Ayodhya Ram Mandir : અયોધ્યા રામ મંદિરમાં બિરાજમાન થયા રામ લલ્લા, દિવ્ય – ભવ્ય મૂર્તિના કરો દર્શન

અયોધ્યા રામ મંદિર પ્રાણ પ્રતિષ્ઠા બાદ સભાને સંબોધિત કરતા વડાપ્રધાન નરેન્દ્ર મોદીએ કહ્યું કે, આપણા રામ આવી ગયા છે. હવે આપણા રામ લલ્લા તંબુમાં નહીં રહે. આપણા રામ લલ્લા દિવ્ય મંદિરમાં રહેશે.

અયોધ્યા રામ મંદિર પ્રાણ પ્રતિષ્ઠા બાદ વડાપ્રધાન નરેન્દ્ર મોદીએ સભાને સંબોધિત કરી હતી. વડાપ્રધાન નરેન્દ્ર મોદીએ તેમના પ્રવચનની શરૂઆત સિયાવર રામચંદ્ર કી જયના ઘોષ સાથે કરી હતી. તેમણે કહ્યું કે, હમારે પ્રભુ રામ આ ગયે હૈ.

અયોધ્યા રામ મંદિર પ્રાણ પ્રતિષ્ઠા બાદ આરએસએસ વડા મોહન ભાગવતે સભાને સંબોધિત કરી હતી. તેમણે કહ્યું કે, સમગ્ર દેશમાં ઉત્સાહ છે. રામ લલ્લાનીસાથે ભારતનો આત્મ સમ્માન પરત મળ્યો છે. હવે રામ રાજ્ય આવશે.

અયોધ્યા રામ મંદિર પ્રાણ પ્રતિષ્ઠા બાદ યુપીના મુખ્યમંત્રી યોગી આદિત્યનાથે જણાવ્યું કે, રામ મંદિર ત્યાં જ નિર્મિત થયું છે જ્યા બનાવવાનો સંકલ્પ લેવાયો હતો.

અયોધ્યા રામ મંદિર પ્રાણ પ્રતિષ્ઠા બાદ મહેમાનોને સંબોધવામાં આવ્યા હતા. કાર્યક્રમને સોબંધિત કરતા અયોધ્યાના ગોવિંદ દેવજી મહારાજે કહ્યું કે, તે માત્ર મૂર્તિની પ્રાણ પ્રતિષ્ઠા નથી, દેશની અસ્મિતા, સ્વાભિમાન અને આત્મવિશ્વાસની પ્રતિષ્ઠા થઇ છે.

અયોધ્યા રામ મંદિરમાં રામ લલ્લાને વડાપ્રધાન નરેન્દ્ર મોદીએ દંડવત પ્રણામ કર્યા હતા.

અયોધ્યા રામ મંદિરમાં રામ લલ્લાની પ્રાણ પ્રતિષ્ઠા થઇ ગઇ છે. વડાપ્રધાન નરેન્દ્ર મોદીએ રામ લલ્લાની આરતી કરી હતી. તેમની સાથે આરએસએસના વડા મોહન ભાગવતે પણ પ્રભુ રામની આરતી કરી હતી.

અયોધ્યા રામ મંદિરમાં રામ લલ્લાની પ્રાણ પ્રતિષ્ઠા થઇ ગઇ છે. વડાપ્રધાન નરેન્દ્ર મોદીએ રામ લલ્લાની ચરણ પૂજા કરી હતી.

અયોધ્યા રામ મંદિરમાં રામ લલ્લાની પ્રાણ પ્રતિષ્ઠા થઇ ગઇ છે. શ્યામ વર્ણમાં નિર્મિત રામ લલ્લાની સુવર્ણ વેશાભૂષામાં દિવ્ય અલૌકીક મૂર્તિ જોઇને દેશવાસીઓ ગદગદ થયા.

અયોધ્યા રામ મંદિરમાં રામ લલ્લાની પ્રાણ પ્રતિષ્ઠા થઇ ગઇ છે. રામ લલ્લાની સુવર્ણ વેશાભૂષ ધારણ કરેલી અદભૂક અલૌકીક મૂર્તિના દર્શન કરો.

