Visa Free Travel | વિઝા ફ્રી ટ્રાવેલ : ભારતીયોને આ 33 દેશોમાં વિઝા ફ્રી એન્ટ્રી મળે છે, જુઓ સંપૂર્ણ લીસ્ટ

Indian Visa Free Travel Countries : ભારતીયો માટે વિઝા ફ્રી એન્ટ્રી : તાજેતરમાં ઘણા દેશોએ ભારતમાંથી મુસાફરી કરતા લોકો માટે વિઝાની જરૂરિયાત નાબૂદ કરી છે. જો તમે ફરવાના શોખીન છો અને તમારી પાસે ભારતીય પાસપોર્ટ છે, તો હવે તમે સરળતાથી વિદેશ પ્રવાસ કરી શકો છો. હવે તમે વિઝા મેળવવાના તણાવ વિના ઘણા દેશોની મુલાકાત લઈ શકો છો. તાજેતરમાં ઈરાને ભારતીયો માટે વિઝા મુક્ત મુસાફરીની જાહેરાત કરી છે. અગાઉ થાઈલેન્ડે પણ ભારતીય પાસપોર્ટ ધારકો માટે વિઝાની જરૂરિયાત નાબૂદ કરી દીધી હતી. ભારતીયો 10 મે, 2024 સુધી 30 દિવસની મુદત માટે થાઈલેન્ડમાં વિઝા વિના મુસાફરી કરી શકે છે. અમે તમને એવા દેશો વિશે જણાવી રહ્યા છીએ જ્યાં જવા માટે ભારતીયોને વિઝાની જરૂર નથી.

શ્રીલંકાએ 31 માર્ચ 2024 સુધી ભારતીયો માટે વિઝાની જરૂરિયાત પણ નાબૂદ કરી દીધી છે. અને ભારતમાંથી મુસાફરી કરનારા લોકો 30 દિવસ સુધી વિઝા વગર રહી શકે છે. મલેશિયાએ પણ ભારતીયો માટે 30 દિવસ માટે વિઝા ફ્રી ટ્રાવેલની જાહેરાત કરી છે. આ સિવાય વિશ્વના કોઈપણ દેશમાંથી કેન્યા જતા પ્રવાસીઓએ વિઝાની મંજૂરી લેવાની રહેશે નહીં.

જાણો થાઈલેન્ડ, મલેશિયા, ઈરાન, કેન્યા અને શ્રીલંકા સિવાય એવા કયા દેશો છે જ્યાં જવા માટે ભારતીયોને વિઝાની જરૂર નથી.

ભારતીયો માટે વિઝા ફ્રી પ્રવેશ ઓફર કરતા દેશોની સંપૂર્ણ યાદી

• થાઈલેન્ડ
• મલેશિયા
• કેન્યા
• ઈરાન
• શ્રીલંકા
• ભુતાન
• કઝાકિસ્તાન
• હોંગકોંગ
• કૂક ટાપુઓ
• ફીજી
• નેપાળ
• મોરેશિયસ
• સેનેગલ
• ટ્યુનિશિયા
• માઇક્રોનેશિયા
• નિયુ
• વનુઆતુ
• ઓમાન
• કતાર
• બાર્બાડોસ
• બ્રિટિશ વર્જિન ટાપુઓ
• ડોમિનિકા
• ગ્રેનાડા
• હૈતી
• જમૈકા
• મોન્ટસેરાત
• સેન્ટ કિટ્સ અને નેવિસ
• સેન્ટ વિન્સેન્ટ અને ગ્રેનેડાઈન્સ
• ત્રિનિદાદ અને ટોબેગો
• અલ સાલ્વાડોર
• મકાઉ (SAR ચાઇના)
• ગેબોન
• મેડાગાસ્કર
• રવાન્ડા

આ સિવાય 24 એવા દેશો છે, જે ભારતીય પાસપોર્ટ ધારકો માટે વિઝા-ઓન-અરાઈવલ ઓફર કરે છે. જેમાં ઇન્ડોનેશિયા, માલદીવ, તાન્ઝાનિયા, માર્શલ આઇલેન્ડ, જોર્ડન, કંબોડિયા, મ્યાનમાર અને અન્ય ઘણા દેશોનો સમાવેશ થાય છે.