર્પિત છે. તે પોતાના દેશ પ્રત્યે સમર્પિત છે. તે પોતાના કામ પ્રત્યે સમર્પિત છે. તેમના દ્રઢ સંકલ્પ અને સમર્પણે તેમને જીવનમાં સફળ બનાવ્યા છે.

(સ્ટોરી – Rajesh Chander Sharma)

Web Title: Assembly elections 2022 anurag thakur interview

Best of Express