અયોધ્યા રામ મંદિરમાં રામ લલ્લાની પ્રાણ પ્રતિષ્ઠા વિધિ શરૂ થઇ ગઇ છે. રામ મંદિરના ગર્ભગૃહમાં વડાપ્રધાન નરેન્દ્ર મોદી દ્વારા રામ લલ્લાની પ્રાણ પ્રતિષ્ઠાની વિધિ કરવામાં આવી રહી છે. આ દરમિયાન પીએમ મોદી સહિત ચાર વ્યક્તિઓ જ ગર્ભગૃહમાં હાજર છે. જેમાં આરએસએસના વડા મોહન ભાગવત, યુપીના રાજ્યપાલ આનંદીબેન પટેલ, સીએમ યોગી આદિત્યનાથ અને રામ મંદિર ટ્રસ્ટના મુખ્ય પૂજારી છે.

અયોધ્યા રામ મંદિરમાં રામ લલ્લાની પ્રાણ પ્રતિષ્ઠા વિધિ શરૂ થઇ ગઇ છે. રામ મંદિરના ગર્ભગૃહમાં વડાપ્રધાન નરેન્દ્ર મોદી દ્વારા રામ લલ્લાની પ્રાણ પ્રતિષ્ઠાની વિધિ કરવામાં આવી રહી છે. આ દરમિયાન તેમની સાથે આરએસએસના વડા મોહન ભાગવત છે.

વડાપ્રધાન નરેન્દ્ર મોદીએ અયોધ્યા રામ મંદિર પ્રાણ પ્રતિષ્ઠા માટે હાથમાં ચાંદીનું છત્ર લઇને મંદિરમાં પ્રવેશ કર્યો હતો. શંખની મંગળ ધ્વનીનાદના ભક્તિમય માહોલમાં પીએમ મોદીએ મુરલી દ્વારથી રામ મંદિરમાં પ્રવેશ કર્યો હતો.

અયોધ્યા રામ મંદિર પ્રાણ પ્રતિષ્ઠા બાદ આજે સાંજે સરયુ ઘાટ પર દીપોત્સવ ઉજવાશે. દેશભરમાં દિવાળીની ઉજવણી કરવામાં આવશે.

રાજસ્થાનના પાલી જિલ્લાના એક કલાકાર શ્રવણ કુમારે પીપળના પાન પર અયોધ્યાના રામ મંદિરની છબી કંડારી છે. તેમજ રામાયણ સિરિયલમાં રામ, સીતા અને લક્ષ્મણની ભૂમિકા ભજવનાર કલાકારોની આબેહૂબ છબી કોતરી છે.

ઉદ્યોગપતિ અને રિલાયન્સ ઇન્ડસ્ટ્રીઝના ચેરમેન મુકેશ અંબાણી અને નીતા અંબાણી રામ મંદિર પ્રાણ પ્રતિષ્ઠામાં સામેલ થવા અયોધ્યા પહોંચી ગયા છે.

રામ મંદિર પ્રાણ પ્રતિષ્ઠાને લઇ સમગ્ર અયોધ્યા સ્વર્ગ સમાન સજાવવામાં આવી છે. ધર્મ નગરી અયોધ્યાનું આકાશમાં નયનરમ્ય દ્રશ્ય

ભારત ભરમાં અયોધ્યા રામ મંદિર પ્રાણ પ્રતિષ્ઠા કાર્યક્રમને લઈ ઉત્સાહ જોવા મળી રહ્યો છે. ઠેર ઠેર આ પ્રસંગનું લાઈવ પ્રસારણ બતાવવામાં આવી રહ્યું છે. તો જોઈએ તમે પણ કેવી રીતે આ પ્રસંગના લાઈવ સાક્ષી બની શકો છો.

અયોધ્યા રામ મંદિર પ્રાણ પ્રતિષ્ઠાનું લાઇવ પ્રસારણ જોવા અહીં ક્લિક કરો: –

રામ મંદિર પ્રાણ પ્રતિષ્ઠાનું લાઈવ ટેલિકાસ્ટ

સુપ્રીમ કોર્ટે સોમવાર તમિલનાડુ સરકારને નોટિસ ઇશ્યૂ કરીને કહ્યું કે, રામ મંદિર ઉદઘાટનનું લાઇવ ટેલિકાસ્ટને રોકી શકાય નહીં. સર્વોચ્ચ અદાલતમાં એક અરજી દાખલ કરાઇ હતી. જેમાં આક્ષેપ કરાયો હતો કે, દ્રુમુકના નેતૃત્વવાળી સરકારે કથિત રીતે તમિલનાડુમાં પ્રાણ પ્રતિષ્ઠાના લાઇવ ટેલિકાસ્ટ પર પ્રતિબંધ મૂક્યો છે.

