scorecardresearch

હિમાચલ વિધાનસભા ચૂંટણી: ભાજપે 62 ઉમેદવારોની જાહેરાત કરી, જયરામ ઠાકુર સિરાજથી ચૂંટણી લડશે

Himachal Assembly Election BJP Candidates First List : ભાજપે (BJP) હિમાચલ પ્રદેશ વિધાનસભા ચૂંટણી માટે પોતાના ઉમેદવારની પ્રથમ યાદી જાહેર કરી છે, જેમાં 62 લોકોના નામ જાહેર કર્યા છે. સીએમ જયરામ ઠાકુર (Jairam Thakur) સેરાજ (Siraj) વિધાનસભા બેઠક પરથી ચૂંટણી લડશે.

હિમાચલ વિધાનસભા ચૂંટણી: ભાજપે 62 ઉમેદવારોની જાહેરાત કરી, જયરામ ઠાકુર સિરાજથી ચૂંટણી લડશે
હિમાચલ પ્રદેશ વિધાનસભા ચૂંટણી – ભાજપ ઉમેદવાર લીસ્ટ

BJP Releases First List for Himachal Assembly Election: ભારતીય જનતા પાર્ટી (BJP) એ હિમાચલ વિધાનસભા ચૂંટણી માટે તેની પ્રથમ યાદી બહાર પાડી છે. આ યાદીમાં ભાજપે મુખ્યમંત્રી જયરામ ઠાકુર સહિત 62 ઉમેદવારોના નામ જાહેર કર્યા છે. સીએમ જયરામ ઠાકુર સેરાજ વિધાનસભા બેઠક પરથી ચૂંટણી લડશે. બીજી તરફ ભાજપે ઉના વિધાનસભાથી સતપાલ સિંહ સત્તીને મેદાનમાં ઉતાર્યા છે. ભાજપે મંડીથી અનિલ શર્માને ટિકિટ આપી છે. હિમાચલ પ્રદેશની તમામ સીટો માટે એક જ તબક્કામાં 12 નવેમ્બરે ચૂંટણી યોજાશે અને 8 ડિસેમ્બરે મતગણતરી થશે.

ભાજપના 62 ઉમેદવારોની આ યાદીમાં પાંચ મહિલાઓ પણ સામેલ છે. પાર્ટીએ પ્રેમ કુમાર ધૂમલ અને તેમના મિત્ર ગુલાબ સિંહને ટિકિટ આપી નથી. આ પહેલા બંનેને 2017ની વિધાનસભા ચૂંટણીમાં ટિકિટ મળી હતી પરંતુ બંનેને હારનો સામનો કરવો પડ્યો હતો. તો, આ વખતે મંડીના મજબૂત નેતા મહેન્દ્ર સિંહ ઠાકુરને પણ ટિકિટથી વંચિત રહેવું પડ્યું છે જ્યારે તેમના પુત્ર રજત ઠાકુરને ચૂંટણી મેદાનમાં ઉતારવામાં આવ્યા છે.

પીએમ મોદી, અમિત શાહ અને જેપી નડ્ડાએ દિલ્હીમાં બેઠક કરી હતી

હિમાચલ પ્રદેશ વિધાનસભા ચૂંટણી માટે ઉમેદવારોની પસંદગી માટે મંગળવારે (18 ઓક્ટોબર) સાંજે દિલ્હીમાં એક બેઠક યોજાઈ હતી. આ બેઠકમાં રાષ્ટ્રીય અધ્યક્ષ જેપી નડ્ડાએ પીએમ મોદી અને ગૃહમંત્રી અમિત શાહ સાથે હિમાચલ વિધાનસભા ચૂંટણી માટે એક-એક ઉમેદવાર વિશે વાત કરી હતી. આ વખતે હિમાચલમાં એન્ટી ઈન્કમ્બન્સીના કારણે ઘણા ધારાસભ્યોની ટિકિટ પર કાતર ચાલી ગઈ છે.

કોંગ્રેસે મંગળવારે 46 ઉમેદવારોની યાદી જાહેર કરી હતી

અગાઉ મંગળવારે (18 ઓક્ટોબર) કોંગ્રેસે હિમાચલ પ્રદેશ વિધાનસભા ચૂંટણી માટે 46 ઉમેદવારોની પ્રથમ યાદી જાહેર કરી હતી. કોંગ્રેસ હાઈકમાન્ડે ઉમેદવારો નક્કી કરવા માટે ત્રણ સભ્યોની કમિટીની રચના કરી હતી. ચૂંટણી પંચે શુક્રવારે (14 ઓક્ટોબર) હિમાચલ પ્રદેશની ચૂંટણીની તારીખોની જાહેરાત કરી હતી. હાલના મુખ્યમંત્રી જયરામ ઠાકુરની બેઠક પરથી કોંગ્રેસે ચેતરામ ઠાકુરને ટિકિટ આપી છે. ચેતરામ ઠાકુર હાલ હિમાચલ પ્રદેશ કોંગ્રેસના મહાસચિવ છે.

કોંગ્રેસ અને ભાજપ વચ્ચે મુકાબલો

હિમાચલ પ્રદેશ વિધાનસભામાં 68 બેઠકો છે જેમાંથી 17 વિધાનસભા મતવિસ્તાર અનુસૂચિત જાતિના ઉમેદવારો માટે અનામત છે. 3 વિધાનસભા મતવિસ્તાર અનુસૂચિત જનજાતિના ઉમેદવારો માટે અનામત છે. હાલ હિમાચલમાં ભારતીય જનતા પાર્ટી સત્તા પર છે. તો, આમ આદમી પાર્ટીએ પણ અહીં ઝડપથી વિસ્તરણ કરવાનો પ્રયાસ કર્યો છે. તાજેતરમાં પંજાબની ચૂંટણીમાં આમ આદમી પાર્ટીએ જીત મેળવી છે. અહીં મુખ્ય મુકાબલો કોંગ્રેસ અને ભાજપ વચ્ચે જોવા મળી રહ્યો છે.

Web Title: Himachal assembly elections bjp announces 62 candidates jairam thakur contest from siraj

Best of Express