scorecardresearch

Bharat Jodo Yatra In Delhi : ભારત જોડો યાત્રા દિલ્હી પહોંચી, 23 કિમીની પદયાત્રા કરશે રાહુલ ગાંધી, લાલ કિલ્લા પર સભા

Bharat Jodo Yatra In Delhi: આ યાત્રા બપોરે 1 વાગ્યે આશ્રમથી ફરી શરૂ થશે અને નિઝામુદ્દીન, ઈન્ડિયા ગેટ સર્કલ-આઈટીઓ-દિલ્હી કેન્ટ-દરિયાગંજ થઈને લાલ કિલ્લા તરફ આગળ વધશે. બાદમાં રાહુલ ગાંધી અને કેટલાક મુસાફરો કાર દ્વારા રાજઘાટ, વીર ભૂમિ અને શાંતિવન જશે અને પુષ્પાંજલિ અર્પણ કરશે.

Bharat Jodo Yatra In Delhi : ભારત જોડો યાત્રા દિલ્હી પહોંચી, 23 કિમીની પદયાત્રા કરશે રાહુલ ગાંધી, લાલ કિલ્લા પર સભા
ભારત જોડો યાત્રા ઇન્ડિય એક્સપ્રેસ ફોટો

Bharat Jodo Yatra: કોંગ્રેસની ભાર જોડો યાત્રા શનિવારે સવારે બદરપુર બોર્ડથી રાજધાની દિલ્હીમાં પ્રવેશ કર્યો હતો. આ દમિયાન યાત્રામાં સામેલ લોકોનો કલાકારો અને સાંસ્કૃતિક કર્માચરીઓએ ગીતો અને નૃત્યોથી ભાવથી સ્વાગત કર્યું હતું. આ યાત્રા લગભગ છ વાગ્યે બદપુર સીમમાં પ્રવેશ કર્યો હતો. વિવિધ ક્ષેત્રોમાં લોકો સામેલ થયા છે. જેમાં વિવિધ ક્ષેત્રના લોકોએ ભાગ લીધો હતો. ત્યારબાદ યાત્રા એપોલો હોસ્પિટલ થઈને આશ્રમ તરફ આગળ વધી હતી. લંચ બ્રેક બાદ મુસાફરો થોડો સમય આરામ કરશે.

આ યાત્રા બપોરે 1 વાગ્યે આશ્રમથી ફરી શરૂ થશે અને નિઝામુદ્દીન, ઈન્ડિયા ગેટ સર્કલ-આઈટીઓ-દિલ્હી કેન્ટ-દરિયાગંજ થઈને લાલ કિલ્લા તરફ આગળ વધશે. બાદમાં રાહુલ ગાંધી અને કેટલાક મુસાફરો કાર દ્વારા રાજઘાટ, વીર ભૂમિ અને શાંતિવન જશે અને પુષ્પાંજલિ અર્પણ કરશે. દિલ્હીમાં યાત્રાનો પહેલો સ્ટોપ આશ્રમ ચોક પર રહેશે. અહીં સર્વધર્મ સભાનું પણ આયોજન કરવામાં આવ્યું છે. જેમાં તમામ ધર્મના ધર્મગુરુઓ ભાગ લેશે.

દિલ્હી પ્રદેશ કોંગ્રેસના ઉપાધ્યક્ષ જય કિશને જણાવ્યું કે આ દરમિયાન રાહુલ ગાંધી દલિતો, બ્રાહ્મણો, વિદ્યાર્થીઓ અને સાધુઓને મળશે. આ સાથે દલિત સમાજના અન્ય અનેક સંગઠનો સાથે જોડાયેલા લોકો સાથે રાહુલ ગાંધીની વાતચીત પણ નિશ્ચિત છે. ઉપપ્રમુખ જય કિશને એમ પણ જણાવ્યું કે આશ્રમ ચોક પાસે યાત્રાને રોકવાને લઈને સંપૂર્ણ તૈયારીઓ કરી લેવામાં આવી છે. અહીં પાર્ટી દ્વારા લંચ બ્રેકની વ્યવસ્થા કરવામાં આવી છે.

