Biparjoy Cyclone in Rajasthan | બિપરજોય વાવાઝોડું રાજસ્થાન તરફ, જાલોર, બાડમેરમાં ભારે વરસાદ , બંને જિલ્લામાં રેડ એલર્ટ જાહેર

Biparjoy Cyclone move to Rajasthan : બિપરજોય વાવાઝોડું ગુરુવારે સાંજે ગુજરાતના કચ્છ- જખૌ બંદરે લેન્ડફોલ થયું હતું. ત્યારબાદ કચ્છ અને સૌરાષ્ટ્રના મોટાભાગના વિસ્તારમાં તહાબી મચાવી હતી. આશરે 125 કિમીની ઝડપે આવેલું બિપરજોય વવાઝોડું કચ્છ સૌરાષ્ટ્રમાં વિનાશ વેરીને રાજસ્થાન તરફ વળ્યું છે. અધિકારીઓએ શુક્રવારે જણાવ્યું હતું કે રાજસ્થાનના જાલોર અને બાડમેર જિલ્લાના કેટલાક વિસ્તારોમાં ચક્રવાત બિપરજોયને કારણે ભારે વરસાદ થયો હતો, જે ગુજરાતમાં તેના લેન્ડફોલ પછી રાજસ્થાન રાજ્ય તરફ આગળ વધ્યું હતું.

હવામાન વિભાગના અધિકારીએ જણાવ્યું હતું કે ગુરુવારે રાત્રે કેટલાક સ્થળોએ 60-70 મીમી વરસાદ થયો હતો અને શુક્રવારે બંને જિલ્લાઓ અને આસપાસના વિસ્તારોમાં ભારે વરસાદ થવાની સંભાવના છે. અધિકારીના જણાવ્યા અનુસાર શુક્રવારે સવાર સુધી જાલોરમાં 69 મીમી વરસાદ નોંધાયો હતો. વિભાગે જાલોર અને બાડમેર માટે "રેડ" એલર્ટ જાહેર કર્યું છે. જે વિસ્તારોમાં એલર્ટ જાહેર કરવામાં આવ્યું છે ત્યાં 200 મીમીથી વધુ વરસાદ પડી શકે છે.

બિપરજોય વાવાઝોડા અંગે અન્ય સમાચારો વાંચવા માટે અહીં ક્લિક કરો

અધિકારીએ જણાવ્યું હતું કે, ચક્રવાત નબળું પડશે અને જોધપુર, જેસલમેર, પાલી અને સિરોહી પર વધુ આગળ વધશે જ્યાં ભારે વરસાદની સંભાવના છે, શુક્રવાર અને શનિવારે રાજસમંદ, ડુંગરપુર અને નજીકના વિસ્તારોમાં પણ ભારે વરસાદ પડી શકે છે.

શુક્રવારે જેસલમેર, બાડમેર, જાલોર અને જોધપુરની નજીકના વિસ્તારોમાં અને શનિવારે જોધપુર, ઉદયપુર અને અજમેરની આસપાસના વિસ્તારોમાં 60 થી 70 કિલોમીટર પ્રતિ કલાકની ઝડપે પવન ફૂંકાવાની સંભાવના છે.

સ્ટેટ ડિઝાસ્ટર રિસ્પોન્સ ફોર્સ (SDRF) ની આઠ કંપનીઓ જયપુર, કોટા, ભરતપુર, ઉદયપુર, અજમેર, જોધપુર અને બિકાનેરમાં તૈનાત કરવામાં આવી છે અને નેશનલ ડિઝાસ્ટર રિસ્પોન્સ ફોર્સ (NDRF) ની એક કંપની અજમેર જિલ્લાના કિશનગઢમાં બચાવ માટે તૈનાત કરવામાં આવી છે.

અસરગ્રસ્ત જિલ્લાઓમાં સ્થાનિક વહીવટીતંત્રે પણ "રેડ" અને "ઓરેન્જ" એલર્ટને ધ્યાનમાં રાખીને તૈયારીઓ કરી છે, જેમ કે પંપની વ્યવસ્થા અને સિવિલ ડિફેન્સ અને ડિઝાસ્ટર મેનેજમેન્ટ ટીમોની તૈનાત છે.