Bihar Election 2025 : બિહાર વિધાનસભા ચૂંટણી 2025 જાહેર, 6 અને 11 નવેમ્બરે મતદાન અને 14મીએ પરિણામ

Bihar Assembly Polls 2025 Schedule Announcement: બિહાર વિધાનસભા ચૂંટણી 2025 બે તબક્કામાં 6 અને 11 નવેમ્બરે યોજાશે. મત ગણતરી અને પરિણામ 14 નવેમ્બરે થશે. આજે સાંજે યોજાયેલી પત્રકાર પરિષદમાં સંબોધન કરતાં મુખ્ય ચૂંટણી કમિશ્નર જ્ઞાનેશ કુમારે બિહાર ચૂંટણી અંગે જાહેરાત કરતાં કહ્યું કે, બિહારમાં દરેક મતદાન મથકે વેબ કાસ્ટિંગ કરાશે.

બિહાર ચૂંટણી 2025 Live પ્રેસ પરિષદ

બિહાર વિધાનસભા ચૂંટણી 2025 તારીખ જાહેર થવાને લઇને છેલ્લા કેટલાક દિવસોથી રાહ જોવાઇ રહી હતી. અહીં નોંધનિય છે કે, 2020 બિહાર ચૂંટણીની જાહેરાત 28 સપ્ટેમ્બર 2020ના રોજ કરવામાં આવી હતી. જે પરથી અંદાજો હતો કે આ વર્ષે પણ સપ્ટેમ્બર માસના અંત સુધીમાં ચૂંટણીની જાહેરાત થઇ જશે. પરંતુ કોઇ કારણોસર જાહેરાત મોડી થઇ રહી છે.

Oct 06, 2025 19:06 IST
Bihar Assembly Election 2025 : બિહાર ચૂંટણીમાં આ નવી પહેલ જોવા મળશે, મુખ્ય ચૂંટણી કમિશનરે જણાવ્યું શું-શું થઇ રહ્યા છે ફેરફાર
Bihar Assembly election 2025 Date : ચૂંટણી પંચ દ્વારા બિહાર વિધાનસભા ચૂંટણી 2025ની જાહેરાત કરવામાં આવી છે. 6 નવેમ્બર પ્રથમ તબક્કામાં અને 11 નવેમ્બર બીજા તબક્કામાં મતદાન યોજાશે. 14 નવેમ્બર મત ગણતરી થશે. બિહાર ચૂંટણીમાં ચૂંટણી પંચે કેટલીક નવી પહેલોની જાહેરાત કરી ...વધુ વાંચો



Oct 06, 2025 19:05 IST
નેક્સ્ટ જનરેશન હ્યુન્ડાઇ વેન્યુ આ તારીખે થશે લોન્ચ, જાણો એક્સટીરિયર અને ઇન્ટીરિયરથી લઇને મોટા અપડેટ
Next gen Hyundai Venue launch Date: હ્યુન્ડાઇ મોટર ઈન્ડિયા પોતાની લોકપ્રિય કોમ્પેક્ટ એસયુવી વેન્યુનું નવું જનરેશન મોડલ ભારતમાં 4 નવેમ્બર 2025 ના રોજ ભારતમાં લોન્ચ કરશે. આ મોડલ સંપૂર્ણ રીતે એક્સટીરિયર અને ઇન્ટીરિયર અપડેટ સાથે આવશે ...સંપૂર્ણ વાંચો



Advertisment
Oct 06, 2025 17:11 IST
બિહાર ચૂંટણી 2025 બે તબક્કામાં કેમ યોજાઇ રહી છે?
બિહાર ચૂંટણી 2025 અગાઉની ચૂંટણી ત્રણ કે તેનાથી વધુ તબક્કામાં યોજાઇ છે તો આ વખતે બે તબક્કા કેમ? પુછાયેલા આ સવાલનો જવાબ આપતાં મુખ્ય ચૂંટણી કમિશ્નર જ્ઞાનેશ કુમારે કહ્યું કે, મતદારોની જાગૃતિ, મતદારોની કાર્યક્ષમતા અને સુદ્રઢ વહીવટી તંત્ર આ બધું જોતાં આ વખતે બે તબક્કામાં ચૂંટણી કરવાનું નક્કી કર્યું છે. ચૂંટણી પંચને મતદારો ઉપર અને મતદારોને ચૂંટણી પંચ પર પૂર્ણ ભરોસો છે અને એનાથી જ ચૂંટણી સફળતાથી સંપન્ન થશે.



