BBC Documentry Row: DU સાથે આંબેડકર યુનિવર્સિટીમાં પણ હંગામો, વિદ્યાર્થીઓની અટકાયત બાદ કલમ 144 લાગુ

BBC Documentry Row: વડાપ્રધાન નરેન્દ્ર મોદી (PM MODI) પર બનેલી BBC ડોક્યુમેન્ટરીનો વિવાદ વધી રહ્યો છે. જવાહરલાલ નેહરુ યુનિવર્સિટી (JNU), જામિયા મિલિયા ઇસ્લામિયા યુનિવર્સિટી પછી, શુક્રવારે (27 જાન્યુઆરી, 2023) દિલ્હી યુનિવર્સિટી અને હવે આંબેડકર યુનિવર્સિટીમાં હંગામો થયો છે.

પોલીસે બીબીસી ડોક્યુમેન્ટરીને લઈને દિલ્હી યુનિવર્સિટીમાં આર્ટસ ફેકલ્ટીની બહાર વિરોધ કરી રહેલા NSUI વિદ્યાર્થીઓ અને સભ્યોની અટકાયત કરી હતી. NSUI-KSU દ્વારા PM મોદી પર BBCની ડોક્યુમેન્ટરીના સ્ક્રીનિંગ માટેના કોલને ધ્યાનમાં રાખીને ફેકલ્ટીમાં CrPCની કલમ 144 લાગુ કરવામાં આવી છે. એડીસીપી ઉત્તર દિલ્હી રશ્મિ શર્માએ જણાવ્યું હતું કે, જાહેર વ્યવસ્થા અને શાંતિને ખલેલ પહોંચાડતી વસ્તુઓ પર આપણે નિવારક પગલાં લેવા પડશે. આ માત્ર નિવારક પગલાં છે.

બીબીસી ડોક્યુમેન્ટરીના સ્ક્રીનીંગ પહેલા આંબેડકર યુનિવર્સિટીમાં પાવર કટ. જે બાદ વિદ્યાર્થીઓને QR કોડનું વિતરણ કરવામાં આવ્યું છે. જેના દ્વારા તે પોતાના લેપટોપ પર બીબીસી ડોક્યુમેન્ટરી જોઈ રહ્યા છે.

તો, અલીગઢ યુનિવર્સિટીમાં ગણતંત્ર દિવસની ઉજવણીના દિવસે ધાર્મિક નારા લગાવનાર વિદ્યાર્થીની ઓળખ કરવામાં આવી છે. વિદ્યાર્થીને સસ્પેન્ડ કરવામાં આવ્યો છે. AMU પ્રશાસને આ મામલાની તપાસ માટે ત્રણ સભ્યોની સમિતિની રચના કરી હતી.

બુધવારે જામિયા મિલિયા ઈસ્લામિયા યુનિવર્સિટીમાં બીબીસીની એક ડોક્યુમેન્ટરીને લઈને હોબાળો થયો હતો. પોલીસે હંગામો મચાવતા વિરોધ કરી રહેલા કેટલાક વિદ્યાર્થીઓની અટકાયત કરી હતી અને મોટી સંખ્યામાં સુરક્ષા દળો તૈનાત કર્યા હતા. યુનિવર્સિટી વહીવટીતંત્ર દ્વારા ડોક્યુમેન્ટ્રીના સ્ક્રીનિંગ પર પ્રતિબંધના વિરોધમાં વિદ્યાર્થીઓ વિરોધ કરી રહ્યા હતા. નેશનલ સ્ટુડન્ટ યુનિયન ઓફ ઈન્ડિયા (NSUI) દ્વારા જારી કરવામાં આવેલા પોસ્ટરમાં, જામિયા યુનિવર્સિટીમાં સાંજે 6:00 વાગ્યે વિવાદાસ્પદ બીબીસી ડોક્યુમેન્ટરી બતાવવાનું કહેવામાં આવ્યું હતું. માહિતી મળતાની સાથે જ જામિયાની બહાર ભારે પોલીસ બંદોબસ્ત ગોઠવી દેવામાં આવ્યો હતો.

કોંગ્રેસના વરિષ્ઠ નેતા અને કેરળના પૂર્વ મુખ્યમંત્રી એકે એન્ટોનીના પુત્ર અનિલ એન્ટોનીએ બુધવારે કોંગ્રેસ પાર્ટીમાંથી રાજીનામું આપી દીધું છે. અનિલ એન્ટનીએ વડાપ્રધાન નરેન્દ્ર મોદી પરની બીબીસી ડોક્યુમેન્ટ્રીનો વિરોધ કર્યો હતો.

મંગળવારે અનિલ એન્ટનીએ પીએમ મોદી પરની બીબીસી ડોક્યુમેન્ટ્રીનો વિરોધ કર્યો હતો

બીબીસી ડોક્યુમેન્ટરીનો વિરોધ કરતા, અનિલ કે એન્ટોનીએ મંગળવારે કહ્યું કે, ભારતીય સંસ્થાઓ પર બ્રિટિશ બ્રોડકાસ્ટરના મંતવ્યો રજૂ કરવાથી દેશની સાર્વભૌમત્વને નુકસાન થશે. અનિલ એન્ટોનીની ટિપ્પણી એવા સમયે આવી છે જ્યારે કેરળ કોંગ્રેસની વિવિધ પાંખોએ જાહેરાત કરી હતી કે, 2002ના ગુજરાત રમખાણો પરની વિવાદાસ્પદ ડોક્યુમેન્ટ્રીનું સ્ક્રીનીંગ રાજ્યભરમાં યોજાશે.

આ પણ વાંચો - બીબીસી ડોક્યૂમેન્ટ્રી : જેએનયૂ પછી જામિયા મિલિયામાં બબાલ, આરિફ મોહમ્મદે ડોક્યૂમેન્ટ્રીના ટાઇમને લઇને ઉઠાવ્યો સવાલ

બ્રિટનના વડાપ્રધાન ઋષિ સુનકે પણ બીબીસીની ડોક્યુમેન્ટ્રી સામે વાંધો વ્યક્ત કર્યો છે

તમને જણાવી દઈએ કે, BBCની ડોક્યુમેન્ટ્રી 'ઈન્ડિયાઃ ધ મોદી ક્વેશ્ચન'માં ગુજરાત રમખાણોમાં પીએમ નરેન્દ્ર મોદીની ભૂમિકા પર સવાલ ઉઠાવતા પીએમ મોદી અને બીજેપી પર નિશાન સાધવામાં આવ્યું છે. તો, બીબીસી ડોક્યુમેન્ટરી સામે ભારત સરકારે વિરોધ કર્યો તેના થોડા દિવસો પહેલા, બ્રિટિશ વડા પ્રધાન ઋષિ સુનકે બ્રિટિશ સંસદમાં બીબીસી દસ્તાવેજી પર બોલતા કહ્યું હતું કે, 'અલબત્ત, અમે ક્યાંય પણ ઉત્પીડનને પ્રોત્સાહન આપતા નથી, પરંતુ માનનીય સજ્જનને જે રીતે બતાવવામાં આવ્યા છે, તેનાથી હું બિલકુલ સહમત નથી.