Karnataka Tumkuru Mass Suicide : કર્ણાટક તુમકુરુમાં પૂરા પરિવારે ફાંસી લગાવી કરી આત્મહત્યા, પાંચેના મોત, VIDEO માં જણાવ્યું કારણ

Karnataka Tumkuru Mass Suicide : કર્ણાટકના તુમકુરુ શહેરમાંથી હૃદયદ્રાવક સમાચાર સામે આવ્યા છે. અહીં સદાશિવનગર વિસ્તારમાં સમગ્ર પરિવારે એક સાથે આત્મહત્યા કરી લીધી હતી. મૃતકોમાં એક પુરૂષ તેની પત્ની અને ત્રણ બાળકોનો સમાવેશ થાય છે. રિપોર્ટ અનુસાર, આત્મહત્યા કરતા પહેલા પરિવારના 5 સભ્યોએ વીડિયો બનાવ્યો હતો. સ્થળ પરથી એક સુસાઈડ નોટ મળી આવી હતી. જેમાં પીડિતાએ દેવાનો ઉલ્લેખ કર્યો છે.

પીડિતાના જણાવ્યા મુજબ, લોન આપનાર લોકો તેમના પડોશીઓ હતા અને કથિત રીતે તેમને હેરાન કરતા હતા. આત્મહત્યામાં મૃત્યુ પામેલા લોકોની ઓળખ ગરીબ સાબ, પત્ની સુમૈયા, પુત્રી હજીરા, પુત્રો મોહમ્મદ શભાન અને મોહમ્મદ મુનીર તરીકે થઈ છે. પોલીસના જણાવ્યા અનુસાર કેસ નોંધવામાં આવ્યો છે અને વધુ તપાસ કરવામાં આવી રહી છે.

આ મામલે તુમકુરુના એસપી અશોક કુમારનું કહેવું છે કે, વીડિયોમાં મૃતકે જણાવ્યું છે કે, કેવી રીતે એક જ બિલ્ડિંગમાં રહેતા પાડોશીઓએ તેમના પરિવારે પીડિતાના પરિવારને ટોર્ચર કર્યા અને તેમને આત્મહત્યા કરવા માટે મજબૂર કર્યા.

ઘરમાંથી પતિ-પત્ની અને ત્રણ બાળકો મૃત હાલતમાં મળી આવ્યા હતા

અહેવાલો અનુસાર, પતિ-પત્ની અને તેમના ત્રણ બાળકો રવિવારે રાત્રે તેમના ઘરમાં મૃત હાલતમાં મળી આવ્યા હતા. પીડિતાનો પરિવાર ઘરના ખર્ચને પહોંચી વળવા 'કબાબ' વેચતો હતો. તે તુમાકુરુના શિરા તાલુકાના લક્કેનહલ્લી ગામનો રહેવાસી હતો. કથિત રીતે તેમના પર દેવું હતું. લોન આપનાર તેને પરેશાન કરી રહ્યા હતા. શાહુકાર તે જ મકાનમાં રહેતા હતા, જ્યાં તે રહેતો હતો. તેઓ તેને અને તેના પરિવારને હેરાન કરતા હતા. આ બાબતોના કારણે તે પરિવાર સહિત મોતને ભેટ્યા હતા.

આ મામલે તુમાકુરુના એસપી અશોક કુમારે કહ્યું કે, સુસાઈડ નોટ અને વીડિયો અનુસાર પરિવારે દેવાને કારણે આત્મહત્યા કરી છે. હાલ કેસ નોંધી આગળની કાર્યવાહી હાથ ધરી છે. વીડિયોમાં મૃતકે જણાવ્યું છે કે, તે જ બિલ્ડીંગમાં રહેતા વ્યક્તિ અને તેના પરિવારે તેને અને તેના પરિવારને ટોર્ચર કર્યા હતા અને આત્મહત્યા કરવા મજબૂર કર્યા હતા.

આ પણ વાંચો - Kochi CUSAT University Stampede : CUSAT યુનિવર્સિટીમાં સંગીત કાર્યક્રમ દરમિયાન નાસભાગ, અત્યાર સુધીમાં 4 વિદ્યાર્થીઓના મોત, 50થી વધુ ઘાયલ

પોલીસને ફાંસી લગાવતા પહેલાનો પરિવારે બનાવેલો વીડિયો મળ્યો છે. જેમાં તેમણે રાજ્યના ગૃહમંત્રી પરમેશ્વર અને પોલીસ અધિકારીઓને આરોપીઓને સજા કરવા અપીલ કરી છે. ગૃહમંત્રી પરમેશ્વરાએ આ ઘટના પર દુખ વ્યક્ત કર્યું અને કહ્યું કે, તેઓ આ મામલે સંપૂર્ણ તપાસ કરશે. રિપોર્ટ અનુસાર આ કેસમાં 5 આરોપીઓને કસ્ટડીમાં લેવામાં આવ્યા છે. આગળની કાર્યવાહી હાથ ધરી છે.