Jharkhand Floor Test, ઝારખંડ ફ્લોર ટેસ્ટ : ચંપઈ સરકાર ફ્લોર ટેસ્ટમાં પાસ, તરફેણમાં પડ્યા 47 વોટ

Jharkhand Floor Test, ઝારખંડ ફ્લોર ટેસ્ટ, champai Government latest updates : ઝારખંડમાં ચંપાઈ સોરેન સરકારે વિધાનસભામાં વિશ્વાસ મત જીતી લીધો છે. ફ્લોર ટેસ્ટ દરમિયાન, ચંપાઈ સોરેન સરકારની તરફેણમાં 47 વોટ પડ્યા જ્યારે તેમની સરકાર વિરુદ્ધ 29 વોટ પડ્યા. કોર્ટના આદેશ બાદ પૂર્વ સીએમ હેમંત સોરેન પણ ફ્લોર ટેસ્ટમાં ભાગ લેવા પહોંચ્યા હતા. ફ્લોર ટેસ્ટ પહેલા એસેમ્બલીમાં બોલતા, ઝારખંડના ભૂતપૂર્વ મુખ્ય પ્રધાન હેમંત સોરેને ભાજપને તેમની સામેના ભ્રષ્ટાચારના આરોપો સાબિત કરવા પડકાર ફેંક્યો હતો, અને કહ્યું હતું કે જો આરોપો સાબિત થશે તો તેઓ રાજકારણ છોડી દેશે. તેમણે એવો પણ આક્ષેપ કર્યો હતો કે કેન્દ્ર દ્વારા કાવતરું ઘડવામાં આવ્યા બાદ રાજભવને તેમની ધરપકડમાં મહત્વની ભૂમિકા ભજવી હતી. તમને જણાવી દઈએ કે એન્ફોર્સમેન્ટ ડિરેક્ટોરેટ (ED) એ ગયા અઠવાડિયે મની લોન્ડરિંગ કેસમાં હેમંત સોરેનની ધરપકડ કરી હતી.

જકીય સંકટ વચ્ચે, તાજેતરમાં હેમંત સોરેનના નજીકના ચંપાઈ સોરેને સીએમ તરીકે શપથ લીધા

ઝારખંડના પૂર્વ સીએમ અને જેએમએમ નેતા હેમંત સોરેનની ED દ્વારા ધરપકડ કરવામાં આવ્યા બાદ રાજ્યની રાજનીતિ માટે સોમવારનો દિવસ ખૂબ જ મહત્વપૂર્ણ બની રહ્યો છે. રાજકીય સંકટ વચ્ચે, તાજેતરમાં હેમંત સોરેનના નજીકના ચંપાઈ સોરેને સીએમ તરીકે શપથ લીધા. અગાઉ, ધારાસભ્યોના હોર્સ-ટ્રેડિંગને રોકવાના ઉદ્દેશ્ય સાથે, જેએમએમ અને કોંગ્રેસના ધારાસભ્યોને કોંગ્રેસ શાસિત રાજ્ય તેલંગાણામાં હૈદરાબાદ મોકલવામાં આવ્યા હતા. સોમવારે યોજાનાર ફ્લોર ટેસ્ટ પહેલા ગઠબંધનના તમામ ધારાસભ્યો રવિવારે જ રાંચી પરત ફર્યા હતા.