અયોધ્યા રામ મંદિર પ્રાણ પ્રતિષ્ઠાને લઇ સમગ્ર અમદાવાદમાં વિવિધ ધાર્મિક કાર્યક્રમોનું આયોજન કરવામાં આવ્યું છે. અમદાવાદના વસ્ત્રાલ વિસ્તારમાં ભવ્ય કળશ સાથે શોભા યાત્રાનું આયોજન કરવામાં આવ્યું હતુ. તો અમદાવાદના અમરાઇવાડી વિસ્તારમાં બાળકી દ્વારા સ્ટેજ ઉપર તલવાર બાજીની રજૂઆત કરવામાં આવી હતી. (Photo – Express photo by Nirmal Harindran)

ઉત્તર પ્રદેશના મુખ્ય મંત્રી યોગી આદિત્યનાથ રામ મંદિર પ્રાણ પ્રતિષ્ઠા માટે અયોધ્યા પહોંચ્યા છે. સીએમ યોગીએ જણાવ્યું કે, વડાપ્રધાન નરેન્દ્ર મોદીની ગરિમામયી ઉપસ્થિતિમાં રામ લલ્લાના નૂતન વિગ્રહના પ્રાણ પ્રતિષ્ઠાનું અનુષ્ઠાન સંપન્ન થઇ રહ્યું છે અને સમગ્ર દેશ આસ્થા અને ભક્તિના સાગરમા ડુબી રામ મય થઇ ગયુ છે.

અયોધ્યા રામ મંદિર પ્રાણ પ્રતિષ્ઠામાં ભાગ લેવા ફિલ્મ કલાકારો પહોંચી રહ્યા છે. બોલીવુડ અભિનેતા જેકી શ્રોફે કહ્યું કે, ભગવાન રામે બોલાવ્યા, તે અમારું સૌભાગ્ય છે.

અયોધ્યા રામ મંદિર પ્રાણ પ્રતિષ્ઠામાં ઉદ્યોગપતિઓ અને ફિલ્મ કલાકારો પહોંચી રહ્યા છે. ઉદ્યોગપતિ અનિલ અંબાણી અને ફિલ્મ એક્ટર અમિતાભ બચ્ચન અને અભિષેક બચ્ચન અયોધ્યા રામ મંદિર પહોંચ્યા છે.

રામ મંદિર ટ્રસ્ટ તરફથી પ્રાણ પ્રતિષ્ઠા કાર્યક્રમમાં આવનાર મહેમાનો આપવા માટે 15 હજાર પ્રસાદના પેકેટ તૈયાર કરવામાં આવ્યા છે. અયોધ્યા રામ મંદિર પ્રાણ પ્રતિષ્ઠા કાર્યક્રમમાં આવનાર મહેમાનો માટે ખાસ પ્રસાદના પેકેટ તૈયાર કરવામાં આવ્યા છે. રામ મંદિર ટ્રસ્ટ દ્વારા 15 હજાર પ્રસાદના પેકેટ તૈયાર કરવામાં આવ્યા છે. રામ મંદિરના પ્રસાદ પેકેટમાં માવાના લડ્ડુ, ગોળની રેવડી, રામદાણાની ચિક્કી, અક્ષત, નાડાછડી, અક્ષત અને નાડાછડીનું ખાસ રીતે પેકેજિંગ કરવામાં આવ્યુ છે. આ પ્રસાદના પેકેટમાં ખાસ રીતે ભગવાન વિષ્ણુનું પ્રિય તુલસી પાન પણ હશે. પ્રસાદના પેકેટ પર પણ રામ મંદિર પ્રાણ પ્રતિષ્ઠા કાર્યક્રમની ભવ્યતાની ઝલક જોવા મળી રહી છે.

લાલ કૃષ્ણ અડવાણી બાદ હવે દેશના ગૃહ મંત્રી અમિત શાહ પણ અયોધ્યા રામ મંદિર પ્રાણ પ્રતિષ્ઠા કાર્યક્રમમાં ભાગ લેશે નહીં. અમિત શાહ તેમના પરિવાર સાથે બિરલા મંદિરમાં હાજર રહેશે અને લગભગ 3 કલાક સુધી મંદિર કાર્યક્રમનું લાઇવ સ્ટ્રીમિંગ જોશે.

