India Canada News : દાવાઓ બાદ કેનેડા નિજ્જર હત્યા પર એક પણ પુરાવો આપી શક્યું નથી, આ 10 મુદ્દાઓથી સમજો સમગ્ર ઘટના

india canada relations: કેનેડાના વડા પ્રધાન જસ્ટિન ટ્રુડોએ વધતા જતા તણાવપૂર્ણ રાજદ્વારી સંબંધો વચ્ચે ખાલિસ્તાની આતંકવાદી હરદીપ સિંહ નિજ્જરની ચાલી રહેલી હત્યાની તપાસમાં સહકાર આપવા ભારતને હાકલ કરી છે. પશ્ચિમી દેશો હાલમાં ખાલિસ્તાની અલગતાવાદી નેતા હરદીપ સિંહ નિજ્જરની જૂનમાં થયેલી હત્યામાં ભારત સરકારના એજન્ટોની સંડોવણી અંગેના "વિશ્વસનીય આરોપો" ની તપાસ કરી રહ્યા છે. જો કે, ટ્રુડોએ કથિત રીતે હત્યા સાથે ભારતને જોડતા પુરાવા જાહેર કરવાનો ઇનકાર કર્યો હતો. ભારતે કેનેડાના પીએમ દ્વારા લગાવવામાં આવેલા તમામ આરોપોને પાયાવિહોણા અને ખોટા ગણાવ્યા છે.

1. કેનેડિયન પીએમ જસ્ટિન ટ્રુડોએ આજે તેમના આરોપને પુનરોચ્ચાર કર્યો હતો કે, ભારતમાં વોન્ટેડ આતંકવાદી અને કેનેડિયન નાગરિક હરદીપ સિંહ નિજ્જરની જૂનમાં હત્યામાં "ભારત સરકારના એજન્ટો" સામેલ હતા. તેમણે કહ્યું કે, આવું માનવા માટે 'વિશ્વસનીય કારણો' છે, પરંતુ કોઈ પુરાવા આપ્યા નથી.
2. ભારતે આ આરોપને ગુસ્સા સાથે નકારી કાઢ્યા છે અને કેનેડામાં રાજકીય રીતે માફ કરવામાં આવતા હેટ ક્રાઈમ અને ગુનાહિત હિંસાનો મુદ્દો ઉઠાવ્યો છે. સરકારે કહ્યું કે, કેનેડાએ નિજ્જરની હત્યા અંગે કોઈ માહિતી શેર કરી નથી.
3. ભારતે તેની આંતરિક બાબતોમાં "કેનેડિયન રાજદ્વારી હસ્તક્ષેપ" નો પણ આક્ષેપ કર્યો હતો અને દેશમાં કામ કરતા કેનેડિયન રાજદ્વારીઓની સંખ્યા ઘટાડવાની માંગ કરી હતી. વિદેશ મંત્રાલયે કહ્યું કે, ભારતમાં કેનેડાની રાજદ્વારી હાજરી ભારત કરતા વધારે છે અને તેને ઘટાડવાની જરૂર છે.
4. સરકારે કેનેડામાં સુરક્ષાના જોખમોને ટાંકીને વિઝા સેવાઓ સ્થગિત કરી છે, જે તેમના અધિકારીઓને વિઝા કામગીરી હાથ ધરવા દેતા અટકાવે છે. વિદેશ મંત્રાલયે જણાવ્યું હતું કે, "તમે કેનેડામાં અમારા હાઈ કમિશન અને કોન્સ્યુલેટ દ્વારા સામનો કરવામાં આવેલા સુરક્ષા જોખમોથી વાકેફ છો. આનાથી તેમની સામાન્ય કામગીરીમાં વિક્ષેપ પડ્યો છે," વિદેશ મંત્રાલયે જણાવ્યું હતું.
5. મંગળવારે રાજદ્વારી વિવાદ વધી ગયો જ્યારે બંને દેશોએ વરિષ્ઠ રાજદ્વારીઓને હાંકી કાઢ્યા અને મુસાફરી એડવાઈઝરી જાહેર કરી. ભારતે કેનેડામાં રહેતા તેના નાગરિકો અને ત્યાં મુસાફરી કરનારાઓને ભારત વિરોધી ગતિવિધિઓને ધ્યાનમાં રાખીને "અત્યંત સાવધાની" રાખવા જણાવ્યું છે.
6. કેનેડામાં ભારતીય રાજદ્વારી મિશન પર ખાલિસ્તાન સમર્થકો દ્વારા કરવામાં આવેલા હુમલા અંગે વડાપ્રધાન નરેન્દ્ર મોદીએ દિલ્હી જી-20 સમિટમાં ટ્રુડોને ઠપકો આપ્યા બાદ બંને દેશો વચ્ચે તણાવ સર્જાયો હતો. થોડા દિવસો પછી, કેનેડાએ ઓક્ટોબર માટે આયોજિત ભારતમાં ટ્રેડ મિશન મુલતવી રાખ્યું.
7. કેનેડિયન પીએમ જસ્ટિન ટ્રુડોએ સરેમાં ગુરુદ્વારાની બહાર નિજ્જરની હત્યામાં ભારતીય એજન્ટોની સંડોવણીનો આક્ષેપ કર્યા પછી ભારત-કેનેડા સંબંધો નવા નીચા સ્તરે પહોંચ્યા હતા. કોઈ પુરાવા આપ્યા વિના, તેમણે કહ્યું કે, તેમની સરકાર પર વિશ્વાસપાત્ર આરોપો છે. ભારતે આ આરોપને પાયાવિહોણા ગણાવતા તેને સદંતર ફગાવી દીધો હતો.
8. અમેરિકાએ કહ્યું છે કે, તે આ મુદ્દે ભારત અને કેનેડા બંનેના સંપર્કમાં છે અને બંને દેશ તેના માટે મહત્વપૂર્ણ છે. અમેરિકાના રાષ્ટ્રીય સુરક્ષા સલાહકાર જેક સુલિવાને કહ્યું કે, ગુનેગારો વિરુદ્ધ તપાસ અને કાર્યવાહીમાં થઈ રહેલા પ્રયાસોને અમેરિકા સમર્થન આપે છે.
9. ભારતના તમામ પક્ષો આ મુદ્દે એક થયા છે. વિપક્ષી પાર્ટી કોંગ્રેસે સરકારને સમર્થન આપ્યું છે અને કહ્યું છે કે, દેશના હિત અને ચિંતાઓને હંમેશા સર્વોપરી રાખવી જોઈએ. સાંસદ શશિ થરૂરે કહ્યું કે, આતંકવાદીની હત્યા સાથે કોઈ સરકારી સંસ્થા જોડાયેલ હોવાના કોઈ પુરાવા નથી.
10. કેનેડા વિદેશી શીખોના પ્રિય કેન્દ્રોમાંનું એક છે, જ્યાં છેલ્લા કેટલાક વર્ષોમાં ઉગ્રવાદમાં ઝડપથી વધારો થયો છે. છેલ્લા કેટલાક મહિનામાં કેનેડામાં ઘણી ખાલિસ્તાની પ્રવૃત્તિઓ જોવા મળી છે, જેમાં ભારતીય દૂતાવાસની બહાર વિરોધ પ્રદર્શન અને ભારતીય રાજદ્વારીઓ માટે ધમકીભર્યા પોસ્ટરોનો સમાવેશ થાય છે.