Oct 06, 2025 17:00 IST
આંગણવાડી સેવિકાઓ ઓળખ કરશે
પરદો કે અન્ય એવા કિસ્સાઓમાં મતદારની ઓળખ કેવી રીતે કરાશે એવા સવાલ પર જવાબ આપતાં મુખ્ય ચૂંટણી કમિશ્નર જ્ઞાનેશ કુમારે જણાવ્યું કે, દરેક મતદાન બુથ પર આંગણવાડી કાર્યકરો ઉપલબ્ધ હશે જે જરુર પડે પરદાનસિન મહિલા મતદારોની ઓળખ કરશે.



Oct 06, 2025 16:56 IST
સોશિયલ મીડિયાના દુરપયોગ સામે કાર્યવાહી
સોશિયલ મીડિયા પર સેલ્ફ રેગ્યુલેશનથી મોટી કોઇ વાત નથી. જો ખોટો પ્રચાર કરાશે તો જિલ્લા અધિકારીઓને આ માટે સત્તા છે તે કાર્યવાહી કરશે. સોશિયલ મીડિયાની સ્વતંત્રતાનો લોકો દુરપયોગ ન કરે.



Oct 06, 2025 16:50 IST
5 વાગ્યા બાદ હવે મોટો તફાવત નહીં રહે
5 વાગ્યા બાદ મતદાન આંકડામાં મોટો તફાવત આવતો હોવા અંગે પુછાયેલા એક સવાલ પર જવાબ આપતાં મુખ્ય ચૂંટણી કમિશ્નર જ્ઞાનેશ કુમારે કહ્યું કે, પહેલા એવું થતું હતું કે, ફોન પર ડેટા લઇને વોટર ટર્ન આઉટમાં ફિલ કરાતો હતો. આમ જનતાની સુવિધાને લઇને આમ કરાતું હતું. 5 વાગ્યા બાદ પ્રીસાઇડિંગ ઓફિસર અન્ય કામગીરીમાં હોવાથી ડેટા આપી શકતા નથી હોતા. કોઇ પ્રિસાઇડિંગ ઓફિસરને પરત આવતાં ક્યારેક મોડું થતું હોય છે. એને લઇને ડેટા છેલ્લે અપડેટ થાય છે. જેથી તફાવત આવતો હતો. પરંતુ હવે નવી વ્યવસ્થા લાગુ કરવામાં આવી છે. જે પ્રિસાઇડિંગ ઓફિસર ઇસીઆરની વેબસાઇટમાં આ આંકડા ભરશે. જેનાથી અંદાજિત આંકડા મળી જશે.



Oct 06, 2025 16:35 IST
બિહાર ચૂંટણી 2025 બે તબક્કામાં થશે
બિહાર ચૂંટણી 2025 બે તબક્કામાં યોજાશે. પ્રથમ તબક્કા માટે 6 નવેમ્બર અને બીજા તબક્કા માટે 11 નવેમ્બરે મતદાન થશે. જ્યારે મત ગણતરી અને પરિણામ 14 નવેમ્બરે જાહેર કરાશે.



Oct 06, 2025 16:33 IST
બિહાર ચૂંટણી 243 જનરલ ઓબ્ઝર્વર
બિહાર ચૂંટણી 2025 માં 243 જનરલ ઓબ્ઝર્વર, 39 પોલીસ ઓબ્ઝર્વર અને 67 એક્સપેન્ડિચર ઓબ્ઝર્વર કામગીરી બજાવશે.



Oct 06, 2025 16:30 IST
ચૂંટણી સંબંધિત હેલ્પ લાઇન 1950
ચૂંટણી દરમિયાન કોઇ પણ સમસ્યા કે ક્ષતિ અંગે ચૂંટણી પંચ હેલ્પ લાઇન નંબર 1950 પર કોલ કરી શકાશે. આ ઉપરાંત દરેક મતદાર પોતાના બીએલઓ સાથે વાત કરી શકશે. એ માટે +91 STD code 1950 નંબર ડાયલ કરવાનો રહેશે.



