scorecardresearch

Dawood Ibrahim Family : અંડરવર્લ્ડ ડોન દાઉદ ઈબ્રાહિમના પરિવારમાં કોણ-કોણ છે? 9 ભાઈ-બહેન, બધા ક્યાં છે? શું કરે છે? તમામ ડિટેલ્સ

Dawood Ibrahim Family : દાઉદ ઈબ્રાહિમના પરિવારમાં કોણ કોણ છે? અંડરવર્લ્ડ ડોનને 9 ભાઈ-બહેન (Brother-Sister), અને બે પત્ની (Wife), શું કરે છે બધા, ક્યાં રહે છે? જોઈએ તમામ વિગત

Dawood Ibrahim Family : અંડરવર્લ્ડ ડોન દાઉદ ઈબ્રાહિમના પરિવારમાં કોણ-કોણ છે? 9 ભાઈ-બહેન, બધા ક્યાં છે? શું કરે છે? તમામ ડિટેલ્સ
ડોન દાઉદ ઈબ્રાહિમના પરિવારની તમામ વિગત (Express archive photo)

દાઉદ ઈબ્રાહિમનો પરિવાર : અંડરવર્લ્ડ ડોન દાઉદ ઈબ્રાહિમના પરિવારને લઈને NIA દ્વારા પૂછપરછ દરમિયાન તેની બહેન હસીના પારકરના પુત્ર અલીશાહ પારકરે અનેક ખુલાસા કર્યા છે. અલીશાહે NIAને જણાવ્યું કે, દાઉદની બે પત્નીઓ છે. તેણે પાકિસ્તાની પઠાણ મહિલા સાથે બીજા લગ્ન કર્યા છે. અલીશાહે એ પણ જણાવ્યું કે, દાઉદની પહેલી પત્ની વોટ્સએપ કોલ દ્વારા મહજબી લોકો સાથે સંપર્કમાં રહે છે.

અલીશાહે જણાવ્યું કે, જુલાઈ 2022માં તે દાઉદની પહેલી પત્ની મહજબીનને દુબઈમાં મળ્યો હતો. ત્યારબાદ તે દુબઈમાં ઓલિવ હમીદ અંતુલેના ઘરે રોકાયો હતો. તેણે કહ્યું કે, મહજબીન તહેવારો પર ફોન કરે છે અને વોટ્સએપ દ્વારા સંપર્કમાં રહે છે.

અલીશાહે NIAને જણાવ્યું કે, દાઉદ ઈબ્રાહીમ હવે પાકિસ્તાનના કરાચીમાં અન્ય જગ્યાએ શિફ્ટ થઈ ગયો છે. હવે તે કરાચીના ડિફેન્સ વિસ્તારમાં રહે છે. અલીશાહે જણાવ્યું કે, દાઉદનું નવું ઠેકાણું રહીમ ફકી પાસે અબ્દુલ્લા ગાઝી બાબા દરગાહની પાછળ છે. અલીશાહે જણાવ્યું કે, હાલમાં દાઉદ ઈબ્રાહિમ કાસકર, હાજી અનીસ ઉર્ફે અનીસ ઈબ્રાહીમ શેખ અને મુમતાઝ રહીમ ફકી તેમના પરિવારો સાથે કરાચીની ડિફેન્સ કોલોનીમાં અબ્દુલ્લા ગાઝી બાબાની દરગાહની પાછળ રહે છે. અલીશાહે જણાવ્યું કે, દાઉદ ઈબ્રાહિમ કોઈની સાથે સંપર્ક નથી રાખતો.

NIAને માહિતી મળી છે કે, દાઉદ ઈબ્રાહિમ એક ખાસ ટીમ બનાવી રહ્યો છે. આ ટીમ ભારતના મોટા નેતાઓ અને ઉદ્યોગપતિઓ પર હુમલો કરી શકે છે. આ ટીમનો ઉદ્દેશ્ય દેશના મોટા શહેરોમાં હિંસા ફેલાવવાનો છે. તો આવો તમને જણાવીએ કે, અલીશા અનુસાર દાઉદ ઈબ્રાહિમના પરિવારમાં કેટલા લોકો છે.

દાઉદને પ્રથમ પત્ની મહજબીનથી 3 પુત્રીઓ અને એક પુત્ર – મારુખ, મેહરીન અને મજિયા. મારુખે જાવેદ મિયાંદાદના પુત્ર જુનૈદ સાથે લગ્ન કર્યા છે. મજીયાએ હજુ લગ્ન કર્યા નથી. તેમના પુત્રનું નામ મોઈન નવાઝ છે.

ભાઈ-બહેન વિશે – અલીશાએ જણાવ્યું કે, દાઉદ ઈબ્રાહિમને ચાર ભાઈઓ અને ચાર બહેનો છે. (દાઉદ સહિત કુલ 9)

સાબીર ઈબ્રાહીમ કાસકર (1983-84માં મુંબઈ ગેંગ વોરમાં માર્યો ગયેલો) – પત્ની શહનાઝ – બે બાળકો – શિરાઝ અને શાઝિયા – શિરાઝનું 2020 માં કોરોનાથી મૃત્યુ થયું હતું. શાઝિયા તેના પતિ મોઝ્ઝમ ખાન સાથે આગ્રીપાડામાં રહે છે. મોઝ્ઝમ ખાન રિયલ એસ્ટેટ એજન્ટ છે.