અયોધ્યા રામ મંદિર પ્રાણ પ્રતિષ્ઠા કાર્યક્રમમાં ભાગ લેવા ઉત્તર પ્રદેશના મુખ્યમંત્રી યોદી આદિત્યનાથ રામ જન્મભૂમિ મંદિરે પહોંચ્યા છે.

અયોધ્યા રામ મંદિર પ્રાણ પ્રતિષ્ઠાની દેશભરમાં ઉજવણી ચાલી રહી છે. આ ઐતિહાસિક સમયે દેશભરના મંદિરમાં વિવિધ પૂજા-અર્ચના કરવામાં આવી રહી છે. તેમાંય રામ મંદિર અને હનુમાન મંદિરોમાં ખાસ સુશોભન કરવામાં આવ્યું છે. સવારથી જ મોટી સંખ્યામાં લોકો રામ મંદિર – હનુમાન મંદિરમાં દર્શન કરવા પહોંચી રહ્યા છે. દિલ્હીના કનોટ પ્લેસ સ્થિતિ પ્રાચીન હનુમાન મંદિરમાં પૂજા – અર્ચના કરવામાં આવી હતી.

અયોધ્યા રામ મંદિર પ્રાણ પ્રતિષ્ઠામાં ભાગ લેવા દેશ – વિદેશથી મહેમાનોનું આગમન શરૂ થઇ ગયુ છે. રામ મંદિર ક્રાયક્રમમાં ભાગ લેવા સંયુક્ત રાષ્ટ્ર મહાસભાના અધ્યક્ષ ડેનિસ ફ્રાંસિસ દિલ્હી આવી પહોંચ્યા છે.

અયોધ્યામાં રામ મંદિર પ્રાણ પ્રતિષ્ઠા કાર્યક્રમ શરૂ થઇ ગયો છે. દેશ વિદેશથી મહેમાનો આવી રહ્યા છે. જોકે ભાજપના દિગ્ગજ નેતા લાલ કૃષ્ણ અડવાણી રામ મંદિર પ્રાણ પ્રતિષ્ઠા કાર્યક્રમમાં નહીં આવે. 96 વર્ષીય લાલ કૃષ્ણ અડવાણી નાદુરસ્ત તબિયત અને ભયંકર ઠંડીને કારણે રામ મંદિર પ્રાણ પ્રતિષ્ઠામાં હાજર ન રહેવાનો નિર્ણય લીધો છે.

રામ મંદિર પ્રાણ પ્રતિષ્ઠા કાર્યક્રમને લઇ સમગ્ર અયોધ્યા શહેરમાં કડક સુરક્ષા વ્યવસ્થા છે. અયોધ્યાના મહર્ષિ વાલ્મિકી એરપોર્ટ પર મહેમાનોનું આગમન શરૂ થઇ ગયુ છે. અયોધ્યા એરપોર્ટ પર કડક સુરક્ષા વ્યવસ્થા છે. મોટી સંખ્યામાં પોલીસ અને સૈન્ય ટુકડી તૈનાત કરવામાં આવી છે.

અયોધ્યા રામ મંદિર પ્રાણ પ્રતિષ્ઠા અંતર્ગત 15 જાન્યુઆરીથી દરરોજ વિવિધ પૂજા, અનુષ્ઠાન અને હવન-યજ્ઞનું આયોજન કરવામાં આવી રહ્યું છે. આજે રામ લલ્લા બિરાજમાન થવાની સાથે રામ મંદિરની પ્રાણ પ્રતિષ્ઠા વિધિ સંપન્ન થશે.

લગભગ 500 વર્ષ બાદ રામ લલ્લા મંદિરમાં બિરાજમાન થશે. આ ઐતિહાસિકને વધાવવા માટે અયોધ્યા રામ મંદિરને સ્વર્ગની જેમ સજાવવામાં આવ્યું છે. જુઓ વીડિયો

અયોધ્યા રામ મંદિર પ્રાણ પ્રતિષ્ઠામાં દેશ – વિદેશમાંથી 7000થી વધુ મહેમાનો અયોધ્યા આવી રહ્યા છે. જેમાં નેતાઓ, ઉદ્યોગપતિઓ ફિલ્મ એક્ટર, ક્રિકેટરો સહિત જાણીતા અને પ્રખ્યાત વ્યક્તિઓ આવશે. રામ મંદિર કાર્યક્રમમાં મુકેશ અંબાણી, ગૌતમ અદાણી, અમિતાભ બચ્ચન, સચિન તેંદુલકર સહિત ઘણા મહાનુભાવો ઉપસ્થિત થશે.