Oct 06, 2025 16:27 IST
ઉમેદવારનો ફોટો કલરફુલ
મુખ્ય ચૂંટણી કમિશ્નર જ્ઞાનેશ કુમારે કહ્યું કે, બિહાર ચૂંટણી 2025માં એક ખાસ સુધાર કરાયો છે કે, મતદાન સૂચિમાં ઉમેદવારનો ફોટો કલરફુલ લગાવાશે.



Oct 06, 2025 16:22 IST
મતદાન મથકો પર મોબાઇલ કેન્દ્ર ઉભા કરાશે
બિહાર ચૂંટણી કાર્યક્રમ જાહેર કરતાં મુખ્ય ચૂંટણી કમિશ્નર જ્ઞાનેશ કુમારે કહ્યું કે, આજનો સમય જોતાં મતદારોને મોબાઇલ સાથે લઇ જવા અંગે દ્વિધા રહેતી હોય છે જેના ઉકેલ માટે મતદાન મથકોએ મોબાઇલ રાખવા માટે સુવિધા ઉભી કરવામાં આવી છે.



Oct 06, 2025 16:13 IST
દરેક મતદાન મથકે વેબ કાસ્ટિંગ કરાશે
મુખ્ય ચૂંટણી કમિશ્નર જ્ઞાનેશ કુમારે કહ્યું કે, આ વખતે બિહાર ચૂંટણીમાં તમામ મતદાન મથકે વેબ કાસ્ટિંગ કરાશે. રાજ્યમાં 90712 મતદાન બુથ પર મતદાન થશે. દરેક મતદાન મથકે સરેરાશ 818 મતદારો હશે.



Oct 06, 2025 16:11 IST
બિહાર ચૂંટણી આ વખતે ખાસ હશે- મુખ્ય ચૂંટણી કમિશ્નર
મુખ્ય ચૂંટણી કમિશ્નર જ્ઞાનેશ કુમારે કહ્યું કે, બિહારની પાવન ભૂમિ પર પાંચ વર્ષ બાદ ચૂંટણીનો અવસર આવ્યો છે. આ વખતે બિહાર ચૂંટણી ઘણી રીતે ખાસ હશે. એ માત્ર મતદાતાઓ માટે જ નહીં પરંતુ ચૂંટણી પંચ માટે પણ હશે. શાંતિપૂર્ણ માહોલમાં ચૂંટણી સંપન્ન કરવા તમામ પ્રયાસ કરાયા છે.



Oct 06, 2025 16:02 IST
બિહાર ચૂંટણી 2025 પ્રેસ પરિષદ લાઇવ જુઓ
બિહાર ચૂંટણી 2025 તારીખ અને કાર્યક્રમ અંગે મુખ્ય ચૂંટણી કમિશ્નર જ્ઞાનેશ કુમાર, ડો.સુખબીર સિંહ સંધુ, ચૂંટણી કમિશનર અને ડો. વિવેક જોશી, ચૂંટણી કમિશનર પ્રેસ પરિષદ કરી રહ્યા છે.



Oct 06, 2025 15:41 IST
Bihar Election 2025 કાઉન્ટડાઉન શરુ
બિહાર વિધાનસભા ચૂંટણી 2025 તારીખ કાઉન્ટ ડાઉન શરુ થઇ ગયું છે. થોડી વારમાં એટલે કે 4 વાગ્યે ચૂંટણી પંચ દ્વારા આ અંગે એક પત્રકાર પરિષદ કરવામાં આવશે. બિહારની 243 બેઠકો માટે ચૂંટણીની તારીખો અને કાર્યક્રમ જાહેર કરવામાં આવશે.



Oct 06, 2025 14:55 IST
બિહાર ચૂંટણી 2025 તારીખ લાઇવ: રંજીત રંજને શું કહ્યું?
કોંગ્રેસ સાંસદ રંજીત રંજને ચૂંટણી પંચની પ્રેસ કોન્ફરન્સ સંદર્ભે કહ્યું કે, ચૂંટણીની જાહેરાત અગાઉ થવી જોઇતી હતી જે આજે થવા જઇ રહી છે. અમે તૈયાર છીએ. બિહાર તૈયાર છે અને નિશ્વિત રુપથી ચૂંટણી એક તબક્કામાં થાય કે બે તબક્કામાં અમને વિશ્વાસ છે કે આ વખતે બિહાર મુદ્દાઓ પર મતદાન થશે.