નૂરા ઈબ્રાહિમ કાસકરનું 7-8 વર્ષ પહેલા પાકિસ્તાનમાં અવસાન થયું હતું. તેમની પ્રથમ પત્નીનું નામ શફીકા હતું. તેમનું મૃત્યુ પણ થયું છે. તેણે પાકિસ્તાનમાં રેશ્મા નામની મહિલા સાથે લગ્ન કર્યા હતા. શાફિયાને સબા નામની પુત્રી છે. શોએલ અને સરફરાઝ પાકિસ્તાનમાં રહે છે.

ઈકબાલ કાસકર છેલ્લા પાંચ વર્ષથી થાણેની જેલમાં બંધ છે. ઈકબાલ કાસકરની પત્ની રિઝવાના દુબઈમાં રહે છે. તેને પાંચ બાળકો છે. પુત્રી હાફશા જે દુબઈમાં રહે છે. ઝારા સ્પેનમાં રહે છે. આયમાન તેની માતા સાથે દુબઈમાં રહે છે. પુત્ર આઈબાન પણ દુબઈમાં રહે છે અને બીજો પુત્ર રિઝવાન મુંબઈની આર્થર જેલમાં બંધ છે.

અનીસ ઈબ્રાહિમની પત્નીનું નામ તહસીન છે. તેમને પાંચ બાળકો છે – ત્રણ પુત્રીઓ અને બે પુત્રો. દીકરીઓના નામ શમીમ, યાસ્મીન અને આના છે. શમીમે મુંબઈના શાદાબ ખાન સાથે લગ્ન કર્યા છે. તે દુબઈમાં રહે છે. યાસ્મીનના લગ્ન પાકિસ્તાનના અસગર સાથે થયા છે, તે કરાચીમાં રહે છે. એનાના લગ્ન પાકિસ્તાનના સાલિક સાથે થયા છે. તે કરાચીમાં રહે છે. અનીસના પુત્ર ઈબ્રાહિમે પાકિસ્તાની છોકરી કુરરાતુલૈન સાથે લગ્ન કર્યા છે જ્યારે તેનો બીજો પુત્ર મેહરાન લંડનમાં અભ્યાસ કરે છે અને અપરિણીત છે.

મુસ્કીમ ઈબ્રાહિમ કાસકરની પત્નીનું નામ સીમા છે. તેમને બે પુત્રીઓ છે – સહર અને અમીમા. સહર લખનૌમાં રહે છે. તેણીએ ખાલિદ સાથે લગ્ન કર્યા છે. અમીમા પરણિત નથી. તેણે લંડનથી LLB અને LLM કર્યું છે. તે દુબઈમાં પ્રેક્ટિસ કરે છે. અમીમાને બે પુત્રો ઓવૈસ અને હમઝા છે.

હુમાયુ ઈબ્રાહીમ કાસકરનું 4-5 વર્ષ પહેલા અવસાન થયું હતું. તેની પત્નીનું નામ શાહીન છે. તેમને બે દીકરીઓ છે – મારિયા અને શામિયા. બંને પરણેલી નથી. બંને કરાચીમાં રહે છે.

દાઉદની બહેન સઈદા હસનના લગ્ન હસન મિયાં સાથે થયા છે. હવે બંને મૃત્યુ પામ્યા છે. તેમને બે દીકરીઓ છે. નજમા અને પિંકી. આ સિવાય તેના પુત્રોના નામ સાજીદ અને સમીર છે.

ઈબ્રાહિમની બહેન હસીના પારકરના લગ્ન ઈબ્રાહિમ પારકર સાથે થયા હતા. બંનેના મોત થયા છે. તેમને બે પુત્ર અને બે પુત્રી છે. દાનિશ, આલીશાહ, કૌસિયા અને ઉમેરા.

ત્રીજી બહેન ઝૈતુન હમીદ અંતુલેના લગ્ન હમીદ અંતુલે સાથે થયા છે. હમીદ અંતુલે દુબઈમાં માણિકચંદ એજન્સી ધરાવે છે. તેમને ત્રણ બાળકો છે. સાબીર, હુસૈન અને પુત્રી સઇદા. આ તમામ દુબઈમાં રહે છે.

આ પણ વાંચોGanga Vilas Cruise : ગંગા વિલાસ ક્રૂઝ બનાવવાનો કેટલો ખર્ચ થયો? કોનો હતો આઈડિયા? કોણે બનાવી? માર્ચ 2024 સુધી ટિકિટ ફૂલ

ચોથી બહેન ફરઝાનાના લગ્ન સઈદ તુંગેકર સાથે થયા છે. તેને ચાર બાળકો છે. જુનૈદ, મોહમ્મદ અલી, શાહીલા અને ઇરામ. મુમતાઝે રહીમ ફકી સાથે લગ્ન કર્યા છે. રહીમ જેજે શૂટઆઉટ કેસમાં વોન્ટેડ છે. તેમને ત્રણ બાળકો છે – અનિક, સામી અને ઝૈનબ.

Web Title: Dawood ibrahim family underworld don 9 brothers and sisters all the details

Best of Express