Gujarati News 26 February 2024 Highlights : મરાઠા આરક્ષણ કાર્યકર્તા મનોજ જરાંગે પાટીલે 17 દિવસના ઉપવાસ તોડ્યા

હૈદરાબાદ : ગુજરાતના મુખ્યમંત્રી ભૂપેન્દ્ર પટેલે ભાગ્ય લક્ષ્મી ક્લસ્ટર હેઠળ ખૈરતાબાદ મતવિસ્તારમાં વિજય સંકલ્પ યાત્રાને સંબોધિત કરી હતી.

મધ્ય પ્રદેશના મુખ્યમંત્રી મોહન યાદવ અને કેન્દ્રીય મંત્રી ભૂપેન્દ્ર યાદવે ચિતા પ્રોજેક્ટની સમીક્ષા બેઠકમાં હાજરી આપી હતી.

Paytm પેમેન્ટ બેંક સતત મુશ્કેલીમાં જોવા મળી રહી છે. આરબીઆઈએ 15 માર્ચ પછી તેની બેંકિંગ સેવાના ઉપયોગ પર પ્રતિબંધ મુક્યો છે. આ દરમિયાન પેટીએમ પેમેન્ટ બેંકના ચેરપર્સન વિજય શેખર શર્માએ તેમના પદ પરથી રાજીનામું આપી દીધું છે.

ઉત્તર પ્રદેશમાં રાજ્યસભાની ચૂંટણી પર ઉપ મુખ્યમંત્રી કેશવ મોર્યએ કહ્યું કે અમારા આઠેય ઉમેદવારો જીત મેળવશે.

યુપીના મુખ્યમંત્રી યોગી આદિત્યનાથે રાજ્યસભાની ચૂંટણી પહેલા એનડીએ ધારાસભ્ય દળની બેઠકની અધ્યક્ષતા કરી હતી.

મરાઠા આરક્ષણ કાર્યકર્તા મનોજ જરાંગે પાટીલે તેમના 17 દિવસના ઉપવાસ તોડ્યા હતા. તેમણે કહ્યું કે હું એક-બે દિવસ હોસ્પિટલમાં રહીશ અને પછી મરાઠા સમુદાયના સભ્યોને મળવા દરેક ગામની મુલાકાત લઈશ.

કોંગ્રેસ નેતા અને રાજસ્થાનના પૂર્વ મુખ્યમંત્રી અશોક ગેહલોતના પુત્ર વૈભવ ગેહલોતે સોમવારે રાજસ્થાન ક્રિકેટ એસોસિએશન (આરસીએ)ના અધ્યક્ષ પદેથી રાજીનામું આપી દીધું છે. તેમણે આરોપ લગાવ્યો હતો કે આરસીએમાં તેમને નિશાન બનાવીને અવિશ્વાસનું માહોલ બનાવવાનો પ્રયાસ કરવામાં આવી રહ્યો છે. વૈભવ ગેહલોતે પોતાના રાજીનામાના પત્રમાં લખ્યું છે કે રાજસ્થાનમાં સરકાર બદલાયા બાદ આરસીએ સામે દુર્ભાવનાપૂર્ણ ઇરાદા સાથે કામ થઇ રહ્યું છે.

કોંગ્રેસે ભૂવનેશ્વરમાં ઓરિસ્સા સરકાર વિરુદ્ધ સચિવાલય ઘેરાવ રેલી કાઢી.

રાજ્ય વિધાનસભામાં હરિયાણાના ગૃહ મંત્રી અનિલ વિજે કહ્યું કે, હરિયાણામાં INLD પ્રમુખ નફે સિંહ રાઠીની હત્યાની તપાસ સીબીઆઈ પાસે કરાવવી જોઇએ. આ હત્યાના આરોપીઓને બક્ષવા જોઇએ નહીં અને કડક કાર્યવાહી કરવી જોઇએ. હાલ પોલીસ કેસની તપાસ કરી રહી છે.

આપ પાર્ટીના વડા અને દિલ્હીના મુખ્યમંત્રી અરવિંદ કેજરીવાલે રાજધાની સ્થિત રાજઘાટ પર મહાત્મા ગાંધીને શ્રદ્ધાંજલી આપી છે. નોંધનીય છે કે, લીકર કેસમાં આપ પાર્ટીના મંત્રી મનીષ સિસોદિયાની ધરપકડને આજે એક વર્ષ થયું છે.

ભારતના રાષ્ટ્રીય અધ્યક્ષ જેપી નડ્ડા એ સંકલ્પ પત્ર સલાહ અભિયાનની શરૂઆત કરી અને વિકસીત ભારત, મોદીની ગેરંટી રથને લીલ ઝંડી દેખાડી હતી.

ભારતે ઇંગ્લેન્ડ સામેની ક્રિકેટ ટેસ્ટ મેચમાં મોટી જીત હાંસલ કરી રહી છે. 26 ફેબ્રુઆરી, 2024ના રોજ ટીમ ઈન્ડિયાએ ઇંગ્લેન્ડને રાંચી ટેસ્ટમાં 5 મેચોની ટેસ્ટ સીરિઝમાં 3-1 થી જીત હાંસલ કરી છે. ભારતમાં ઘરઆંગણે 13મી વખત ટેસ્ટ ક્રિકેટમાં 150+ નો ટાર્ગેટ પુરો કરી જીત હાંસલ કરી છે. આ સાથે જ 11 વર્ષનો દૂષ્કાળ સમાપ્ત થયો છે.

