Accident Video : ​​કારે ટ્રકને ઓવરટેક કરવાનો પ્રયાસ કર્યો અને..., અકસ્માતનો વીડિયો વાયરલ

Accident Video : રાજ્યમાં સહિત દેશભરમાં રોજે રોજ અકસ્માતમાં અનેક લોકોના કમોતે મોત થાય છે. ઘણીવાર વાહન ચલાવતી વખતે આપણી નાનકડી ભૂલ પણ ભારે પડી જાય છે, તેથી જ આપણને રસ્તા પર વાહન ચલાવવાના નિયમોનું ચુસ્તપણે પાલન કરવાની સૂચના આપવામાં આવે છે. આ બધા વચ્ચે, સોશિયલ મીડિયા પર એક વીડિયો વાયરલ થયો છે, જેમાં એક ટ્રકને ઓવરટેક કરવાનો પ્રયાસ કરતી વખતે એક કારના ભુક્કા થઈ ગયા હતા.

ટ્રકને ઓવરટેક કરવાનો પ્રયાસ કરતો હતો કાર ડ્રાઈવર

ઓવરટેક કરવાના ચક્કરમાં લોકો ઘણી વાર આગળ નીકળી જાય છે, પરંતુ ક્યારેક તે મોટી ભૂલ સાબિત થાય છે. આવો જ એક કાર અકસ્માત થયો છે, જેનો વીડિયો સામે આવ્યો છે. વીડિયોમાં જોઈ શકાય છે કે, એક મોટી ટ્રકની પાછળ વાહનોની કતાર લાગેલી છે. એક કાર ડ્રાઈવર ટ્રકને ઓવરટેક કરવાનો પ્રયાસ કરી રહી છે.

જીવલેણ અકસ્માત

ટ્રકની પાછળ હંકારીને ઓવરટેક કરવાનો પ્રયાસ કરતી વખતે ડ્રાઈવર કાર પરનો કાબૂ ગુમાવી દે છે અને કાર રોડની નીચે ઉતરી જાય છે. જોકે તે થોડી જ વારમાં રસ્તા પર પાછી આવી જાય છે, પણ ડ્રાઈવર કારને કાબૂમાં કરવામાં અસમર્થ થઈ જાય છે, અને કાર ફરી રસ્તાથી નીચે ઉતરી ફંગોળાઈ જાય છે. કાર પછી ઝાડ સાથે અથડાય છે ધૂળ જ જોવા મળે છે.

વિડિઓ જુઓ

એક ટ્વિટર યુઝરે લખ્યું, 'આપણે ક્યારેય આ રીતે ઓવરટેક કરવાનો પ્રયાસ ન કરવો જોઈએ. આ જીવલેણ બની શકે છે. બીજાએ લખ્યું, 'આપણે ઓવરટેક કરતી વખતે હંમેશા સાવચેત રહેવું જોઈએ. થોડી બેદરકારી તમને મારી શકે છે. એક ટ્વિટર યુઝરે લખ્યું, "ઓવરટેક કરતી વખતે, આપણે આગળના વાહનથી યોગ્ય અંતર જાળવી રાખવું જોઈએ."

આ પણ વાંચો - અમદાવાદ-વડોદરા એક્સપ્રેસ વે પર બસ અને કાર વચ્ચે ગમખ્વાર અકસ્માત, 2ના મોત, 10 ઘાયલ

તમને જણાવી દઈએ કે, દેશભરમાં દરરોજ સેંકડો અકસ્માતો થાય છે, તેની પાછળ ઘણા કારણો છે, પરંતુ સૌથી મોટું કારણ 'લોકો દ્વારા ટ્રાફિક નિયમોનું પાલન ન કરવું' માનવામાં આવે છે. ભારત સરકારે રોડ નિયમોના ઉલ્લંઘન બદલ દંડની રકમમાં વધારો કર્યો છે. જો કે, જ્યાં સુધી આપણે સાવચેત નહીં રહીએ, ત્યાં સુધી આવા અકસ્માતો અટકાવી શકાતા નથી.