Bihar Election 2025: બિહાર ચૂંટણીમાં ઓવૈસી બનાવશે ત્રીજો મોરચો! AIMIM 32 બેઠકો પર ઉમેદવાર ઉભા રાખશે

AIMIM Candidates In Bihar Assembly Election 2025 : બિહાર વિધાનસભા ચૂંટણીમાં આ વખતે ત્રીજો મોરચો પણ ચૂંટણી મેદાનમાં ઉતરશે. અસદુદ્દીન ઓવૈસીની પાર્ટી AIMIM હવે બિહાર વિધાનસભા ચૂંટણીમાં ત્રીજા મોરચાની તૈયારી કરી રહી છે. એઆઈએમઆઈએમનો આરોપ છે કે મહાગઠબંધને તેમને સ્થાન આપ્યું નથી, જેના કારણે તેઓ અન્ય નાના પક્ષો સાથે મળીને ચૂંટણી લડશે. ઓવૈસીની પાર્ટીએ એમ પણ કહ્યું છે કે તેઓ 32 બેઠકો પર પોતાના ઉમેદવારો ઉભા રાખશે.

AIMIMના પ્રદેશ અધ્યક્ષે શું કહ્યું છે?

બિહાર એઆઈએમઆઈએમના અધ્યક્ષ અખ્તારુલ ઈમાને એક પત્રકાર પરિષદમાં આ જાહેરાત કરી છે. તેઓ કહે છે, "અમે તમામ પક્ષોને એક સાથે લાવવાનો પ્રયાસ કર્યો હતો જેથી બિનસાંપ્રદાયિક મતોનું વિભાજન ન થાય અને સાંપ્રદાયિક શક્તિઓને હરાવી શકાય, પરંતુ અમારા પ્રયત્નો સફળ થયા નહીં." આ કારણોસર હવે ત્રીજો મોરચો બનાવવામાં આવશે. અમે કિશનગંજના ચાર જિલ્લામાં ચૂંટણી લડવા જઈ રહ્યા છીએ. અહીં ઘણી બેઠકો છે - કિશનગંજ, પૂર્ણિયા, કૈથલ, અરરિયા, ગયા, મોતિહારી, નવાડા, જમુઈ, ભાગલપુર, સિવાન, દરભંગા, સમસ્તીપુર, સીતામઢી, મધુબની, વૈશાલી અને ગોપાલગંજ. ”

એઆઈએમઆઈએમના પ્રદેશ અધ્યક્ષે પણ ભારપૂર્વક જણાવ્યું છે કે તમામ બેઠકો માટેના ઉમેદવારોની જાહેરાત ટૂંક સમયમાં કરવામાં આવશે. પાર્ટી જ્યાં તેના ઉમેદવારો ઉભા રાખશે તેની સંપૂર્ણ યાદી નીચે મુજબ છે:

ઓવૈસી તેજ પ્રતાપ સાથે હાથ મિલાવશે?

આમ તો, તે હજી સ્પષ્ટ નથી થયું કે ત્રીજા મોરચામાં ક્યા કયા પક્ષો જોડાશે. એબીપી ન્યૂઝના જણાવ્યા અનુસાર, તેજ પ્રતાપ સાથે એઆઈએમઆઈએમની ચર્ચા થઈ છે, પરંતુ ગઠબંધન થવાનું છે કે નહીં તે અંગે કોઈ ઔપચારિક જાહેરાત કરવામાં આવી નથી.

બિહાર વિધાનસભા ચૂંટણી માટે મતદાન ક્યારે થશે?

બિહારમાં વિધાનસભાની ચૂંટણી બે તબક્કામાં યોજાવાની છે. પ્રથમ તબક્કાનું મતદાન 6 નવેમ્બરે અને બીજા તબક્કાનું મતદાન 11 નવેમ્બરે યોજાશે. બિહાર વિધાનસભા ચૂંટણીના પરિણામો 14 નવેમ્બરે જાહેર કરવામાં આવશે.