Covid 19 Pandemic : કોરોના વાયરસ હજી હાજર છતાં શા માટે વધારે લોકો બીમાર નથી પડતા?

Amitabh Sinha : Covid 19 Pandemic : ત્રણ વર્ષ પહેલાં, ભારત કોવિડ -19 રોગચાળાનો ભોગ બન્યો હતો. મે 2021ના મહિનામાં 1.2 લાખથી વધુ મૃત્યુ થયા હતા, દેશમાં અત્યાર સુધીમાં કોવિડને કારણે થયેલા તમામ મૃત્યુમાંથી લગભગ 20% ના મૃત્યુ થયા હતા. તે મહિનાના પ્રથમ ત્રણ અઠવાડિયામાં, દરરોજ સરેરાશ 3 લાખથી વધુ પોઝિટિવ કેસ મળી આવ્યા હતા. 6 મે, 2021ના રોજ, જ્યારે 4.14 લાખથી વધુ પોઝિટિવ કેસ નોંધાયા હતા, ત્યારે ડેઈલી ડિટેક્શનની સંખ્યા ટોચ પર હતી.

કેસ અને મૃત્યુમાં સતત ઘટાડો થયો હોવા છતાં, આ સમસ્યા વધુ બે મહિના સુધી રહી હતી. ઘણા દેશોથી અલગ, ભારતમાં વધુ જીવલેણ કોવિડ-19 વેવનો સામનો કર્યો નથી. જાન્યુઆરી-ફેબ્રુઆરી 2022 ના ઓમિક્રોન વેવમાં ચેપમાં મોટો વધારો જોવા મળ્યો હતો, પરંતુ ઘણા ગંભીર કેસો અથવા મૃત્યુ નથી અને તેમ છતાં થોડા કેસો હજુ પણ નોંધાતા રહે છે, હેલ્થ મિનિસ્ટરના જણાવ્યા અનુસાર શુક્રવારએ સુધીમાં 850 એકટીવ કેસ હતા.

આ પણ વાંચો: પૂંછ આતંકી હુમલા પર ચરણજીત સિંહ ચન્નીએ ઉઠાવ્યા સવાલ, કહ્યું – ભાજપને જીતાડવાની સ્ટંટબાજી

શું આખરે પેંડેમીક સમાપ્ત થઈ ગયો છે?

5 મે, 2023 ના રોજ, વિશ્વ આરોગ્ય સંસ્થા (WHO) એ જાહેરાત કરી કે કોવિડ-19 હવે ગ્લોબલ પબ્લિક હેલ્થ ઇમરજન્સી નથી. તે એક સ્વીકૃતિ હતી કે વાયરસનો અનિયંત્રિત ફેલાવો સમાપ્ત થઈ ગયો છે, એટલે કે, ગંભીર રોગ, હોસ્પિટલમાં દાખલ થવા અથવા મૃત્યુ તરફ દોરી રહ્યો નથી. તે ઘોષણા રોગચાળાના ઔપચારિક અંત તરીકે જોવામાં આવી હતી.

ભારતે 31 માર્ચ, 2022 પછી તમામ કોવિડ-19-સંબંધિત પ્રતિબંધો પાછા ખેંચી લીધા હતા, ઓમિક્રોન વેવ યાના થોડા સમય પછી અને ડિઝાસ્ટર મેનેજમેન્ટ એક્ટની જોગવાઈઓને લાગુ કરવાનું બંધ કરી દીધું હતું. ત્યારબાદ, રાજ્ય સરકારોએ જાહેર સ્થળોએ ફરજિયાત માસ્ક પહેરવા માટેના તેમના આદેશો હળવા કર્યા હતા.

જો કે, SARS-CoV-2, વાયરસના કારણે કોવિડ-19 રોગ કેટલાક મૃત્યુનું કારણ છે. અત્યારે સૌથી વધુ ચેપનું કારણ બનેલ પ્રબળ પ્રકાર JN.1 છે, JN.1 તેના સિસ્ટર વેરિઅન્ટ્સ કરતાં લોકોને સંક્રમિત કરવામાં થોડું વધુ કાર્યક્ષમ છે, પરંતુ, ઓમિક્રોનના તમામ વેરિયંટની જેમ ગંભીર રોગનું કારણ નથી.

