પ્રેસ કોન્ફરન્સમાં ધ્રુસકે-ધ્રુસકે રડી પડ્યા ભાજપના સાંસદ લોકેટ ચેટર્જી, કહ્યું- ટીએમસીના ગુંડાઓએ બંદૂકની અણીએ મહિલાને કરી હતી નગ્ન

Locket Chatterjee Emotional: પશ્ચિમ બંગાળના ભાજપના સાંસદ લોકેટ ચેટર્જી મીડિયા સામે ધ્રુસકે-ધ્રુસકે રડી પડ્યા હતા. તેમના તરફથી સીએમ મમતા બેનર્જી પર આરોપ લગાવવામાં આવ્યો છે કે તેઓ હિંસા રોકવામાં નિષ્ફળ રહ્યાં છે. એવું પણ કહેવામાં આવ્યું હતું કે અમે મહિલાઓ છીએ, અમારી સાથે પણ દુર્વ્યવહાર કરવામાં આવ્યો હતો. અમને ખબર નથી કે ક્યાં જવાનું છે.

કેમ રડવા લાગ્યા ભાજપના સાંસદ?

ભાજપના સાંસદે મીડિયા સાથે વાત કરતા ટીએમસી પર મોટો આરોપ લગાવ્યો હતો. તેમણે કહ્યું કે ટીએમસીના ગુંડાઓએ અમારી એક મહિલા ઉમેદવારને બંદૂકની અણીએ નગ્ન કરી દીધી હતી અને તેના પર ખૂબ અત્યાચાર ગુજાર્યો હતો. શું આ કેસમાં પણ કોઈ તપાસ થશે કે નહીં? જાણકારી માટે જણાવી દઈએ કે હાલના સમયે મણિપુરના વાયરલ વીડિયોને કારણે મહિલાઓની સુરક્ષાનો મુદ્દો ચર્ચામાં આવ્યો છે.

લોકેટ બેનર્જીએ મમતા સરકાર પર શું કહ્યું?

મોટી વાત એ છે કે સીએમ એન બિરેન સિંહના રાજીનામાની માંગ દરેક વ્યક્તિ કરી રહ્યા છે. હવે તે માંગ વચ્ચે ભાજપના સાંસદ લોકેટ ચેટર્જીએ બંગાળ હિંસાનો મુદ્દો ઉઠાવ્યો છે. તેમના તરફથી ભાર આપીને કહેવામાં આવ્યું કે બંગાળમાં લોકશાહી ખતમ થઇ ગઇ છે. તેમના તરફથી બંગાળ હિંસા વિશે વિસ્તૃત માહિતી આપવામાં આવી છે. હવે લોકેટ ચેટર્જી પણ આ હુમલો ત્યારે કર્યો જ્યારે મીડિયા સાથે વાત કરતા બંગાળના સીએમ મમતા બેનર્જીએ સીધા પીએમ મોદી પર પ્રહાર કર્યો હતો.

આ પણ વાંચો - પોલીસે જ અમને ટોળા સાથે છોડી દીધા’ – મણિપુરની મહિલાઓને નગ્ન ફેરવી, પછી સામૂહિક બળાત્કાર કર્યો

મમતાએ પીએમ મોદી પર કર્યો પ્રહાર

મમતા બેનર્જીએ કહ્યું કે પીએમ પશ્ચિમ બંગાળ તરફ આંગળી ચીંધે છે પણ મણિપુરની માતાઓ અને બહેનો માટે કશું કરતા નથી. ભાર આપીને કહેવામાં આવ્યું કે આ વખતે આવનારી ચૂંટણીમાં દેશની મહિલાઓ આ સરકારને સત્તામાંથી ઉખાડી ફેંકશે. હવે આ રાજકીય નિવેદનબાજી એટલા માટે થઈ રહી છે કારણ કે મણિપુરમાં છેલ્લા બે મહિનાથી હિંસા થઇ રહી છે. ત્યાં કોઈ હિંસા થઈ નથી અને ન તો જમીન પર કોઈ હિંસા થઈ છે. એક મહિલાનો નગ્ન વાયરલ વીડિયો આવ્યા બાદથી સ્થિતિ વધુ વિસ્ફોટક બની છે.

આ વાયરલ વીડિયોનો શું છે વિવાદ?

મણિપુરનો 4 મે નો એક વીડિયો વાયરલ થયો છે જેમાં કેટલાક આરોપીઓ બે મહિલાઓને નગ્ન કરીને રસ્તા પર ફેરવી રહ્યા છે. કથિત રીતે તેમની સાથે બળાત્કાર પણ કરવામાં આવ્યો હતો. આ વાયરલ વીડિયો સામે આવ્યા પછી સરકાર ઉપર પણ સવાલ ઉઠી રહ્યા છે અને મણિપુર પોલીસ પણ નિશાને આવી ગઈ છે. એક પીડિતાએ ધ ઇન્ડિયન એક્સપ્રેસ સાથે વાત કરતા કહ્યું હતું કે તેને પોલીસ દ્વારા જ ટોળાને હવાલે કરી દીધી હતી. તે આક્ષેપથી પણ સ્થિતિ વધુ ગંભીર બની છે.