Oct 06, 2025 14:49 IST
Bihar Election 2025 Date Live: કેન્દ્રિય મંત્રી રામનાથ ઠાકુરે શું કહ્યું?
બિહાર ચૂંટણી 2025 સંદર્ભે કેન્દ્રિય મંત્રી રામનાથ ઠાકુરે કહ્યું કે, બિહારની જનતા આ શુભ અવસરની રાહ જોઇ રહી છે. ચૂંટણી પંચ દ્વારા આજે સાંજે ચૂંટણી તારીખોની જાહેરાત કરવામાં આવશે. બિહારની જનતા છેલ્લા 20 વર્ષોથી નીતિશ કુમારના નેતૃત્વમાં કરાયેલા વિકાસ કાર્યો જોઇ રહી છે. જે જોતાં જનતા ફરી એકવાર નીતિશ કુમારને તક આપશે.



Oct 06, 2025 14:25 IST
Bihar Election 2025 : ચૂંટણી પંચ સાંજે કરશે જાહેરાત
eci to hold a Press Conference at 4 pm today to announce the schedule for the Legislative Assembly Elections in bihar

In image: Media Invitation pic.twitter.com/iUcVymittF
— Election Commission of India (@ECISVEEP) October 6, 2025



Oct 06, 2025 14:22 IST
Bihar Election 2025 કેટલા તબક્કામાં મતદાન?
બિહાર વિધાનસભા ચૂંટણી 2020 ત્રણ તબક્કામાં યોજાઇ હતી. જોકે બિહાર ચૂંટણી 2025 ને લઇને રાજકીય પક્ષોમાં વિવિધ મત છે. ભાજપના સુત્રોનું માનવું છે કે, ચૂંટણી 2 તબક્કામાં યોજાવી જોઇએ તો જેડીયૂ સુત્રોનું કહેવું છે કે ચૂંટણી એક તબક્કામાં જ સંપન્ન થવી જોઇએ તો બીજી તરફ મહાગઠબંધનના સુત્રો આ ચૂંટણી 2 તબક્કામાં ઇચ્છી રહ્યા છે.



Oct 06, 2025 14:18 IST
બિહાર ચૂંટણી 2020 પરિણામ: કોને કેટલી બેઠક મળી?
ગત બિહાર વિધાનસભા ચૂંટણી 2020 પરિણામ 10 નવેમ્બરે જાહેર થયા હતા. 243 બેઠકો માટે યોજાયેલ ચૂંટણીમાં રાષ્ટ્રીય લોકશાહી ગઠબંધન (NDA) ને 125 બેઠકો મળી હતી. જ્યારે કોંગ્રેસ સહિત પક્ષોના મહાગઠબંધનને 110 બેઠકો મળી હતી.



Oct 06, 2025 13:23 IST
બિહાર ચૂંટણી તારીખ અને તબક્કા
બિહાર ચૂંટણી 2025 તારીખ આજે સાંજે જાહેર થશે. અહીં આપણે એ જાણીએ કે ગત ચૂંટણી ક્યારે અને કેટલા તબક્કામાં યોજાઇ હતી. 2020 બિહાર ચૂંટણી ત્રણ તબક્કામાં યોજાઇ હતી. પ્રથમ તબક્કામાં 71 બેઠકો માટે 28 ઓક્ટોબરે મતદાન થયું હતું. 3 નવેમ્બરે બીજા તબક્કામાં 94 બેઠકો માટે અને 7 નવેમ્બરે ત્રીજા તબક્કામાં 78 બેઠકો માટે મતદાન થયું હતું. 10 નવેમ્બરના રોજ મતગણતરી અને પરિણામ જાહેર કરાયા હતા.



Oct 06, 2025 12:29 IST
બિહાર વિધાનસભા ચૂંટણી 2025: 243 બેઠકો માટે જંગ
અઢારમી બિહાર વિધાનસભા ચૂંટણી 2025 માટે આજે સાંજે તારીખો જાહેર થશે. બિહાર ચૂંટણી 2025 243 બેઠકો માટે જંગ ખેલાશે. હાલમાં ભાજપના સહયોગથી જેડીયૂ નીતિશ કુમારની સરકાર છે.