WHO ડેટા દર્શાવે છે કે 14 એપ્રિલ સુધીના ચાર અઠવાડિયામાં, વિશ્વભરમાં 2.42 લાખથી વધુ પોઝિટિવ કેસ નોંધાયા છે, જેમાંથી બે તૃતીયાંશથી વધુ રશિયા અને ન્યુઝીલેન્ડમાં હતા. ભારતમાં લગભગ 3,000 કેસ નોંધાયા છે. આ જ સમયગાળામાં, લગભગ 3,400 મૃત્યુ કોવિડ-19ને આભારી છે.

આ પણ વાંચો: પુંછમાં કેમ થઈ રહ્યા આતંકવાદી હુમલા? આતંકવાદીઓનું અસલી કાવતરું સમજો

ઓછા ટેસ્ટ કર્યા હોવા છતાં, ભારતમાં હજી પણ ડબલ કેસ નોંધાઈ રહ્યા છે. ગુરુવારે 50 કેસ મળી આવ્યા હતા. કેરળમાં એક મૃત્યુ પણ થયું હતું. પુણેમાં નેશનલ ઇન્સ્ટિટ્યૂટ ઓફ વાઇરોલોજી, હૈદરાબાદમાં સેન્ટર ફોર સેલ્યુલર એન્ડ મોલેક્યુલર બાયોલોજી અને ફરીદાબાદમાં ટ્રાન્સલેશનલ હેલ્થ સાયન્સ એન્ડ ટેક્નોલોજી ઇન્સ્ટિટ્યૂટ સહિતની કેટલીક લેબોરેટરીઝ મુખ્યત્વે ગંદાપાણીના સર્વેલન્સ અને હોસ્પિટલોના નમૂનાઓ દ્વારા વાયરસને ટ્રેક કરી રહી છે. વેસ્ટવોટર સર્વેલન્સે ભારતમાં પણ JN.1 વેરિઅન્ટની હાજરી જાહેર કરી છે.

શા માટે વધુ લોકોને ચેપ લાગતો નથી?

તપાસ ઓછી હોઈ શકે છે કારણ કે બહુ ઓછા લોકોનું ટેસ્ટિંગ થઈ રહ્યું છે. છેલ્લા કેટલાક વર્ષોમાં કોવિડ-19 હેલ્થનું મોટું જોખમ બની ગયું છે. 2021 ના ​​અંતમાં ઉભરી આવેલ ઓમિક્રોન વેરિઅન્ટે લોકોમાં ફેલાવવાની અને સંક્રમિત કરવાની ક્ષમતામાં વધારો કર્યો હતો, પરંતુ તેનાથી ગંભીર રોગ થતો નહોતો. વિશ્વની વસ્તીનો મોટો હિસ્સો ઓમિક્રોનથી સંક્રમિત થયા પછી કુદરતી રોગપ્રતિકારક શક્તિ પ્રાપ્ત કરે છે. 2021 ના ​​અંત સુધીમાં, અડધાથી વધુ વૈશ્વિક વસ્તીએ પણ એક અથવા બીજી રસી મેળવી હતી, જેથી રોગપ્રતિકારક શક્તિ મજબૂત થઇ હતી.

હકીકત એ છે કે વાયરસ વધુ ખતરનાક પ્રકારમાં પરિવર્તિત થયો નથી. આ સ્થિતિ ક્યાં સુધી ચાલશે તે કોઈનું અનુમાન છે. જો કે, વાયરસ હવે વૈજ્ઞાનિકો અને જાહેર આરોગ્ય નિષ્ણાતો માટે નવો નથી, તેઓને હવે તેની વધુ સારી સમજ છે, અને જાણે છે કે શું અપેક્ષા રાખવી અને તેના સ્પ્રેડથી શું કરી શકાય, પરંતુ સ્ટ્રેઇનનું સતત ટેસ્ટિંગ અને ટ્રેક કરવાની જરૂર છે, જેથી સમયસર સારવાર કરી શકાય.