અભિનેતામાંથી રાજનેતા બનેલા કમલ હાસન પણ દિલ્હી પ્રવાસમાં જોડાશે

અભિનેતામાંથી રાજકારણી બનેલા કમલ હાસન કેટલાક સ્વાતંત્ર્ય સેનાનીઓના પરિવારના સભ્યો અને કોંગ્રેસના ટોચના નેતાઓ શનિવારે રાહુલ ગાંધીની આગેવાની હેઠળની ‘ભારત જોડો યાત્રા’ના દિલ્હી લેગમાં જોડાય તેવી શક્યતા છે. પાર્ટીના સૂત્રોએ આ માહિતી આપી. ગયા અઠવાડિયે મક્કલ નીધી મયમ (MKM) ના પ્રમુખના હોદ્દેદારોને સંબોધતા હાસને કહ્યું હતું કે તેમને રાહુલ ગાંધી દ્વારા આમંત્રણ આપવામાં આવ્યું છે અને 24 ડિસેમ્બરે રાષ્ટ્રીય રાજધાનીમાં ‘ભારત જોડો યાત્રા’માં ભાગ લેશે.

રાજધાનીમાં 50 હજાર લોકો યાત્રાનો ભાગ બનશે

દિલ્હી પ્રદેશ કોંગ્રેસના અધ્યક્ષ ચૌધરી અનિલ કુમારે શુક્રવારે કહ્યું કે ભારત જોડો યાત્રામાં ઓછામાં ઓછા 50,000 લોકો ભાગ લે તેવી શક્યતા છે. આશ્રમ ચોક ખાતે લંચ બ્રેક બાદ થોડો આરામ કર્યા બાદ યાત્રા બપોરે 1 કલાકે શરૂ થશે અને નિઝામુદ્દીન તરફ આગળ વધશે. આ યાત્રા ઈન્ડિયા ગેટ સર્કલ-આઈટીઓ-દિલ્હી ગેટ-દરિયાગંજ થઈને લાલ કિલ્લા પર પહોંચશે. રાહુલ ગાંધી અહીં સાંજે 4 વાગ્યે સભાને સંબોધશે. આ સાથે રાહુલ ગાંધી અને યાત્રામાં સામેલ કેટલાક લોકો રાજઘાટ, વીર ભૂમિ અને શાંતિ વન પર પહોંચીને પુષ્પાંજલિ અર્પણ કરવાની યોજના છે.

દિલ્હી પોલીસે કડક સુરક્ષા વ્યવસ્થા ગોઠવી છે

દિલ્હી પોલીસ દ્વારા કહેવામાં આવ્યું છે કે યાત્રાને લઈને નક્કર વ્યવસ્થા કરવામાં આવી છે. યાત્રાના રૂટ અંગે, દિલ્હી ટ્રાફિક પોલીસ અને વરિષ્ઠ અધિકારીઓએ શુક્રવારે યાત્રા કયા રૂટ પરથી પસાર થવાની છે તેની પણ માહિતી લીધી હતી. દિલ્હી ટ્રાફિક પોલીસ દ્વારા સવારે બદરપુર, સરિતા વિહાર, ન્યૂ ફ્રેન્ડ્સ કોલોની અને આશ્રમ ચોક તરફ જવાનું ટાળવાનું સૂચન કરવામાં આવ્યું છે. આ સાથે લોકોને બપોરે આશ્રમ ચોક, નિઝામુદ્દીન, ઈન્ડિયા ગેટ, આઈટીઓ, દરિયા ગંજથી લાલ કિલ્લા તરફ જવાનું ટાળવા માટે કહેવામાં આવ્યું છે. ટ્રાફિક પોલીસે જણાવ્યું કે યાત્રા દરમિયાન રૂટ બદલવામાં આવશે. અને થોડા સમય માટે આ વિસ્તારોમાં અવરજવર પણ બંધ રહેશે.

Web Title: Join india yatra reaches delhi rahul gandhi will walk 23 km red fort

Best of Express