મહાદેવ સટ્ટાબાજી એપ કેસમાં મોટી સફળતા, કો-ફાઉન્ડર રવિ ઉપ્પલની દુબઈ પોલસે કરી ધરપકડ

મહાદેવ સટ્ટા એપ કેસમાં મોટી ધરપકડ કરવામાં આવી છે. દુબઈ પોલીસે બે આરોપીઓમાંથી એક કો-ફાઉન્ડર રવિ ઉપ્પલની ધરપકડ કરી છે. દુબઈ પોલીસે ઈન્ટરપોલ દ્વારા જારી કરાયેલી રેડ કોર્નર નોટિસના આધારે આ કાર્યવાહી કરી છે. ઇડીએ રવિ ઉપ્પલ સામે રેડ કોર્નર નોટિસ માટે ઇન્ટરપોલને અપીલ કરી હતી.

રવિ ઉપ્પલને ભારત લાવવા માટે તપાસ એજન્સીઓએ દુબઇ પોલીસના સંપર્કમાં છે. ઉલ્લેખનીય છે કે ઇડી પણ મહાદેવ એપ મામલા સાથે સંકળાયેલા મની લોન્ડરિંગ મામલે તપાસ કરી રહી છે. રવિ ઉપ્પલ વિરુદ્ધ છત્તીસગઢ અને મુંબઈ પોલીસ પણ તપાસ કરી રહી છે. ઉલ્લેખનીય છે કે મુખ્ય આરોપી સૌરભ ચંદ્રાકર છે. મહાદેવ સટ્ટાબાજી એપને ભારતમાં બે કરવામાં આવી છે. સૌરવ ચંદ્રકાર અને રવિ ઉપ્પલ બંને છત્તીસગઢના રહેનારા છે. દુબઈથી આ એપનું સંચાલન કરતા હતા.

ઇડીએ મહાદેવ ઓનલાઇન સટ્ટાબાજી મામલે 417 કરોડ રૂપિયાની સંપત્તી જપ્ત કરી અને ફ્રીઝ કરી છે. અધિકારીઓએ આરોપ લગાવ્યો છે કે દુબઇથી સંચાલિત આ કંપની નવા લોોકને જોડવા અને તેમની ઓળખ પત્ર બનાવવા તથા અનેક બેનામી બેંક ખાતા થકી મની લોન્ડ્રિંગ કરવા માટે ઓલાઇન સટ્ટાબાજી એપ્લિકશનનો ઉપયોગ કરતો હતો.