ઝારખંડ ફ્લોર ટેસ્ટ : EDનો હેતુ તપાસ કરવાનો નથી પરંતુ ગઠબંધન સરકારને તોડી પાડવાનો

રાજકીય ઉથલપાથલ અને ભાજપની સક્રિયતાને કારણે હેમંત સોરેનની ધરપકડ બાદ સત્તાધારી ગઠબંધન દ્વારા સતત એવા દાવા કરવામાં આવી રહ્યા હતા કે EDનો હેતુ તપાસ કરવાનો નથી પરંતુ ગઠબંધન સરકારને તોડી પાડવાનો છે. આવી સ્થિતિમાં સરકારમાં સામેલ લગભગ 40 ધારાસભ્યોને શુક્રવારે હૈદરાબાદ મોકલવામાં આવ્યા હતા અને હવે આ તમામ ધારાસભ્યો રવિવારે રાંચી પરત ફર્યા છે. 5 ફેબ્રુઆરીએ યોજાનાર ફ્લોર ટેસ્ટની એક ખાસ વાત એ છે કે ED કસ્ટડીમાં મોકલવામાં આવેલા હેમંત સોરેનને પણ ફ્લોર ટેસ્ટમાં ભાગ લેવાની મંજૂરી આપવામાં આવી છે કારણ કે તે ધારાસભ્ય છે.

હેમંત સોરેને તેમની ધરપકડ બાદ અરજી દાખલ કરી હતી કે તેઓ જેએમએમના ધારાસભ્ય છે, જેના કારણે તેઓ 5 ફેબ્રુઆરીએ યોજાનારી ફ્લોર ટેસ્ટમાં હાજર રહેવા માટે પણ લાયક છે. હેમંત સોરેનની આ અપીલ પીએમએલએ કોર્ટે સ્વીકારી લીધી છે. જોકે હેમંત સોરેનની
અરજી અંગે સુનાવણી દરમિયાન EDએ આ માંગનો વિરોધ કર્યો હતો. કોર્ટના આદેશ પર હવે પૂર્વ સીએમ પણ ફ્લોર ટેસ્ટમાં ભાગ લેશે જે ચોક્કસપણે શાસક પક્ષ માટે રાહતના સમાચાર છે.

ઝારખંડ ફ્લોર ટેસ્ટ : કાયદો અને વ્યવસ્થાને લઈને બેઠક યોજાઈ હતી

વિશ્વાસ મત પહેલાં, સીએમ ચંપાઈ સોરેને રાજ્યમાં કાયદો અને વ્યવસ્થા અંગે સમીક્ષા બેઠક યોજી હતી. આ બેઠકમાં મુખ્ય સચિવ એલ ખ્યાંગટે, ડીજીપી અજય કુમાર સિંહ અને અન્ય અધિકારીઓ પણ હાજર હતા. ચંપાઈ સોરેને અધિકારીઓને ગુના પર સંપૂર્ણ નિયંત્રણ રાખવા સૂચના આપી છે. કેટલાક ચોક્કસ જિલ્લાઓનો ઉલ્લેખ કરીને, મુખ્યમંત્રીએ અધિકારીઓને કહ્યું કે, જો કેટલાક જિલ્લામાં ગુનાખોરી વધે છે, તો કાયદો અને વ્યવસ્થાના મોરચે સમગ્ર રાજ્યની છબી કલંકિત થાય છે.

Gujarati news today live : આજના તાજા સમાચાર, સોમવારે બનતી તમામ ઘટનાઓના ન્યૂઝ અપડેટ્સ

ઝારખંડ ફ્લોર ટેસ્ટ : ભાજપે હેમંત સોરેનને ફસાવ્યા?

વિશ્વાસ મત પહેલા મુખ્યમંત્રી ચંપાઈ સોરેને ભાજપ પર આકરા પ્રહારો કર્યા છે. ઝારખંડ મુક્તિ મોરચાના 52માં સ્થાપના દિવસ પર એક રેલી દરમિયાન તેમણે કહ્યું કે હેમંત સોરેન્કોને બનાવટી અને ખોટા કેસમાં ફસાવવામાં આવ્યા છે, જેથી 19 વર્ષથી ચાલી રહેલા ઝારખંડના ખનીજની લૂંટનું કામ વધુ તેજ કરી શકાય. મુખ્યમંત્રી સોરેને કહ્યું કે હેમંત સોરેન 2019માં સીએમ બન્યા હતા, અને તેમણે ભાજપ દ્વારા ખનીજની લૂંટ પર રોક લગાવી હતી, જેના કારણે તેમને ખોટા કેસમાં ફસાવવામાં આવ્યા છે.