Today News Live Updates: શરદે પવારનો યૂ ટર્ન, કહ્યું – વિપક્ષી એકતા માટે નહીં કરે જેપીસીનો વિરોધ

હિંડનબર્ગ દ્વારા અદાણી સમૂહ પર લગાવેલા આરોપોની સંયુક્ત સંસદીય સમિતિ (જેપીસી) દ્વારા તપાસ કરવા મામલે એનસીપી પ્રમુખ શરદ પવારે યૂ ટર્ન લીધો છે. શરદ પવારે મરાઠી ન્યૂઝ ચેનલ એબીપી માઝા સાથે વાત કરતા કહ્યું કે વિપક્ષી દળોના અમારા મિત્રો જેપીસી તપાસ પર ભાર આપે છે તો અમે વિપક્ષી એકતા માટે તેનો વિરોધ કરીશું નહીં. અમે તેમના વિચારથી સહમત નહીં હોઈએ પણ એ સુનિશ્ચિત કરીશું કે અમારા વલણથી વિપક્ષી એકતાને નુકસાન ના પહોંચે.

દિલ્હીમાં સોમવારે કોરોના વાયરસના કારણે ત્રણ દર્દીના મોત નીપજ્યા છે. જોકે, ત્રણ દર્દીઓને કોરોના ઉપરાંત અન્ય બીમારીઓ પણ હતી. રાજધાનીમાં કોરોના વાયરસના નવા 484 મામલા સામે આવ્યા હતા. સંક્રમણ દર 26.58 ટકા નોંધાયા હતા. દિલ્હી સરકારના સ્વાસ્થ્ય વિભાગ તરફથી જાહેર કરવામાં આવેલા બુલેટિનમાં જાણકારી આપી હતી.