વડાપ્રધાન નરેન્દ્ર મોદીએ કહ્યું, ભારતને 25 વર્ષમાં વિકસીત દેશ બનાવવાનો સંકલ્પ લીધો છે. ગરીબ, યુવા, ખેડૂત અને મહિલાઓ વિકસીત રાષ્ટ્રના 4 મુખ્ય સ્તંભ છે અને ભારતનો કાપડ ઉદ્યોગ આ ચાર સાથે જોડાયેલું છે. આથી ભારત ટેક્સ કાર્યક્રમનું મહત્વ વધી જાય છે.

વડાપ્રધાન નરેન્દ્ર મોદીએ કહ્યું, “આજની ઇવેન્ટ પોતાનામાં ખૂબ જ ખાસ છે કારણ કે તે ભારતના બે મોટા પ્રદર્શન કેન્દ્રો ભારત મંડપમ અને યશો ભૂમિમાં એક સાથે યોજાઈ રહી છે. આજે લગભગ 100 દેશોમાંથી 3000 થી વધુ પ્રદર્શકો, ખરીદદારો આ ઇવેન્ટ માટે એકસાથે આ યોજનમાં સામેલ થયા છે…”

પીએમ મોદીએ દિલ્હીમાં ભારત ટેક્સ 2024નું ઉદઘાટન કર્યું છે.

વારાણસીના વિવાદિત જ્ઞાનવાપીના ભોંયરામાં હિંદુઓ દ્વારા પૂજા – પાઠ ચાલુ રહેશે. અલ્હાબાદ હાઇકોર્ટ આજે જ્ઞાનવાપી મસ્જિદના વ્યાસજી ભોંપરામાં પૂજા કરવા માટે આવેલી અપીલને ફગાવી દીધી છે. હાઇકોર્ટે કહ્યું કે, મુસ્લિમ પક્ષની અપિલમાં કોઇ દમ ન હતો.

મહારાષ્ટ્રમાં અંબાદ તાલુકાના તીર્થપુરી શહેરના છત્રપતિ શિવાજી મહારાજ ચોક પાસે મરાઠા આંદોલનના પ્રદર્શનકારીઓએ રાજ્ય પરિવહન નિગમની બસને આગ ચાંપી છે. મરાઠા સમુદાયને મરાઠા અનામત આપવા મુદ્દે આંદોલન ચાલી રહ્યું છે.

વારાણસીના વિવાદિત જ્ઞાનવાપીના ભોંયરામાં હિંદુઓ દ્વારા પૂજા – પાઠ ચાલુ રહેશે કે બંધ થશે તે અંગે અલ્હાબાદ હાઇકોર્ટ ચુકાદો આપશે. વારાણસી ડિસ્ટ્રીક કોર્ટે 31 જાન્યુઆરીએ ચુકાદો આપ્યો હતો કે, એક પુજારી જ્ઞાનવાપી મસ્જિદના દક્ષિણ ભોંયરામાં પૂજા કરી શકે છે.

અયોધ્યા રામ મંદિરમાં દર્શન કરવા ભક્તોની સંખ્યા દિવસને દિવસે વધી રહી છે. દરરોજ મોટી સંખ્યામાં રામ ભક્તો અયોધ્યા દર્શન કરવા પહોંચી રહ્યા છે.

ખેડૂત આંદોલનનો આજે 14મો દિવસ છે. ખેડૂતો હજી પણ દિલ્હી જવા મક્કમ છે. ભારતીય કિસાન સંગઠન આજે ટ્રેક્ટર રેલી કાઢીને પોતાનું શક્તિ પ્રદર્શન છે. તો બીજી બાજુ ખેડૂતોને દિલ્હી આવતા અટકાવવા પોલીસ અને અર્ધલશ્કરી દળોએ પણ સરહદ સીલ કરી દીધી છે. ખેડૂત નેતા રાકેશ ટિકૈતે કહ્યું કે, કાં તો સરકાર સહમત થાય અથવા મોટા આંદોલન માટે તૈયાર રહો.

બિહારમાં ત્રણ વાહન વચ્ચે ગંભીર અકસ્માત થતા 9 લોકોના કરુણ મોત થયા છે. માહિતી મુજબ બિહારના કૈમૂર જિલ્લાના મોહનિયા થાના ક્ષેત્રના દેવકલી ગામની પાસે કાર – બાઇક અને ટ્રક વચ્ચે ભયંકર એક્સિડેન્ટ થયો છે. આ અકસ્માતમાં ઘટના સ્થળે જ 9 લોકોના મોત થયા છે, જેમાં બે મહિલા છે. પોલીસે મૃતદેહોને વાહનમાંથી બહાર કાઢ્યા હતા.

એવું માનવામાં આવે છે કે, બેકાબુ બનેલી સ્કોર્પિયો કારે પહેલા બાઈકને ટક્કર મારી અને ત્યારબાદ ઉભેલા કન્ટેન્ટરમાં ઘુસી ગઇ. આ એક્સિડેન્ટમાં કારમાં બેસેલા 8 વ્યક્તિ અને એક બાઈક ચાલકના મોત થયા છે. હાલ પોલીસ સમગ્ર ઘટનાની તપાસ કરી રહી છે.