અયોધ્યા રામ મંદિર પ્રાણ પ્રતિષ્ઠાની સાથે નેપાળના જનકપુરમાં પણ અનેરો ઉત્સાહનો માહોલ છે. નેપાળના જાનકી મંદિરને પણ સુંદર રીતે સુશોભિત કરવામાં આવ્યું છે. તમને જણાવી દઇયે નેપાળનું જનકપુર એ સીતા માતાનું જન્મસ્થળ માનવામાં આવે છે.

અયોધ્યા રામ મંદિર પ્રાણ પ્રતિષ્ઠાને લઇ દેશભરના મંદિરોને સજાવવામાં આવ્યા છે. મંદિરમાં પૂજા- અર્ચનાનું આયોજન કરવામાં આ્યું છે. આ દરમિયાન મધ્યપ્રદેશ સ્થિત ઓરછાના શ્રી રામ રાજા મંદિરમાં 5100 દીપક પ્રગટાવવામાં આવ્યા હતા. નોંધનિય છે કે, ઓરછાનું શ્રી રામ રાજા મંદિર બહુ પ્રખ્યાત મંદિર છે. અહીં પ્રભુ રામને ઓરછા નરશે પણ કહેવામાં આવ્યા છે.

આજે અયોધ્યા રામ મંદિર પ્રાણ પ્રતિષ્ઠાને લઇ મંદિરમાં સુંદર સુશોભન કરવામાં આવ્યું છે. રામ મંદિર સહિત સમગ્ર અયોધ્યા નગરીને સ્વર્ગની જેમ શણગારવામાં આવી છે.

આજે અયોધ્યા રામ મંદિરમાં રામ લલ્લા બિરાજમાન થશે. રામ મંદિર પ્રાણ પ્રતિષ્ઠાને લઇ દેશ સહિત વિદેશમાં પણ ઉત્સવનો માહોલ છે. રામ મંદિર પ્રાણ પ્રતિષ્ઠાના ભવ્ય કાર્યક્રમને લઇ અમેરિકાના ટાઇમ્સ સ્કેર પર ઓવરસીઝ ફ્રેન્ડ્સ ઓફ રામ મંદિરના સભ્યો દ્વારા લડ્ડુ વહેંચવામાં આવ્યા હતા.

અયોધ્યા રામ મંદિર પ્રાણ પ્રતિષ્ઠામાં દેશ – વિદેશથી 7000થી વધુ મહેમાનો આવશે. જેમાં નેતાઓ, ઉદ્યોગપતિઓ ફિલ્મ એક્ટર, ક્રિકેટરો સહિત જાણીતા અને પ્રખ્યાત વ્યક્તિઓ આવશે. રામ મંદિર કાર્યક્રમમાં મુકેશ અંબાણી, ગૌતમ અદાણી, અમિતાભ બચ્ચન, સચિન તેંદુલકર સહિત ઘણા મહાનુભાવો ઉપસ્થિત થશે.

અયોધ્યા રામ મંદિરની પ્રાણ પ્રતિષ્ઠા વિશેષ શુભ મુહૂર્તમાં થઇ રહી છે. રામલલ્લાની મૂર્તિના પ્રાણ પ્રતિષ્ઠા માટે 22 જાન્યુઆરી, 2024 પોષ માસની બારસ તિથિના અભિજીત મુહૂર્ત, ઇન્દ્ર યોગ, મૃગશિરા નક્ષત્ર, મેષ લગ્ન અને વૃશ્ચિક નવાંશની પસંદગી કરવામાં આવી છે, જે 22 જાન્યુઆરીના રોજ બપોરે 12:29 વાગે 08 સેકન્ડથી 12.30 વાગે 32 સેકન્ડ સુધી રહેશે. એટલે કે રામ મંદિરની પ્રાણ પ્રતિષ્ઠા માટે માત્ર 84 સેકન્ડનો શુભ મુહૂર્ત છે.